VOV4.Bahnar - ‘Năr brei (28/5), An^h vei lăng kon pơ lei de#h char Lâm Đồng pơ gơ\r Hop ako\m trực tuyến lơ\m de#h char pơ tôch tơ drong jang tang găn to\ ‘mi kial pơ răm păng tơ chă do\ng sar bar sơ năm 2020. Sơ năm 2020, lơ\m de#h char Lâm Đồng hơ nơ\ng jang kiơ\ Tơ drong jang tơ gu\m hơ to\k tơ iung dơ nâu đak ie\ pơ yua ăn tơ drong jang pơ jing tơ ring tơ rang ‘nao kiơ\ trong “ Kon pơ lei pơm dơ nâu đak, te\h đak tơ gu\m kơ măy kơ mo\k”.

Pơ jing, jang đang rim trong jang tơ gu\m hơ to\k tơ iung cho\h jang sa kơ măy kơ mo\k ‘nao, mă loi ‘no\h j^ trong jang tơ gu\m găh jên jang, thue# păng trong jang tơ mơ\t yua pơ\ih să kơ măy kơ mo\k tơ ru\ih ‘mơ ‘met đak. Pơ tôch hop ako\m, An^h vei lăng kon pơ lei de#h char Lâm Đồng athei rim An^h vei lăng kon pơ lei rim apu\ng, pơ lei tơm lơ\m de#h char kăl kơ pơ jing, tơ le\ch trong jang mă lăp hăm tơ dra hơ drol tang găn to\ ‘mi kial pơ răm, tơ chă do\ng sar bar; hơ to\k loi dơ\ng jang prăt năr prăt măng băt hơ dăh tơ drong kơ tơ\ng ang, tơ tom đei trong jang tơ jră.

Thuem: Tơ blơ\