VOV4.Bahnar - Tơ\ plei tơm Đà Lạt, Anih jang tơmang pơhiơ\ dêh char Lâm Đồng hlôi pơm lêh pơkăp jang kiơ\ Tơchơ\t oei xa rơgei tơmang pơhiơ\ lơ\m tơring. 'Nâu jing tơdrong jang hơdăh vă hơto\k pơ 'lơ\ng tơdrong tơmang pơhiơ\ Đà Lạt – Lâm Đồng, pơm tro\ tơdrong pơkăl kơ anih jang roi năr roi kơjung đơ\ng tơmoi lơ\m păng 'nguaih kơ teh đak.

            Kiơ\ kơ noh, Tơchơ\t oei xa rơgei tơmang pơhiơ\ kơ dêh char Lâm Đồng đei 2 apăng, 12 tơdrong pơkăp vă hơmet tơdrong oei xa ăn 10 tơdrong jang đei tơre\k noh: tơmoi truh tơmang; dôm anih jang găh tơmang pơhiơ\; anih jang 'nhăk tơmoi năm tơmang pơhiơ\; anih oei xa lơ\m tơmang pơhiơ\; anih chơ 'nhăk tơmoi tơmang pơhiơ\; anih te\ch tơmam xo\ng xa tơmang pơhiơ\; anih te\ch răt tơmam tơmang pơhiơ\; dôm anih 'lơ\ng ro\ tơmang hiơ\; păng tơpôl kon pơlei. Lơ\m noh, hăm rim khul jang âu gô đei dôm tơdrong pơkăp adro# vă pơm kiơ\ [lep pơkăp um ru\p kon bơngai  Đà Lạt – Lâm Đồng: “Dơnưp – phep yom – 'mêm kơ tơmoi”. 

Tơ\ lêh io\k jang, 1.000 đoàn viên, hơdruh tơdăm păng ho\k tro lơ\m tơring kơ dêh char Lâm Đồng hlôi pơm kiơ\ năr iung jang 'năr gie\ng jơk, jang kiơ\ pơkăp ako\m rơm re\k tơ\ minh [ar jăl trong tơm kơ Đà Lạt. Pơmai Trần Diệp Mỹ Dung, kang [o# anih jang đoàn dêh char Lâm Đồng ăn tơbăt, dôm tơdrong jang âu gô đei pơtoi hơnơ\ng vă pơm trong 'lơ\ng tơnăp lơ\m tơdrong hơto\k hlôh vao vei rơgoh cham char ăn kon pơlei păng tơmoi truh tơmang tơ\ Đà Lạt – Lâm Đồng: “Anih jang đoàn dêh char Lâm Đồng hlôi đei tơdrong jang 'Năr gie\ng jơk, 'Năr tơdrau pơm jang vă ako\m pơ 'nguaih rơm re\k tơ\ dôm jăl trong, dôm anih tơmang pơhiơ\... kiơ\ dôm tơdrong jang noh dôm anih jang gô kơdih pơgơ\r iung jang hơnơ\ng hloh. Nhôn 'meh hơyak truh hăm boăl đoàn viên hơdruh tơdăm gô pơm trong hiôk tơnăp lang xă lơ\m tơring kơ dêh char Lâm Đồng gơh đei jơnei tơnăp hloh”

Yă Nguyễn Thị Nguyên, Kơdră Anih jang Joh ayo\, Tơplo\ng kơdâu păng Tơmang pơhiơ\ dêh char Lâm Đồng ăn tơbăt, ja#p dêh char dang ei đei pơhlom 1.300 anih oei, hloh 100 anih tơmang pơhiơ\, je# 60 anih jang găh 'nhăk tơmoi năm tơmang păng kơ rơbâu anih jang, tơ 'ngla jang găh tơmang pơhiơ\, răt tơmam, chơ tơmoi năm tơmang... xek axong tơdrong jang ăn hloh 10.000 'nu bơngai jang kơtă păng hloh 25.000 bơngai jang nai.  Kơxo# tơmoi năm truh păng pơdơh pơdei tơ\ Lâm Đồng duh roi năr roi ato\k. Lơ\m xơnăm âu jo# hơlen gô đei pơhlom 5,9 triu 'nu tơmoi, lơ\m noh đei hloh  400.000 'nu tơmoi đơ\ng teh đak đe.  

Vă ke\ đei jơnei pơkăp pơjing tơmang pơhiơ\ Đà Lạt – Lâm Đồng jing anih tơm tơmang pơhiơ\ rơgei 'lơ\ng, păng jing anih truh “xơđơ\ng  – gơh rơgei – dơnưp yom”, kiơ\ kơ yă Nguyễn Thị Nguyên, tơdrong tơle\ch jang kiơ\ Tơchơ\t oei xa rơgei tơring tơmang pơhiơ\ âu kăl đei hơto\k ling lang păng đei dru\t kơtang: “Tơle\ch jang kiơ\ Tơchơ\t âu gô đei tơdrong vang jang đơ\ng tôm anih jang păng tôm anih jang ch^nh tr^ kơ dêh char. Mă kăl noh hơto\k hlôh vao păng tơplih trong jang đơ\ng rim anih jang, tơ 'ngla jang găh tơmang pơhiơ\, mă hăt noh hăm tơring kon pơlei. Nhôn hơpơi tơdrong tơle\ch jang âu gô kơjăp đunh đai, hơnơ\ng, hơto\k hlôh vao păng tơplih đei tơdrong oei xa vă pơm thoi yơ tơgop pơjing um ai tơmang pơhiơ\ kơ Lâm Đồng kiơ\ hơyak xơđơ\ng, dơnưp yom păng gơh rơgei”.

Đà Lạt, Lâm Đồng jing tơring tơmang pơhiơ\ pơdơh pơdei mă đe ư ang lơ\m ja#p teh đak păng lơ\m apu\ng plenh teh. Jang tơnăp kiơ\ Tơchơ\t oei xa gơh rơgei tơmang pơhiơ\, pơm trong hiôk ăn tơmang pơhiơ\ dơnưp 'lơ\ng, gô hơto\k anih truh tơmang âu hăm tơmoi, tơgop hơto\k pran tơdrong jang mu\k drăm dơnơm âu.  

Lan chih păng rapor