VOV4.Bahnar - Jang kiơ\ Tơchơ\t tơgu\m đe oh truh hnam trưng ho\k yuơ Anih tơm linh vei xơlam teh Việt Nam tơle\ch, tơdrong jang tơgu\m oh năm truh hnam trưng ho\k đơ\ng Anih tơm pơgơ\r linh vei xơlam teh dêh char Kon Tum hlôi tơgu\m lơ hơ ioh đei tơdrong erih tơnap tap tơ\ tơring xơlam pơtoi gơh năm ho\k tơ\ hnam trưng.

Pơ ‘nam ho\k pơhrăm, ngoan dơnưp noh lơ xơnăm oh  Y Thật, hơdrung Giẻ- Triêng oei tơ\ pơlei Đak Ác, xăh Đak Long, apu\ng Đak Glei đei xơkơ\t jing ho\k tro rơgei. Hăm bôl boăl ho\k atu\m lăm 7 A1, tơ\ hnam trưng Kon kông ho\k oei hadoi xăh Đak Long, Y Thật jing um ai rơgei găh tơdrong adrin hloh tơnap ho\k rơgei. Lăng hla bar hmach bơnê yuơ ho\k rơgei kơ Y Thật, ưh kơ gan đei bơngai kơche\ng, xơ\ noh oh ngêh vă pơdơh kơ ho\k oei tơ\ hnam tơgu\m unh hnam. Kơlih [ă Y Thật lôch hơchăng, me\ oei kơ đe dơ\ng păng rơneh hadoi 2 ‘nu oh ie\. Unh hnam roi tơnap tap hloh dơ\ng. Pu\n ai, đei đe met [ô đo#i tơ\ Anih linh vei xơlam teh Đak Long băt tơdrong erih noh axong ăn kơ oh jên ho\k rim khei 500.000 hlak jên, vă oh đei jơhngơ\m năm ho\k. Y Thật tơroi: “Hnam inh tơnap, me\ jang hrat vă rong pơmai oh nhôn. Inh ‘meh pơdơh kơ ho\k tơgu\m me\ bơ\ jang. Đe met [ô đo#i vei xơlam teh hlôi tơgu\m inh păng inh gô adrin ho\k pơhrăm mă rơgei”.

             Duh tơ\ pơlei Đak Ác, unh hnam ‘nho\ng A Xu đei tơdrong erih tơnap tap. Kơdih po ‘nho\ng noh hơven jơ\ng ưh kơ ke\ jang tơdrong jang hngăm, mu\k drăm unh hnam ưh kơ đei, tơdrong erih tơnap hin dơnuh hơnơ\ng, tơdrong ho\k pơhrăm kơ kon hơ ioh ưh kơ đei xơkơ\t tơtom. Đơ\ng ro\ng lơ ‘măng ưh kơ ke\ chă jên răt hla bar ‘long chih ho\k, A Xu kơche\ng athei Y Xí, kon drăkăn hơmol oei ho\k lăm 7 pơdơh kơ ho\k vă tơgu\m jang lơ\m unh hnam. Ưh kơ ê đei he# tơdrong xo# truh hăm unh hnam [ơ\t kang [o# linh vei xơlam teh truh tơ\ hnam axong jên ho\k ăn Y Xí. ‘Nho\ng A Xu tơroi:  “{ộ đo#i ăn jên răt hơbe\n ao, ăn kon năm ho\k, vă kon hơ ioh ho\k rơgei. Hăp xo# xôn”.

             Kiơ\ Anih tơm pơgơ\r linh vei xơlam teh Kon Tum, truh dang ei noh to\k xơnăm mă 3, jên ho\k tơgu\m oh năm truh hnam trưng ho\k đei anih linh tơle\ch jang tơ\ tôm hnam trưng lơ\m tơring xơlam teh. Dang ei đei 58 oh đei tơdrong erih tơnap tap hloh đei tơgu\m ăn jên ho\k. Hăm 500.000  hlak jên rim khei, atu\m hăm tơdrong tơgu\m hơlêm đơ\ng đe linh vei xơlam teh, hlôi tơgu\m đe oh pơtoi ho\k lăm kơjung hloh, ho\k pơhrăm tơnăp hloh. Tơroi găh tơdrong jang kăp g^t âu đơ\ng khul linh vei xơlam teh, [ok thây Trần Ngọc Mạnh, Kơdră hnam trưng Kon kông ho\k oei hadoi xăh Đak Long, apu\ng Đak Glei ăn tơbăt: “Tơpă hnam trưng ‘nguaih kơ pơtho ho\k noh tơdrong tơgu\m ăn ho\k tro hin dơnuh pơma atu\m hăm 3 ‘nu oh âu pơma adro#, noh hnam trưng oei tơnap mơ\n kơlih jên ưh kơ măh. Tơdrong mă Anih linh vei xơlam teh tơgu\m đe oh noh đe oh măh mai [iơ\ jên chă răt hla bar ho\k pơhrăm păng pơtoi năm truh ho\k tơ\ hnam trưng. Tơdrong tơgu\m lơ\m 2 xơnăm âu ki, [ôh hơdăh đe oh ho\k pơhrăm brăm [iơ\ bơih”.

             Atu\m hăm tơgu\m đe ho\k tro tơnap tap tơ\ tơring xơlam, jên ho\k tơgu\m đe oh năm truh hnam trưng ho\k đơ\ng [ô đo#i vei xơlam teh Kon Tum oei tơroh truh minh [ar xăh kơ teh đak boăl Lào păng Cam Pu Chia. Tôm ho\k tro đei io\k jên ho\k noh ho\k pơhrăm tơnăp ngăl. Thượng tá Nguyễn Bá Hưng, Pho\ kơdră pơgơ\r jang Ch^nh tr^, lơ\m Anih tơm linh vei xơlam teh dêh char Kon Tum ăn tơbăt: “Tôm bơngai linh lơ\m anih tơm pơgơ\r linh, anih jang vei xơlam teh, anih linh păng tiểu đoàn 19 adoi io\k tơgu\m păng rim khul linh, kơdih bơngai linh lơ\m anih pơgơ\r linh adoi tơgu\m 2 ‘nu mon tơ\ dôm xăh xơlam teh păng dôm xăh tơkuh hăm xơlam teh dêh char Kon Tum noh teh đak Lào păng Campuchia vă tơgu\m đe mon hiôk hian hloh lơ\m tơdrong ho\k pơhrăm, adrin ato\k tơ iung păng pơtho kang [o# jang ning nai kơnh ăn kơ tơring. Khei năr truh, nhôn tơgu\m ăn Anih jang Đảng, Ban cha#p hanh pơtoi tơle\ch jang kiơ\ tơdrong pơkăp âu tơ\ lơ tơring hloh, vă tơgu\m đe mon ưh kơ adro# đơ\ng lăm 1 truh lăm 12 mă oei tơgu\m vă keh đang tơdrong ho\k đăi ho\k, kao đẳng mưh đe mon oei ke\ pơtoi ho\k pơhrăm”

             Hăm đon bơnôh păng xơnong jang tơnăp hăm kon pơlei tơring xơlam teh, tơdrong jang kơbo#i phe ‘mêm kơ eng adrol ki, đang kơ noh tơdrong jang tơgu\m oh năm truh hnam trưng ho\k đơ\ng [ô đo#i vei xơlam teh dêh char Kon Tum ‘năr âu to\k bo\k oei tơgu\m jơhngơ\m ăn kơ hre\ng ‘nu ho\k tro đei tơdrong erih tơnap tap gơh hiôk hian năm ho\k tơ\ hnam trưng. Kiơ\ kơ tơdrong jang tơgu\m oh năm truh hnam trưng ho\k, kang [o# linh vei xơlam teh dêh char Kon Tum hlôi tơgop kăp g^t lơ\m hơto\k tơdrong jang pơtho pơhrăm tơ\ tơring xơlam teh dêh char Kon Tum. Hăm đe ‘nho\ng, tơdrong xo# xôn tih tên hloh noh đe oh ho\k tro tơ\ tơring xơlam ho\k pơhrăm rơgei, ngoan dơnưp, jing bơngai ‘lơ\ng pơyua ăn tơpôl.

Lan chih păng rapor