VOV4.Bahnar – Đơ\ng ro\ng lơ tơ drong pơ gơ\r jang kơ tang đơ\ng Khul kơ dră te\h đak păng Thủ tướng te\h đak, GDP lơ\m jăl khei mă 2 hlôi to\k pran, đei truh 6,17%. Jo# atu\m lơ\m 6 khei âu ki, GDP pơ hlom năng to\k 5,73% pơ têng hăm khei âu sơ năm sơ\. Găh no\h dơ\ng, tơ drong jang kơ măy đei lơ tơ drong tơ plih, kơ so# an^h te\ch mơ dro ‘nao pơ jing to\k hre\nh, vei lăng ‘lơ\ng kơ jă tơ mam to\k... Mă lei, mă đơ\ng jang đei lơ tơ drong ‘lơ\ng ră, tơ drong jang to\k tơ\ lơ an^h jang oei kơ đe\h. Vă jang to\k đei 6,7% sơ năm 2017, lơ\m dôm khei hơ tuch sơ năm athei bơ\ jang adrin tôch ai ‘mơ\i:

Kiơ\ An^h tơm chih jo#, hăm tơ drong jang to\k GDP 6,17% lơ\m jăl khei mă 2, lơ [iơ\ jăl khei mă 1 (to\k 5,15%) ăn [ôh tơ drong jang mu\k drăm oei to\k ‘lơ\ng. Kơ so# plo\h ple\ch băl đơ\ng GDP jăl khei mă 1 păng GDP jăl khei mă 2 pă 1% ‘no\h j^ hơ yak to\k pran gơ nơm dôm tơ drong adrin pơ gơ\r jang mu\k drăm, hơ met pơ ‘lơ\ng an^h te\ch mơ dro đơ\ng khul kơ dră te\h đak.

Găh jên te\ch tơ mam tơ\ te\h đak đe, jo# atu\m lơ\m 6 khei io\k đei 97,8 ti USD, to\k vă je# 19% pơ têng hăm khei âu sơ năm sơ\. Găh jên răt io\k tơ mam đơ\ng te\h đak đe, lơ\m 6 khei âu ki đei 100,5 ti USD, to\k hlo\h 24% pơ têng hăm khei âu sơ năm sơ\. Kơ so# kơ jă răt yoa tơ mam jo# păh lăp 6 khei âu ki to\k 4,15% pơ têng hăm kơ so# păh lăp sơ năm sơ\. Mă loi, kơ so# an^h te\ch mơ dro ‘nao pơ jing to\k tôch lơ, hăm hlo\h 61 rơ bâu an^h te\ch mơ dro ‘nao; ako\m đ^ đăng jên jang ‘nao păng jên tơ le\ch thim hlo\h 1,45 triu ti hlka jên, ăn [ôh an^h te\ch mơ dro đei hơ met roi ‘lơ\ng.

{ok Nguyễn Bích Lâm, Kơ dră che\p kơ\l An^h tơm chih jo# ăn tơ băt: “Tơ drong ‘nao hlo\h lơ\m 6 khei blu\ng sơ năm ‘nâu ‘no\h mu\k drăm vă to\k dơ\ng, mă loi j^ to\k ‘lơ\ng lơ\m jăl khei mă 2. Tơ [ôh hơ dăh kiơ\ rim tơ drong jang to\k, kơ jă răt yoa tơ mam to\k dăh mă GDP kơ rim sơ năm adoi ‘lơ\ng [iơ\ pơ têng hăm jăl khei mă 1. Lơ\m 6 khei blu\ng sơ năm, an^h choh jang xa hlôi hơ met pơ ‘lơ\ng tơ drong ưh kơ lăp đơ\ng sơ năm sơ\, kơ măy pơm tơ mam drăm ku\m to\k ‘lơ\ng, an^h ming man jang to\k pran păng mă loi j^ an^h pơ vih pơ văn sơ năm ‘nâu j^ 1 lơ\m dôm sơ năm đei 6 khei blu\ng sơ năm to\k pran. Tơ drong jang to\k ‘lơ\ng âu đei gơ nơm đơ\ng tơ drong pơ gơ\r bơ\ jang kơ tang đơ\ng Khul kơ dră te\h đak, tơ drong vang jang ‘lơ\ng đơ\ng tơ pôl bơ ngai te\ch mơ dro păng đơ\ng rim an^h jang mu\k drăm kơ na gơ\h io\k đei ‘lơ\ng thoi âu.

Hơ dai hăm dôm tơ drong jang đei, mu\k drăm 6 khei âu ki ku\m đei lơ tơ drong ưh kơ ‘lơ\ng hai, [ât kơ so# jang to\k oei hơ tăih kơ kơ so# đei tơ le\ch lơ\m sơ năm tôch lơ, tơ [ôh hơ dăh kiơ\ kơ so# vei lăng răt tơ mam (PMI) kơ Việt Nam lơ\m khei 5 jur 51,6 điêm đơ\ng 54,1 điêm khei adrol ki, to\ se\t hlo\h lơ\m 14 khei tơ je# âu. Ưh lăp thoi no\h đe\ch, tơ drong jang to\k tơ\ an^h jang kơ măy pơm tơ mam drăm ku\m to\ se\t ‘năi, ưh kơ ke\ tuh [e\nh ăn tơ drong ưh kơ măh yoa tơ drong jang sir io\k tơ mam drăm jur; an^h chă tơ mang lăng jang to\k ‘lơ\ng găh kơ so# mă lei oei tơ [âp 1, 2 tơ drong găh dôm tour chă tơ mang lăng kơ jă re\h, chă tơ mang lăng kle\p ‘lơ\ng; sơng io\k jên jang tơ păt đơ\ng te\h đak đe păng pơm hla ar pơ kăp te\ch mơ dro to\k pran mă lei jên tơ mât jang tam mă tơ găl.

{ok Đặng Đức Anh, Kơ dră An^h Tơ blang păng tơ drong hơ drol, An^h tơ dra lăng găh mu\k drăm, tơ pôl - An^h tơm tơ le\ch nơ\r sơ kơ\t, tơ mât jên jang tơ blang: “Tơ drong jang mu\k drăm oei gơ nang lơ găh jang kơ măy kơ mo\k, oei an^h jang kơ măy kơ mo\k bơ\n ‘no\h oei gơ nang lơ đơ\ng tơ drong tơ mât jên jang đơ\ng te\h đak đe kơ na mưh Samsung tơ plih trong jang, te\ch mơ dro ‘no\h ‘no\h [ơm truh an^h jang kơ măy pơm tơ le\ch tơ mam đơ\ng bơ\n hloi. Kơ plăh ‘no\h, an^h jang kơ dih mă đơ\ng lơ ră mă lei jang xa ie\ kơ na tơ gop lơ\m GDP to\ se\t. Mưh bơ\n gơ nang to\ se\t [iơ\ đơ\ng tơ mam drăm bri brăh ‘no\h tơ drong đei yoa đơ\ng an^h jang mu\k drăm ke\ tăh tơ [e\nh ăn kơ so# jur âu, mă lei tơ drong jang đei brei drou ăn [ôh, tơ drong tơ plih ‘lơ\ng đơ\ng an^h jang mu\k drăm nhen thoi ưh tam mă lăp hăm đon hơ me\ng.”

Kiơ\ tơ drong tơ che\ng đơ\ng An^h tơm chih jo#, vă jang to\k GDP lơ\m sơ năm đei 6,7%, ‘no\h GDP 6 khei hơ tuch sơ năm athei to\k hlo\h 7,4%. Đơ\ng sơ\ kiơ\ kơ so# chih jo# tam mă đei 6 khei hơ tuch sơ năm yơ Việt Nam đei kơ so# to\k lơ thoi no\h, yoa thoi no\h vă jang đei tơ drong ‘nâu tôch mơ mat. Tơ che\ng găh tơ drong jang mu\k drăm dôm khei oei đei dơ\ng lơ\m sơ năm ‘nâu, lơ bơ ngai juăt jang akhan, tơ drong mơ mat tat, pơ long nol lơ [iơ\ kơ tơ drong ‘lơ\ng, hiôk hian.

Lơ\m te\h đak, tơ drong jang to\k ‘lơ\ng păng păng jơ hngâm jang đơ\ng bơ\n oei kơ đeh, dôm tơ drong jang mu\k drăm tih tam mă kơ jăp, tơ drong to\ ‘mi kial tơ plih ưh sơ đơ\ng [ơm ưh ‘lơ\ng truh tơ drong jang xa păng erih xa. Găh no\h dơ\ng, tơ drong tơ dra mu\k drăm lơ\m apu\ng plenh te\h oei đei lơ mơ mat tat, ro\ năng gô [ơm ưh ‘lơ\ng truh tơ drong jang mu\k drăm tơ\ Việt Nam.

Vă gơ\h jang to\k đei 6,7% lơ\m sơ năm ‘nâu păng tơ drong vă jang to\k jo# păh lăp 6,5% đơ\ng sơ năm 2016-2020, Tiến sỹ Nguyễn Đức Thành, Kơ dră che\p kơ\l An^h tơ che\ng hơ len mu\k drăm păng trong bơ\ jang tơm akhan: “Tơ drong tih ‘no\h j^ bơ\n athei vei đei m^nh trong hơ met ming vă hơ met pơ ‘lơ\ng an^h te\ch mơ dro lơ\m te\h đak, tơ jur jên jang ăn dôm an^h te\ch mơ dro lơ\m te\h đak. Hrei ‘nâu bơ\n oei jang tơ drong ‘no\h mă lei tam mă đei io\k yoa kơ lih yoa athei hiong lơ jơ năr vă hơ met ming dôm hla ar chih luơ\t păng tơ mât lơ\m tơ drong erih. Mă lei tơ dăh bơ\n adrin jang tơ drong ‘nâu ‘no\h gô pơ jing đei an^h te\ch mơ dro ‘lơ\ng [iơ\ păng dôm an^h te\ch mơ dro Việt Nam [ôh đe sư jang xa hiôk hian [iơ\ păng jên jang jur [iơ\ vă đe sư gơ\h io\k đei lơ tơ drong ‘lơ\ng [iơ\ ‘no\h j^ tơ drong tôch kăl vă jang to\k. Păng tơ drong ‘nâu ưh lăp pơ ‘nho\ ăn sơ năm 2017 đe\ch mă vă pơ yoa đunh đai ăn Việt Nam tơ\ hơ năp kơnh, ku\m nhen lơ\m khei ‘năr mât jang hơ doi hăm te\h đak đe.”

M^nh puăt jăl trong kơ sơ năm 2017 đ^ hlo\h, mă đơ\ng jang to\k to\ se\t mă lei Khul kơ dră te\h đak oei adrin vei kơ jăp kơ so# jang to\k lơ\m sơ năm dang 6,7%, kơ lih yoa sơ năm ‘nâu đei năng j^ sơ năm tơm a, g^t kăl hlo\h, [ơm truh dôm sơ năm đơ\ng ro\ng dơ\ng. Kiơ\ dôm bơ ngai juăt jang mu\k drăm tơ tă, le# gan năng kăl truh kơ so# jang to\k mă athei tơ re\k lơ [iơ\ truh tơ drong jang to\k ‘lơ\ng păng tơ plih ‘nao trong jang to\k. 

Tơ drong jang to\k pran lăp đei yoa mưh sư gơ nơm đơ\ng jang to\k ‘lơ\ng păng kiơ\ đơ\ng dôm trong che\p kơ\l pơ gơ\r, vei lăng ‘lơ\ng, jang hăm kơ măy kơ mo\k đe\ch. Vă jang đei tơ drong ‘nâu ‘no\h athei hơ met ming trong jang mu\k drăm, ku\m hăm tơ plih ‘nao trong jang to\k kiơ\ trong hơ to\k tơ drong ‘lơ\ng đơ\ng jang xa, te\ch mơ dro, tơ drong ke\ pơ jei đơ\ng an^h jang mu\k drăm.

Dơ\ng: Tơ blơ\