VOV4.Bahnar - Ia Rvê j^ xăh sơ lam kơ apu\ng Ea Sup, dêh char Dak Lak, đei tơ drong erih xa oei tôch mơ mat, hăm hlo\h 70% u\nh hnam tơ nuh. ‘Nâu j^ tơ ring jang mu\k drăm ‘nao, mă lơ ‘no\h kon pơ lei đơ\ng tơ ring nai truh oei, jang xa tơ\ âu; tơ drong sơ đơ\ng, pơm glăi nơ\r hơ găt vei lăng bri, vei lăng tơ ring sơ lam oei [ôh tôch krê. Pơ ngơ\t truh trong pơ gơ\r jang hơ doi hăm dôm khul linh vă vei sơ đơ\ng te\h đak tơ\ tơ ring sơ lam, dôm sơ năm âu ki, Nguyễn Văn Hiếu, Yo\ng che\p kơ\l An^h pơ gơ\r linh xăh Ia Rvê hơ nơ\ng adrin jang, đei lơ tơ drong pơ che\h roi tơ [ôh ăn An^h jang Đảng, khul kơ dră tơ ring bơ\ jang ‘lơ\ng tơ drong ‘nâu. Hăm lơ tơ drong tơ gop đơ\ng kơ dih kâu, ‘nao âu Nguyễn Văn Hiếu đei pôk pơ ư lơ\m Quân khu V găh tơ drong krao hơ vơn “Che\p vei tơ drong juăt, plang jơ hngâm đon rơ gei, tơ găl hăm anăn {ô đo#i {ok Hô”.

Pơm [ô đo#i đang vih tơ\ pơ lei, Nguyễn Văn Hiếu, tơ\ xăh Cư Kbang, apu\ng Ea Sup, đei pôk pơm kăn [o#, đang kơ ‘no\h pơm Pho\ kơ dră, Kơ dră che\p kơ\l An^h  pơ gơ\r linh xăh Ia Rvê, apu\ng Ea Sup, dêh char Dak Lak. J^ xăh sơ lam mơ mat tat, Nguyễn Văn Hiếu adrin jang tôch pơ ne\h, chih pơ che\h, roi tơ [ôh trong pơ jing khul linh dân quân xăh bơ\ jang hơ be\ch hơ bal, gơ\h hơ gei.

Hlo\h 5 sơ năm âu ki, hăm tơ drong che\p kơ\l đơ\ng yo\ng Nguyễn Văn Hiếu, khul dân quân xăh Ia Rvê jang đei lơ tơ drong ‘lơ\ng lơ\m tơ drong jang hơ doi hăm khul kơ pal nhen {ô đo#i vei lăng tơ ring sơ lam, dôm khul linh jang mu\k drăm, vei lăng tơ ring sơ lam te\h đak, vei lăng bri… bơ\ jang ‘lơ\ng tơ drong dăr joang tơ\ tơ ring sơ lam, vei lăng bri ‘long, pơm ‘lơ\ng ăn tơ drong đ^ đăng kon pơ lei vang vei sơ đơ\ng te\h đak…Khul linh dân quân đơ\ng lăp 3 ‘nu đảng viên, dang ei hlôi pơ jing đei chi [o# linh xăh hăm 9 ‘nu đảng viên. Jang kiơ\ Nguyễn Văn Hiếu, kăn [o#, linh dân quân pơ jei băl bơ\ jang ‘lơ\ng tơ drong tơ gu\m ăn kon pơ lei, hơ to\k tơ drong cho\h jang xa, erih xa ăn [ô đo#i păng jang ‘lơ\ng tơ drong pơ vih ăn khul linh.

Tơ roi găh tơ drong bơ\ jang, Kơ dră che\p kơ\l An^h khul linh xăh Ia Rvê Nguyễn Văn Hiếu pơ ma: “Tơ drong pơ jing jơ hngâm đon sơ đơ\ng ăn khul kăn [o#, linh, pơ jing jơ hngâm đon nuih, hăm khul tơ pôl ‘no\h pơ jing ăn khul linh đei đon tơ che\ng ‘lơ\ng. Mă 2 ‘no\h tơ guăt pôm nơ\r [ơ\r đon, ‘nho\ng o\h tơ gu\m băl, yoa tơ drong tơm ‘no\h jang ‘lơ\ng tơ drong jang đei pơ jao; Mă 2 pơ jing trong tơ guăt linh hăm kon pơ lei, khul kơ dră che\p kơ\l linh tơ\ xăh hơ nơ\ng pơ gơ\r krao hơ vơn kon pơ lei, atu\m hăm ‘no\h roi tơ [ôh ăn khul kơ dră pơ gơ\r tơ ring bơ\ jang ‘lơ\ng tơ drong pơ vih ăn linh... Hăm dôm tơ drong jang ‘no\h, sư vang hơ met kơ jăp đon lui đơ\ng kon pơ lei tơ\ tơ ring sơ lam”.

Kiơ\ Thượng tá Nguyễn Trãi, Chinh tr^ viên An^h pơ gơ\r khul linh apu\ng Ea Sup, ‘nho\ng Nguyễn Văn Hiếu j^ 1 ‘nu bơ ngai hui đei lơ\m dôm kơ dră che\p kơ\l linh tơ\ tơ ring. Yoa thoi no\h, Nguyễn Văn Hiếu to\k bo\k đei ăn năm ho\k vă bơ\ jang plang jơ hngâm lơ [iơ\. Nguyễn Văn Hiếu ku\m ‘nao đei khul kơ dră pơ gơ\r pôk pơm Kơ dră che\p kơ\l An^h pơ gơ\r linh xăh Cư Kbang, apu\ng Ea Sup, vă io\k jang dôm tơ drong jang ‘nao trăp [iơ\ tơ\ tơ ring.

Thượng tá Nguyễn Trãi, ăn tơ băt: “Nguyễn Văn Hiếu j^ 1 ‘nu kăn [o# mơ lôh, mă đơ\ng xăh nai vih tơ\ Ia Rvê bơ\ jang, hơ tăih hlo\h 70 km, tôch mơ mat. Mă lei mưh bơ\ jang ‘no\h tôch tơ năp, mă hơ dăh tơ drong jang đơ\ng ‘nho\ng Hiếu ‘no\h pơ gơ\r khul linh dân quân bơ\ jang hơ nơ\ng, mưh chă dăr joang tơ\ tơ ring sơ lam, jang hơ doi hăm dôm khul linh nai tôch kơ jăp. ‘Ngoăih kơ ‘no\h Hiếu pơ tho ăn ‘nho\ng o\h hơ to\k tơ drong jang xa, rong rơ mo, pơ yoa ăn tơ drong erih xa kơ đe ‘nho\ng o\h tôch ‘lơ\ng…”

Hơ to\k đon jang tơ năp, hơ met pơ ‘lơ\ng mơ mat tat vă jang ke\h tơ drong jang đei pơ jao, Nguyễn Văn Hiếu đei pôk pơ ư lơ\m Quân khu 5, j^ bơ ngai jang rơ gei găh tơ drong krao hơ vơn “Che\p vei tơ drong juăt, plang jơ hngâm đon rơ gei, tơ găl hăm anăn {ô đo#i {ok Hô”. Mă lei, mưh tơ roi găh tơ drong jang kơ dih ‘no\h ‘nho\ng Nguyễn Văn Hiếu ưh đei pơ ang kiơ:

“Tơ dăh jang nhen inh lei, bu bu ku\m jang gơ\h ngăl, inh ưh pơ\n lăng kơ dih kâu jang hơ gei kiơ ôh. Tơ drong jang đơ\ng 1 ‘nu bơ ngai hlôi đei pơ tâp pơ hrăm lơ\m khul linh, đei tơ drong tơ gu\m đơ\ng kơ dră che\p kơ\l kơ pal ‘no\h athei adrin jang ‘lơ\ng hơ năp jang kơ dih. Lơ\m tơ drong erih xa rim năr, mă oei mơ mat tat, mă lei oei đei lơ bơ ngai mơ mat hlo\h kơ bơ\n dơ\ng, đe ku\m jang gơ\h kơ na ưh đei tơ drong kiơ mă kơ dih kâu jang ưh gơ\h…”           

Dơ\ng: Tơ blơ\