VOV4.Bahnar - Bơ\ jang tơ drong pơ jei băl “Khul linh ako\m jơ hngâm vang pơ jing tơ ring tơ rang ‘nao”, chon âu ki, kơ hre\ng ‘nu kăn [o#, linh Trung đoàn 48, Sư đoàn 320, Quân đoàn 3 hlôi tơ gu\m ăn kon pơ lei tơ\ plei Hek, xăh Chư A Thai, apu\ng Phú Thiện, dêh char Gia Lai pôk hnam to\k oei tơ\ plei hle, pơ tho ki thuơ\t rong kon tơ rong, rei pơ tăm, tơ gu\m ăn kon pơ lei dar de\h tơ plih ming tơ drong arih xa, vang hơ met kơ jăp tơ drong pơ vei đơ\ng linh hăm kon pơ lei tơ\ apu\ng tơ nuh kơ dêh char Gia Lai.

Lơ\m hnam ‘nao gơ glang ‘lơ\ng tơ\ plei hle, klo kăn, kon hơ ‘lơ\p ‘nho\ng Siu Pét, tơ\ plei Hek, xăh Chư A Thai, apu\ng Phú Thiện, dêh char Gia Lai tôch kơ hơ iă. ‘Nho\ng Pét tơ roi, adrol sơ\, yoa tơ\ plei so thu\ng thong, kơ na rim ‘măng truh pơ yan ‘mi, trong lơ\m pơ lei đak lơ\p đ^. Tơ drong ‘nâu ưh lăp mơ mat tat mưh chă yak vih vât đe\ch, mă oei pơm ăn j^ pơ lo\ sôt ret, pơ lo\ le\ch đe [ônh kơ tơ po\h, pơm kơ ne# truh jơ hngâm prân kơ kon pơ lei dơ\ng.

{ô đo#i Trung đoàn 48, Sư đoàn 320, Quân đoàn 3 tơ gu\m ăn kon pơ lei tơ\ plei Hek pôk hnam

Mă lei vă je# 1 puăt sơ năm ‘nâu, io\k đơ\ng năr [ô đo#i Trung đoàn 48, Sư đoàn 320, Quân đoàn 3 tơ gu\m pôk hnam to\k oei tơ\ plei hle kơ jung [iơ\, tơ drong arih xa kơ unh hnam ‘nho\ng Pét păng dôm j^t unh hnam tơ\ plei Hek đei tơ plih ‘lơ\ng: “Adrol sơ\ kon pơ lei oei tơ\ plei so, hnam hrăt hrot, pơm tơ ter băl, tơ khio\r tơ khiônh. Dang ei đei [ô đo#i tơ gu\m pôk hnam to\k oei tơ\ plei hle tôch hiôk ăn tơ drong oei xa, jang xa, cham char ‘lơ\ng [iơ\ kơ na kon pơ lei tôch hơ iă. Bơ nê kơ [ô đo#i tôch lơ.”

Yoa juăt jang xa pơ ‘nho\ ăn tơ drong arih kơ dih đe\ch, kơ na adrol ki, mih ma duch nă tơ\ plei Hek hơ nơ\ng năm tơ\ bri, mir ro\h, gơ\ tơ [ăng, hla [um hla [alng pai xa. Vă tơ gu\m ăn kon pơ lei tơ plih ming tơ drong oei xa, hơ to\k tơ mam so\ng xa, [ô đo#i Trung đoàn 48, Sư đoàn 320, Quân đoàn 3 hlôi tơ gu\m ăn khul druh dăm xăh Chư A Thai, pơ tho ăn kon pơ lei kôch hơ bong đak tơ\ kơ dơ chu\n, u mơ\r păng rei pơ tăm, rong ‘nhot.

Trung uý Trần Trung Lý, Đại đội Trinh sát Trung đoàn 48, Sư đoàn 320, Quân đoàn 3 ăn tơ băt, đơ\ng lăp juăt so\ng xa hla [lang păng tơ [ăng, dang ei tơ drong so\ng xa rim năr kơ kon pơ lei tơ\ plei Hek đei tôm ‘nhot hla [ei, hla noăn vă tơ plih. Dang ei te\h pơ tăm ‘nhot tơ\ plei Hek đ^ to\k vă truh 1000 m2 bơih:

“Hơ yuh to\ ‘mi kial tơ\ xăh Chư A Thai tôch kơ ne#, to\ tôch dêh, oei te\h ‘no\h ưh đei ‘lơ\ng nhen dôm tơ ring nai, te\h hrâu hăm chuơh tôch to\ kơ na pơ tăm bơ\n ‘nhot ku\m tôch mơ mat. Pơ tho ăn kon pơ lei ‘no\h j^ pơ tho ăn rim bơ ngai pơ tăm ‘nhot thoi yơ, săy pho\ng, tơ ruih đak thoi yơ mă lăp. Găh pho\ng tơ\ âu kon pơ lei rong rơ mo tôch lơ, [ô đo#i pơ tho ăn kon pơ lei u hơ met ich rơ mo, ưh gơ\h io\k ich rơ mo oei hơ drih tuh ăn ‘long pơ tăm, mă athei u hơ met ‘mơ\i đang kơ ‘no\h tuh ăn ‘long pơ tăm.”

Plei Hek, xăh Chư A Thai, apu\ng Phú Thiện đei hlo\h 80 unh hnam, hăm vă je# 500 ‘nu bơ ngai, mă lơ j^ bơ ngai Jrai. Kon pơ lei juăt cho\h jang xa, arih xa oei nhen thoi kră sơ\, yoa thoi no\h tơ drong arih xa tôch mơ mat tat. Sơ năm ‘nâu, lơ\m ‘măng jur jang tơ\ tơ ring, yo\ng Trung đoàn 48, Sư đoàn 320, Quân đoàn 3 hlôi che\p kơ\l khul linh vang tơ gu\m ăn kon pơ lei tơ\ tơ ring pôk 26 to\ hnam đơ\ng plei so to\k oei tơ\ plei hle, pơ tho tơ [ôh ki thuơ\t pơ tăm ‘nhot, rong nhu\ng, rơ mo vă tơ gu\m ăn kon pơ lei tơ plih trong jang xa. Io\k đơ\ng âu mơ\n, trong pơ lei, kueng [ôt tơ\ plei Hek roi rơ go\h ‘lơ\ng.

Mo\ Rmah Hên, Bơ ngai vei lăng Khul dro\ kăn plei Hek, xăh Chư A Thai ăn tơ băt, gơ nơm [ô đo#i Trung đoàn 48 mă kon pơ lei roi đunh roi hlôh vao lơ\m tơ drong arih xa, jang xa, plei Hek oei tơ plih ‘nao roi ‘lơ\ng ‘năi: “Sơ\ hnam oei hrăt hrot, ưh kơ ‘you kiơ, dro\ kăn, dro\ nglo lơ\m pơ lei hơ nơ\ng kơ et tơ drô, đơ\ng năr đei [ô đo#i truh, rim bơ ngai băt pơ ngơ\t [iơ\ kơ tơ drong jang xa, đei đon pơ jing tơ drong arih xa ‘lơ\ng, chăq trong jang ato\k mu\k drăm. Hrei ‘nâu lơ\m pơ lei tơ plih ‘nao rơ go\h ‘lơ\ng bơih.”

Kiơ\ [ok Rơ Lan La Ni, Kơ dră vei lăng kon pơ lei apu\ng Phú Thiện, dôm tơ drong jang tôch đei yoa mă [ô đo#i Trung đoàn 48, Sư đoàn 320, Quân đoàn 3 bơ\ jang tơ\ plei Hek ưh lăp tơ gu\m ăn kon pơ lei tơ\ tơ ring pơ jing tơ ring tơ rang ‘nao đe\ch, mă oei pơm pơ ‘lơ\ng hlo\h dơ\ng um rup [ô đo#i {ok Hô tơ\ apu\ng tơ nuh kơ dêh char Gia Lai:

“Quân đoàn jur tơ\ âu vang bơ\ jang krao hơ vơn kon pơ lei, vang tơ gu\m pôk hnam pơ jing ming pơ lei pơ la. Khul linh vang jang hơ doi hăm khul druh dăm tơ\ pơ lei, pôk hnam to\k oei tơ\ plei hle. Ku\m gơ nơm jang ‘lơ\ng tơ drong tơ roi tơ băt kơ na kon pơ lei tơ\ âu ku\m đei đon jang kiơ\ tôch ‘lơ\ng.”

            Nguyễn Thảo: Chih

Dơ\ng: Tơ blơ\