VOV4.Bahnar - {ok Đỗ Mười, xơ\ jang Tổng Bí thư Ban Chấp hành Trung ương Đảng Cộng sản Việt Nam, đơ\ng ro\ng kơ đunh xơnăm j^ hlăm, mă đei Đảng, teh đak, khul giáo sư, [ak sih lơ\m păng ‘nguaih kơ teh đak chă hơmet ming, unh hnam vei lăng tơnăp, mă lei yuơ jơhngơ\m jăn kue, {ok hlôi lôch hơchăng ăh kơmăng năr 1/10, tơ\ Hnam pơgang Trung ương Quân đội 108.

Hăm 102 xơnăm erih pơm jang, {ok Đỗ Mười đei hloh 70 xơnăm pơm jang ưh kơ lap yuơ tơdrong rơngei hiôk hian kơ teh đak, yuơ tơdrong jơnap kơ kon pơlei păng tơdrong hơto\k tơ iung kơ teh đak. Mă hăm kơchư\k jang yơ, đơ\ng jang kơdră minh dêh char, dăh mă minh anih jang tơm, minh tơdrong jang păng jing kơdră kơpal hloh kơ Đảng, teh đak bơ\n păng ăh pơdơh kơ jang, {ok Đỗ Mười adoi răk ‘măn lơ tơdrong kăp g^t, đon bơnôh tơnăp, ‘lơ\ng ro\ hăm kon pơlei păng khul linh.

{ok Đỗ Mười hơnăn tơpă noh Nguyễn Duy Cống. {ok rơneh tih vơ\ lơ\m minh unh hnam jang mir tơ\ pơlei Đông Phù, xăh Đông Mỹ, apu\ng Thanh Trì, tơ\ ‘nguaih plei tơm Hà Nội. Xơnăm 1936, ăh ‘nao to\k 19 xơnăm {ok hlôi jang lơ\m Mặt trận Dân chủ Đông Dương păng xơnăm 1939 jang đảng viên cộng sản. Yuơ dôm tơdrong jang băt ‘mêm kơ teh đak păng cách mạng, khei 10-1941, {ok [ơm ayăt Phlăng rôp vei, kron tơ\ hnam phak 10 xơnăm, hnam phak Hỏa Lò - Hà Nội. Lơ\m hnam phak khul Phlăng adrol kơ cách mạng xơnăm 1945, [ok hlôi nuih mơng, kơdâu klenh đơ\ng hnam phak Hoả Lò vă pơtoi ako\m jang cách mạng.

Đơ\ng ro\ng kơ Cách mạng Khei 8 đei jơnei keh kong, {ok đei pơtruh jang Bí thư Anih jang kơ lơ dêh char nhen Hà Nam, Nam Định, Ninh Bình, pơgơ\r jang hloi tơ\ dêh char Hòa Bình, Thái Bình, pơjing jơnu\m pơgơ\r cách mạng păng pơgơ\r dôm tơdrong tơblăh đơ\ng kon pơlei dôm dêh char tơring tơmăn đak krong Hồng.

Đei xơnăm pơm jang atu\m hăm {ok Tổng Bí thư Đỗ Mười, Pho\ Thủ tướng xơ\ kơ teh đak bơ\n {ok Vũ Khoan akhan: hăm tơdrong rơgei po, {ok Đỗ Mười đei pơjao xơnong che\p kơ\l lơ tơdrong jang kăp g^t kơ teh đak nhen man Hnam kơmăi unh hơyuh Hòa Bình, ming hơmet pơxat {ok kơdră Hồ Chí Minh. Đ^ đăng tơdrong ming man âu adoi tơbang tơdrong gơh rơgei, dăp đon dăp bơnôh yuơ tơdrong jang đơ\ng {ok Tổng Bí thư Đỗ Mười:  “Tơdrong kăp g^t lơ\m inh noh {ok hơnơ\ng yuk trong hơlâu, kơdih pơm jang. Inh hơdơ\r [ơ\t khei năr noh ăh ‘măng Hop ako\m mă 8 xơnăm 1996, [ơ\t doh ăh pơma đam hơmet hla bar kăl ăn Hop ako\m, noh đei nơ\r jâu ‘meh teh đak bơ\n ho\k [oi tơdrong hlôh vao găh kon kie\k châu á, hơyak pran hăm te\ch tơmam ăn teh đak đe. {ok ưh đei tơjră tơdrong mă noh, mă lei hơmet dơ\ng, jang tơ\ ‘nguaih noh kăp g^t mă lei lơ\m teh đak noh pơkăp. Yuơ noh xơkơ\t tơmơ\t lơ\m hla bar kăl tơdrong mă noh păng tơbang đon bơnôh adrin kơ ‘nôh vă hơto\k tơdrong jang mu\k drăm mă teh đak bơ\n pran pơm jang đei yua lơ, ưh kơ xx^ gơnơm hơnơ\ng đơ\ng ‘nguaih đe\ch ôh.” 

{ok Tổng Bí thư Lê Khả Phiêu akhan: Hloh 70 xơnăm pơm jang, đei axong jang lơ tơdrong jang, lơ\m khei năr tơblăh vang păng lơ\m khei năr rơngei hiôk hian, {ok Đỗ Mười đei pơhrăm kăp g^t, jing minh kang [o# rơgei tơnăp, tơguăt kơjăp hăm kon pơlei. Tơ\ {ok Tổng Bí tư Đỗ Mười, tơpă tơdrong erih păng nơ\r pơma xa tơguăt hăm dih băl, tơ[ôh lơ\m tơdrong jang ch^nh tr^ păng mu\k drăm, đơ\ng Đảng păng jơnu\m pơgơ\r tơring păng kon pơlei, tơgop kăp g^t [ơ\t {ok tơle\ch lơ trong pơkăp jang đơ\ng Đảng tro\ [lep hăm đon bơnôh kon pơlei, đei kon pơlei drơ\ng kiơ\:  “{ok Đỗ Mười noh kang [o# ‘lo\ xơnăm, jang cách mạng đơ\ng ‘la#p. {ok Đỗ Mười jing bơngai hơbe\ch hơbal, jang lơ kơchư\k jang kơpal tơ\ Trung ương păng rim Anih jang tơm, pơm yă kiơ duh jang truh tôch, đon bơnôh tơnăp pran jăng. {ok Đỗ Mười găh đon bơnôh noh {ok jing bơngai dơnưp tơnăp, hăm ayăt noh tơblăh kho\m mă tơpăi. Hăm tơdrong jang noh {ok jang tôch tơnăp, jang truh tôch, ưh đei pơdơh pơdơi. Jing bơngai đei đon bơnôh ‘lơ\ng, gơh rơgei dơ\ng”.

{ok Đỗ Mười oei jing um ai yuk trong ăn tơdrong ho\k pơhrăm, hơto\k đon bơnôh cách mạng dim rơnim, dơnưp, tơnăp tơpăt ‘lơ\ng, tơgăl ho\k tro kơ {ok kơdră Hồ Chí Minh nuih mơng. Xơ\ jang lơ\m Anih tơm Ch^nh tr^, xơ\ jang Kơdră Trung ương Mặt trận Tổ quốc Việt Nam, {ok Phạm Thế Duyệt akhan: {ok Đỗ Mười pơ ‘nam ho\k pơhrăm, hơlen lăng đơ\ng tơdrong jang tơpă, đo\k hơlen lơ\m hla bar săch. Yuơ noh, {ok băt kloh kle\ch tôm tơdrong lơ\m păng ‘nguaih kơ teh đak: “Tơroi truh jơhngơ\m plang đơ\ng {ok Đỗ Mười, {ok jang đơ\ng tơdrong đei [ôh hlôi pơm ăn teh đak hơyak kơjăp, tơgu\m ăn teh đak hơto\k tơ iung. Tơroi truh tơdrong ming man tih găh Hnam kơmăi unh hơyuh. Hnam kơmăi unh hơyuh Uông Bí, Hnam kơmăi unh hơyuh Phả Lại noh athei tơroi truh Hnam kơmăi unh hơyuh Hòa Bình dăh mă ming man hnam kơmăi unh hơyuh Yali, dôm tơdrong jang kơmăi kơmo\k. Noh truh je# đ^ dôm xơnăm 1980 jang Bí thư Hà Nội roi [ôh tơdrong tơgop đơ\ng {ok noh tôm tong hloi”.

Hloh 70 xơnăm pơtoi pơm jang, đei axong jang lơ xơnong jang kơ Đảng păng teh đak, pơđ^ lơ\m khei năr tơblăh vang păng khei năr rơngei hiôk hian tơ iung pơjing teh đak. {ok Đỗ Mười đei pơhrăm đơ\ng tơdrong tơnap,  đei pơhrăm đơ\ng tơdrong erih vă jing minh kang [o# đei đon bơnôh tơnăp dơnưp, gơh rơgei tơguăt tơnăp hăm kon pơlei. Hăm {ok Tổng bí thư Đỗ Mười tơdrong jang păng nơ\r pơma tơguăt kơjăp dih băl, tơ[ôh lơ\m tơdrong jang ch^nh tr^ păng mu\k drăm, Đảng păng jơnu\m pơgơ\r tơring păng kon pơlei, tơgop kăp g^t [ơ\t tơle\ch dôm trong pơkăp jang đơ\ng Đảng tro\ [lep hăm đon bơnôh păng đei kon pơlei tơgu\m tôch tơnăp.

Lan chih păng rapor