VOV4.Bahnar - Tơ\ Anih jang Trung ương Ðảng, {ok Tổng Bí thư Nguyễn Phú Trọng xơng {ok Thongloun Sisoulith, Thủ tướng teh đak Lào [ơ\t [ok năm Hop ako\m kơpal mu\k drăm apu\ng plenh teh găh ASEAN tơ\ Việt Nam. {ok Tổng Bí thư bơnê kơ tơdrong jang hadoi kơ 2 teh đak lơ\m khei năr âu ki, tơdrong đei jơnei đơ\ng ‘măng tơjra#m đơ\ng 2 Thủ tướng teh đak lơ\m khei năr tơje# âu păng pơkăp 2 jơnu\m pơgơ\r jang hadoi pơgơ\r rim anih jang tơm, rim tơring, anih jang mu\k drăm hăt hot jang hadoi tơle\ch jang đei jơnei dôm tơdrong tơchơ\t kơpal kơ 2 đảng, 2 teh đak, dôm tơdrong tơchơ\t jang hadoi kơ 2 jơnu\m pơgơ\r păng rim tơdrong jang hadoi kơ 2 păh; ako\m pơklaih dôm tơdrong tơnap tap vă hơto\k jang hadoi lơ\m lơ tơdrong jang, mă hăt noh găh mu\k drăm, te\ch pơdro; hăt hot hơmet ăn ‘măng hop ako\m mă 41 Anih jang kơ 2 jơnu\m pơgơ\r teh đak Việt Nam - Lào.

Lan chih păng rapor