VOV4.Bahnar - Hơ nơ\ng bơ\ jang tơ\ tơ ring Tây Nguyên, kơ sơ\ brei (29/6) Pho\ Kơ dră Kuo#k ho#i Tòng Thị Phóng bơ\ jang hăm Dơ no\ an^h vei lăng kon pơ lei dêh char Gia Lai găh tơ drong jang vei rong, ato\k tơ iung hơ io\h tôm tơ drong yoa An^h mong jên tơ gu\m ăn hơ io\h Liên hiệp quốc (Unicef) tơ gu\m. 

Pho\ Kơ dră Kuo#k ho#i Tòng Thị Phóng bơ\ jang tơ\ Gia Lai găh tơ drong vei rong hơ io\h

Gia Lai j^ 1 lơ\m 3 dêh char, ku\m hăm Kon Tum păng Điện Biên đei Khul kơ dră te\h đak păng An^h mong jên tơ gu\m hơ io\h Liên hiệp quốc (Unicef) tơ le\ch tơ drong jang, vei rong ato\k tơ iung hơ io\h tôm tơ drong.

Tơ drong jang đei tơ le\ch đơ\ng khei 3 sơ năm ‘nâu păng đei jang pơ long năng tơ\ 9 xăh kơ 3 apu\ng Mang Yang, K’bang păng Krông Pa hăm jên ODA tơ gu\m đe\ch đei hlo\h 3,4 triu đô la Mi; jên to\k io\k đơ\ng dêh char vă je# 7,8 ti.

Pơ ma lơ\m jơ bơ\ jang, Pho\ Kơ dră Kuo#k ho#i Tòng Thị Phóng chih răk dôm tơ drong jang đei đơ\ng dêh char Gia Lai lơ\m tơ drong vei rong, ato\k tơ iung hơ io\h lơ\m khei ‘năr âu ki. Mă lei, tơ\ tơ ring oei đei 1, 2 tơ drong kăl tơ re\k truh, mă loi j^ tơ drong krao đe hơ io\h hơ la kơ 5 sơ năm năm ho\k ‘nao đei lăp dang 40% jo# atu\m đe hơ io\h lơ\m dêh char, hăm hơ io\h kon kông ‘no\h ‘nao đei 28%.

Kơ so# hơ io\h hơ ke\, kre\ kơ đeh hăm hơ io\h hơ la kơ 5 sơ năm đei hlo\h 35% păng đei truh 2/3 kơ so# nge ‘nao rơ ne\h tơ\ dôm apu\ng tam đei khăm, [et tôm pơ gang. Khul kơ dră che\p kơ\l, khul gru\p tơ pôl tơ\ tơ ring athei tơ re\k hlo\h dơ\ng truh tơ drong ato\k tơ iung tôm tơ drong ăn hơ io\h.

Dơ\ng: Tơ blơ\