VOV4.Bahnar - Kơ sơ\ brei, 25/7, ‘măng hop ako\m mă 6, Jơ nu\m pơ gơ\r kon pơ lei dêh char Dak Nông jăl III, đơ\ng sơ năm 2016-2021 hlôi tôch. Pơ ma pơ tôch hop ako\m, [ok Lê Diễn, Bí thư Đảng dêh char, Kơ dră Jơ nu\m pơ gơ\r kon pơ lei dêh char Dak Nông pơ ma hơ dăh, rim an^h jang, tơ ring tơ rang athei lăng hơ len rim tơ drong oei tam mă pran, tam mă lăp vă hơ met ming tơ tom lơ\m khei ‘năr truh.

‘No\h j^ tơ drong vei lăng te\h, vei lăng bri oei đei lơ tơ drong ưh hơ iă, m^nh [ar tơ drong glăi lơ\m tơ pôl đei [ôh roi vă to\k nhen te\ch mơ dro, et ma túy, pơ răm đe hơ io\h; tơ drong jang tơ jur tơ nuh hin mă đơ\ng tôch tơre\k ră tơ jur tơ nuh hin tam mă lơ, kơ so# u\nh hnam tơ nuh hơ lơ\k dơ\ng tơ\ tơ ring kon kông oei roi vă to\k; sek tơ lang tơ drong tơ kêng oei hiơ\ hy^n kơ na oei đei lơ tơ drong krê hơ mơt pơm tơ le\ch tơ drong ưh sơ đơ\ng tơ\ tơ ring…

Adrol kơ ‘no\h, lơ\m jơ ap^nh jet păng tơl nơ\r ap^nh jet, tơ drong vei lăng bri 1 ‘măng dơ\ng đei pơ ma nuh tôch hơ len vă chă đei trong jang hơ met pơ ‘lơ\ng tơ drong ‘nâu.

Dơ\ng: Tơ blơ\