VOV4.Bahnar - Pơ gê ‘nâu, 11-12, tơ\ Hà Nội, vă je# 1.000 ‘nu đoan viên, tang măt ăn hlo\h 6,4 triu ‘nu đoan viên păng vă je# 24 triu ‘nu druh dăm Việt Nam mât lơ\m jơ bơ\ jang mă blu\ng kơ tơ drong Hop ako\m Đoan TNCS Hồ Chí Minh ‘măng mă XI, jăl jang đơ\ng 2017-2022. Hop ako\m đoan lơ\m te\h đak ‘măng mă XI j^ tơ drong chinh tr^ tôch g^t kăl, năr chơt hơ iă tih kơ druh dăm, sơ năm mơ lôh Việt Nam.

Hăm nơ\r pơ ma “Sơ năm mơ lôh Việt Nam yak hơ drol, nuih mơng, pôm [ơ\r đon, rơ gei, jang to\k”, Hop ako\m đei tơ drong jang pơ tôch, hơ len năng tơ drong jang đoan păng druh dăm hơ io\h ie\ jăl jang đơ\ng 2012-2017; chih hơ dăh tơ drong jang, trong jang đoan păng khul druh dăm, hơ io\h ie\ đơ\ng 2017-2022; hơ met ming, chih tơ mât dơ\ng Tơ drong hơ găt đơ\ng Đoan TNCS Hồ Chí Minh; pôk rơih Khul kơ dră che\p kơ\l Trung ương Đoan TNCS Hồ Chí Minh jăl XI.

Dơ\ng: Tơ blơ\