VOV4.Bahnar - Dơ no\ an^h vei lăng kon pơ lei dêh char Lâm Đồng oei tơ le\ch tơ drong jang “Pơ jing pơ lei tơm Đà Lạt jing pơ lei tơm rơ gei đơ\ng 2018 – 2025”. 

Pơ jing pơ lei tơm Đà Lạt jing pơ lei tơm rơ gei

Tơ drong tơm đơ\ng tơ drong jang ‘nâu ‘no\h, kiơ\ đơ\ng tơ mât yoa kơ măy kơ mo\k tơ roi tơ băt ‘nao păng dôm kơ măy kơ mo\k nai vă pơm hơ to\k tơ drong arih xa, hơ to\k tơ drong đei yoa lơ\m tơ drong jang kơ khul kơ dră che\p kơ\l, tưk tơ iung tơ drong jang mu\k drăm, tơ pôl tôm tơ drong păng pran kơ jăp, hơ to\k kơ sư\k pơ jei, pơm ‘lơ\ng truh sơ năm 2025 Đà Lạt jing pơ lei tơm rơ gei, ‘lơ\ng ro\ kơ Việt Nam. 

Vă jang đei tơ drong ‘nâu, tơ drong jang đơ\ng dêh char Lâm Đồng chih hơ dăh pơ lei tơm Đà Lạt athei tơ mât jên ato\k tơ iung kiơ\ 4 tơ drong tơm đei vei lăng, tơ drong arih, cham char păng mu\k drăm, hơ dai hăm tơ le\ch lơ trong jang kăl nhen: Khul kơ dră che\p kơ\l hăm điên tư, Kơ măy roi tơ băt trong pơ pro\h tơ ring kơ drâm păng vei lăng te\h, cho\h jang xa, chă tơ mang lăng, pơ lei tơm sơ đơ\ng, cham char rơ go\h, jang pơ gang, pơ tho pơ hrăm, trong gre păng an^h pơ gơ\r jang rơ gei…

Dơ\ng: Tơ blơ\