VOV4.Bahnar - Nărr ‘nâu păng tơ ning, 15 păng 16/2, Khul vei lăng tơ ring jang mu\k drăm tơm kơ tơ ring To\k bo\k jang hơ doi hăm Dơ no\ an^h vei lăng kon pơ lei dêh char Thừa Thiên - Huế pơ gơ\r Hop ako\m ato\k tơ iung chă tơ mang lăng tơ\ tơ ring To\k bo\k păng Tây Nguyên tơ\ pơ lei tơm Huế. Tơ ring To\k bo\k - Tây Nguyên đei lơ tơ drong pran ‘lơ\ng vă ato\k tơ iung chă tơ mang lăng.

Hop ako\m "Ato\k tơ iung chă tơ mang lăng tơ ring To\k bo\k păng Tây Nguyên" sơ năm 2019 vă tơ blang hơ dăh, hơ len năng tơ drong ‘lơ\ng păng tơ drong oei bơ\ jang dang ei mưh ato\k tơ iung chă tơ mang lăng tơ\ tơ ring To\k bo\k păng Tây Nguyên; tơ le\ch trong tơ gu\m păng dôm trong jang kăl vă ato\k tơ iung chă tơ mang lăng tơ\ tơ ring âu, vang pơm hơ to\k tơ drong chă tơ mang lăng jing tơ drong jang mu\k drăm tơm. Tang măt dôm bơ ngai tơ mât jên jang oei vă tơ [ôh trong ăn khul kơ dră pơ gơ\r hơ met pơ ‘lơ\ng cham char tơ mang lăng, yăih hơ met dôm tơ drong oei tơ hlăk hăm an^h te\ch mơ dro.

Dơ\ng: Tơ blơ\