VOV4.Bahnar - Dôm sơ năm âu ki, Trung đoàn linh te\h 994 – An^h che\p kơ\l pơ gơ\r khul linh dêh char Dak Nông hơ nơ\ng adrin yak hlo\h mơ mat tat, jang ‘lơ\ng tơ drong pơ tho pơ hrăn ăn linh hle. Tơ drong jơ nei đơ\ng pơ tâp linh hle sơ năm ‘nâu đei đơ\ng lơ tơ drong, lơ\m no\h đei hloi tơ drong oei xa hơ dai ‘lơ\ng, băt hơ dăh tơ drong ‘me\h vă păng sek tơ lang ‘lơ\ng jơ hngâm đon tơ che\ng ăn linh hle.

{ât to\k bo\k ‘năr to\ hlơ hle\ng kơ pơ yan phang tơ\ an^h pơ hrăm tơ blăh, đe linh hle ‘nao đei io\k pơm linh sơ năm ‘nâu oei pơ hrăm lơ [ai tâp kăl kơ băt găh khul gru\p, dơ\ng pơ re\ng. Lơ hơ yak jâng brơ\ch tơ păt, yak hơ dai hrơ\ch hrơ\ch, lơ muh măt jơ măng hơ răng tơ [ôh ăn jơ hngâm pran kơ khul mơ lôh pơm ăn an^h pơ tâp tơ blăh tơ\ tiểu đoàn 301 roi hơ iă hlo\h dơ\ng.

Đơ\ng ro\ng kơ jơ pơtâp, hơ tuch jơ kơ sơ\, đe linh hle vih dơ\ng tơ\ lăm đại đội kơ dih ho\k hôp, ngôi pơ chơt. Mă đơ\ng ‘măng io\k linh hle ‘nao lăp hlo\h 2 khei đe\ch, mă lei rim tơ mam yoa nhen tơ kho\, khăn, kơ mu\ng, hơ băn ao đei đe linh ming tro\ an^h păng tơ păt ‘lơ\ng. Binh Nhì Nguyễn Kiêm Hoàng, đại đội 11, tiểu đoàn 301 tơ roi: Khei ‘năr blu\ng a rim tơ drong lơ\m khul linh pơm ăn ‘nhong ưh juăt ngăl, đơ\ng jơ tep truh tơ drong oei xa kơ dih kâu.

Binh Nhì Nguyễn Kiêm Hoàng pơma: “ Io\k đơ\ng năr blu\ng inh athei pơm juăt hăm tơ drong iung hrôih, 5jơ đ^ pơih jơ rou bơ\n iung đơ\ng tep, pơ tâp hơ kâu jăn bơih, đơ\ng ro\ng kơ ‘no\h ‘nhao, hơ rao jâng ti păng năm xa pơ gê. Hmă hmă tơ\ hnam 7 jơ ‘mơ\i inh iung kơ na blu\ng a ưh kơ juăt, ưh kơ rơ hăo kiơ. Năr blu\ng inh pơ vih tam hơ be\ch kiơ, 5jơ hơ ‘nơ\r mă 5jơ10 ‘mơ\i inh pơ tơm le\ch đơ\ng giơng. Rim tơ drong lơ\m linh ku\m đei đe ‘nho\ng tiểu đội trưởng păng trung đội trưởng pơ tho ră mă lei inh ưh kơ đei [lo\k lơ, đe linh chơ\p bơ\n khăn tôch hre\nh, oei inh ‘no\h hiơ\ [iơ\ kơ đe sư”

Binh nhì Hoàng A Làng, đại đội 9, tiểu đoàn 301 tơ roi, ‘nho\ng năm pơm linh [ât ‘nao chă hơkăn 2 khei, khei ‘năr blu\ng rơ nguơ\ hơkăn hai, rơ nguơ\ hnam hai pơm ăn A Làng ưh kơ hiôk lơ\m jơ hngâm, mă lei đei nơ\r pơ lung đơ\ng ‘nho\ng o\h lơ\m khul linh, ku\m hăm đon lui hơ me\ng đơ\ng hnam tơ no\, Hoàng A Làng sơ đơ\ng jơ hngâm pơ tâp pơ hrăm vă tơ [ôh trong ăn 2 ‘nu o\h tơ\ hnam ho\k kiơ\.

Binh Nhì Hoàng A Làng, pơ ma: “Blu\ng a năm pơm linh ‘no\h inh tôch rơ nguơ\ kơ hnam, rơ nguơ\ kơ hơ kăn, đơ\ng ro\ng âu roi juăt kơ na da [iơ\ rơ nguơ\ bơih. 2 khei pơm linh ‘no\h đei kăn păng u\nh hnam năm ngôi 1 vât, tơ pă ‘nei rơ nguơ\ hnam mơ\n mă lei đe bôl boăl tơ\ âu jing tơ drong pơm ăn inh da [iơ\ kơ blo\k u\nh hnam.”

Tiểu đoàn 301 ling pơ gơ\r jang ‘lơ\ng tơ drong pơ tho tơ [ôh đon tơ che\ng chinh tr^; Jang hơ doi kơ jăp tơ drong pơ hrăm hăm pơ tâp pơm kiơ\ ki luơ\t, kơ plăh u\nh hnam hăm khul linh mưh pơ tâp ăn linh hle. Đơ\ng ro\ng kơ io\k linh hle, ku\m hăm chih hơ dăh măt linh, hơ met pơ ‘lơ\ng an^h oei xa, Tiểu đoàn năng kăl truh tơ drong roi tơ [ôh đon tơ che\ng, vă đ^ đăng linh hle băt hơ dăh tơ drong jang, sơ đơ\ng jơ hngâm oei hăm khul linh. Tơ mât tơ drong pơ tho tơ drong juăt, roi tơbăt dôm tơ drong io\k đei đơ\ng pơ tho ăn linh hle sơ năm sơ\ vă pơ jing đon adrin, hơ năp jang tơ năp ăn [ô đo#i.

Thượng úy Y Liêm Niê, Trung đội trưởng đại đội 11, tiểu đoàn 301, pơ ma: “Đơ\ng ro\ng 2 khei, năng atu\m đei kơ pal tơ re\k, ‘nho\ng o\h pơ hrăm kiơ\ khul linh, pơm kiơ\ đon tơ che\ng đơ\ng ‘nho\ng o\h păng kiơ\ trong pơ tâp pơ hrăm đei tơ le\ch. Kiơ\ đơ\ng no\h ăn [ôh, ‘măng pơ tâp linh hle sơ năm 2017 đe ‘nho\ng o\h hlôh vao hre\nh [iơ\, pơ tâp tơ păt [iơ\ păng jang đang rim tơ drong đei pơ jao.”

Tiểu đoàn 301 đei An^h che\p kơ\l pơ gơ\r khul linh dêh char Dak Nông pơ jao tơ drong jang tơm ‘no\h pơ tâp pơ hrăm păng kơ chăng tơ blăh ăn đe linh hle, linh sơ năm mă 1 păng sơ năm mă 2. ‘Ngoăih kơ ‘no\h oei đei pơ jao dơ\ng tơ drong jang kơ chăng tơ blăh, hơ met pơ ‘lơ\ng rim tơ drong [ơm truh tơ drong sơ đơ\ng chinh tr^ tơ\ dêh char, mưh Quân khu păng An^h che\p kơ\l pơ gơ\r linh pơ jao. Đại úy Phạm Công Nam, kơ dră vei lăng tiểu đoàn 301 akhan: Đơ\ng ro\ng kơ io\k păng pơ tâp ăn linh hle, tiểu đoàn hlôi tơ le\ch tơ drong tơ chơ\t lăp hăm yan âu lơ\m tơ drong pơ tho kơ na tơ drong pơ tho roi đunh roi ‘lơ\ng [iơ\ dôm ‘măng adrol.

Đại úy Phạm Công Nam pơma: “Năng atu\m sơ năm ‘nâu đei lơ tơ drong ‘lơ\ng [iơ\ yoa đei kơ dră kơ pal tơ re\h, đơ\ng An^h pơ gơ\r truh Trung đoàn hơ nơ\ng dăr lăng, pơ tho tơ [ôh rim tơ drong. Tơ drong pơ gơ\r đơ\ng kăn [o# lơ\m khul linh ‘lơ\ng, hơ met đang dôm tơ drong kăl. Mưh mât lơ\m khei ‘năr pơ tâp pơ hrăm ‘no\h đei pơ tâp tro\ trong tơ le\ch ngăl. Yoa thoi no\h tơ drong pơ tâp pơ hrăm roi gơ\h, roi ‘lơ\ng [iơ\”.

Vă pơm lăp hăm tơ drong ‘me\h vă roi đunh roi to\k đơ\ng pơ tho linh hle, Trung đoàn linh te\h 994 – An^h che\p kơ\l pơ gơ\r khul linh dêh char Dak Nông chih io\k đei lơ tơ drong kăl, trong jang ‘lơ\ng, đei yoa.

Trung tá Đỗ Anh Hào – Bí thư Đảng - Chính ủy Trung đoàn linh te\h 994, tơ roi: “Đơ\ng sơ năm 2015 năm tơ\ ro\ng sơ\, 1 sơ năm nhôn pơ tho 2 khoă linh hle, mă lei đơ\ng sơ năm 2016 oei pă 1 khoă đe\ch. Yoa thoi no\h bơ ngai tôch lơ, tơ drong pơm hơ met an^h oei, so\ng xa, pơ dơ\h j^ 1 tơ drong nol tih hăm khul linh. Nhôn kơ chăng tơ iung tơ drong jang đơ\ng an^h jang kơ pal, khul gru\p păng mă loi j^ đơ\ng khul kăn [o# đơ\ng trung đoàn truh tiểu đội, hơ nơ\ng pơ lung đe linh, hlôh vao đon tơ che\ng, jơ hngâm ‘me\h vă đơ\ng ‘nho\ng o\h vă tơ tom pơ lung đe sư. Hơ dai hăm ‘no\h đe yo\ng kơ pal hơ nơ\ng jang hơ doi kơ jăp hăm an^h jang đảng, khul kơ dră tơ ring, u\nh hnam đe linh vă vang pơ tho đon ăn đe [ô đo#i. Tơ iung tơ drong jang đơ\ng dôm khul tơ pôl, pơ gơ\r lơ tơ drong ngôi pơ chơt mă hơ iă vă sơng đe kăn [o#, đoan vin truh ako\m. Atu\m hăm ‘no\h hơ met pơ ‘lơ\ng an^h, tơ mam pơ tâp tơ blăh, tơ mám ho\k pơ hrăm pơ yoa ăn tơ drong pơ tâp pơ hrăm. Nhôn lui, pơ yan pơ tâp pơ hrăm đơ\ng đe kăn [o# linh sơ năm 2017 đơ\ng trung đoàn gô io\k đei jơ nei ‘lơ\ng, lăp hăm tơ drong tơ chơ\t đei tơ le\ch.

Bơngai ch^h: Hoàng Qui

Tơblơ\ nơ\r: Dơ\ng