VOV4.Bahnar - Kơsơ\ bre\i, năr 12/10, Dơno\ an^h tơm ve\i lăng jang Kơtơ\ng ang păng pơre nơ\r jang hơdoi hăm Dơno\ an^h tơm ve\i lăng Tơdrong jang – Bơngai rơka păng Tơpôl, Jơnu\m Khu\l ch^h kơtơ\ng ang Việt Nam pơgơ\r pơm le#h pôk ăn tơmam hơpăh ‘măng pơ ting rim [ai ch^h tơbăt găh bơ\ jang tơ jur dơnu\h sơnăm 2016-2020.

Đơ\ng ro\ng 8 khe\i tơle\ch pơlong, An^h che\p pơgơ\r ‘măng pơlong hlôi sơng io\k đe\i 300 [ai ch^h vang pơlong đơ\ng rim bơngai, an^h bơ\ jang hăm dôm [ai ch^h pho\ng sư\, ch^h kiơ\, pho\ng sư\ rup, tơdrong tơroi rapor pơdăh tivi.

An^h che\p pơgơ\r pơlong hlôi pôk ăn tơmam hơpăh ăn 24 ‘nu bơngai, 2 an^h bơ\ jang đe\i lơ [ai ch^h vang pơlong lơ\m ‘Măng pơlong sơnăm au. Lơ\m au, Radiô Nơ\r Pơma Việt Nam ‘no\h m^nh lơ\m dôm an^h ch^h kơtơ\ng ang đe\i lơ [ai ch^h vang pơlong păng io\k đe\i tơmam hơpăh lơ\m ‘măng pơlong au, hăm m^nh tơmam hơpăh ăn tơpôl, 1 tơmam hơpăh A, 1 tơmam hơpăh B păng 1 tơmam hơpăh pơ chhơp jơhngơ\m lơ\m tơdrong rapor.

Tơblơ\ nơ\r: Amazưt