VOV4.Bahnar - ‘Năr dơning, Festival ching chêng Tây Nguyên 2018 pơtơm tơ\ dêh char Gia Lai. ‘Nâu jing minh tơdrong joha yo\ kăp g^t hloh lơ\m xơnăm tơ\ tơring âu hăm tơdrong vang ako\m đơ\ng pơhlom 1.000 nge# nhơ\n kơ 5 dêh char noh Gia Lai, Kon Tum, Đak Lăk, Đak Nông păng Lâm Đồng. Tơ\ dêh char Gia Lai, kon pơlei tơ\ rim pơlei pơla hăt hot hơmet ăn lêh ako\m âu.

Rim kơmăng, jơva ching chêng ang bang tơ\ pơlei Mrông Yố, xăh Ia Ka, apu\ng Chư\ Păh, dêh char Gia Lai. Kon pơlei oei hăt hot pơhrăm tôn ching chêng, hơmet ăn tơdrong ako\m Festival ching chêng Tây Nguyên 2018 gô đei pơgơ\r tơ\ plei tơm Pleiku ăh je# đ^ khei âu. Khul tôn chêng kơ pơlei đei 35 ‘nu, đei 25 ‘nu dro\ nglo păng 10 ‘nu drăkăn hơxuang. Bơngai ‘la#p hloh lơ\m khul tam mă truh 10 xơnăm, bơngai ‘lo\ hloh noh kră pơlei Rơ Châm Nha, to\k je# 80 xơnăm. {ok Nha ăn tơbăt, khei năr âu oei ăh khei tơm vă kăt [a, pe\ cà phê, kon pơlei ưh rơvơn hăm mir na, yuơ noh, athei io\k ăh kơmăng vă pơhrăm. Rim kơmăng thoi âu, kon pơlei axong pơhlom 1 jơ vă pơhrăm hăm tơdrong ‘meh vă gô pơdăh tơdra ching chêng ‘lơ\ng hloh truh hăm tơmoi duh nhen kon pơlei kon kông nai lơ\m tơring Tây Nguyên truh ako\m lêh: “Jing minh kră pơlei noh inh pơtho akhan păng ‘meh vă kon pơlei, kon xâu athei pơhrăm tôn chêng, yuơ noh jing tơdrong ‘lơ\ng ro\ joh ayo\ kăp g^t kơ hơdrung hơdre\ch po. Mă ưh kơ văn dang yơ, ba duh athei ‘măn jơ vă ho\k hơlen đơ\ng yă [ok pơxư\ ăn. Hơmet ăn Festival ching chêng âu, nhôn xo# xôn noh inh hlôi tơbăt ăn kon mon kon xâu athei kơchăng pơ ‘nam pơhrăm vă tôn chêng mă [lep, mă tro\ hăm joh ayo\ kơ pơlei pơla po”.

Ia Ka jing minh lơ\m lơ xăh oei răk vei um ai joh ayo\ kăp g^t kơ kon pơlei Jarai. Tôm tơdrong ako\m joh ayo\ kơ apu\ng păng dêh char, rim pơlei lơ\m xăh đei rơih năm ako\m pơdăh ching chêng păng minh [ar tơdrong ako\m joh ayo\ nai nhen tanh kơđum kơđo\ng, tanh brai, chrăh um mur meo dăh mă bơ\ bro\ kon kông Tây Nguyên. Tơ\ Festival ching chêng Tây Nguyên 2018, kon pơlei tơ\ âu duh gô ako\m pơdăh nhen le\ tôm um ai joh ayo\ juăt jue kră xơ\. Nge# nhơ\n Rơ Châm Hmút, bơngai pơtơm pơtho rim tơdrong joh ayo\ kơ pơlei Mrông Yố ăn tơbăt: “Plei tơm Gia Lai to\k bo\k oei hơmet pơgơ\r Lêh ako\m Festival ching chêng Tây Nguyên. Đei hơvơn năm ako\m Festival ching chêng Tây Nguyên jing minh tơdrong hơ iă hăm nhôn. Lơ\m khei năr âu, khul tôn ching chêng nhôn athei hơmet pơhrăm hơnơ\ng vă đei jơnei tơnăp hloh păng hơ ‘nhăk tơdrong xo# hơ\k ăn kon pơlei pơla po”.

Festival Ching chêng Tây Nguyên 2018 jing tơdrong ako\m joh ayo\ kăp g^t, vă pôk pơ ư, răk vei kơjă kăp g^t joh ayo\ ching chêng Tây Nguyên – mu\k drăm joh ayo\ đon bơnôh ăn kon bơngai. Kiơ\ lêh ako\m gô tơgop pơjing cham char tơroh joh ayo\, hơto\k tơguăt tơguăl, tơgu\m dih băl đơ\ng kon pơlei kon kông tơring Tây Nguyên. Yuơ noh, Jơnu\m pơgơ\r tơring tơ\ Gia Lai oei hơmet tơnăp hloh. Yă Rơ Châm H’ngoan, Pho\ Kơdră Anih vei lăng kon pơlei xăh Ia Ka, apu\ng Chư\ Păh ăn tơbăt, xăh tơre\k kăp g^t ăn kon pơlei tơ\ rim pơlei pơla – tơ ‘ngla kơ cham char joh ayo\ Ching chêng Tây Nguyên, vă kon pơlei gơh vang ako\m păng pơm tơ ‘ngla tơpă kơ lêh ako\m: “Xăh Ia Ka tang măt ăn apu\ng vang năm ako\m Festival joh ayo\ ching chêng, ăh io\k tơdrong jang, năm truh pơlei vă tơjra#m rim nge# nhơ\n drơ\ng nơ\r chă pơhrăm vă pơdăh tơnăp hloh ăn kơ xăh păng ăn apu\ng kơdih.”

Jing minh tơring pơgơ\r, dêh char Gia Lai oei hăt hot hơmet ăn Festival joh ayo\ ching chêng Tây Nguyên xơnăm 2018. Lêh ako\m gô đei pơtơm ăh ‘năr dơning (30/11/2018) tơ\ Cham pơhiơ\ Tơguăt tơguăl, plei tơm Pleiku. Pơgơ\r lơ\m 3 năr hăm tơdrong pơkăp kơ tơring, Lêh ako\m đei dôm tơdrong tơm noh: lêh pơrok trong kơpho#; Hơmet khôi kră xơ\; pơdăh tơdrong chrăh um mur meo, tanh kơđum kơđo\ng, tanh brai; ako\m joh ayo\ kră xơ\. ‘Nguaih kơ noh, oei đei minh [ar tơdrong pơdăh nai nhen: Ako\m kơchơ\t te\ch răt tơmam drăm choh jang xa Gia Lai; Cà phê trong kơpho#; Tơmam xa tơring Tây Nguyên.

Lan chih păng rapor