VOV4.Bahnar - Tơ\ Hà Nội, Anih jang Joh ayo\, Pơtho pơhrăm, Hơdruh tơdăm păng hơ ioh ie\ kơ Kuôk ho#i pơgơ\r Pơma đam pơtho pơhrăm xơnăm 2017 găh pơ ‘lơ\ng pơtho jăl phôh tho\ng. Rim bơngai tang măt hlôi tơpăt tơroi găh dôm tơdrong tam mă tơnăp lơ\m pơtho jăl phôh tho\ng dang ei. Noh jing găh pơtho l^ thuêt, ưh kơ đei jang, ưh che\p vei đei tơdrong rơgei ho\k kơdih đơ\ng ho\k tro; pơtho tơdrong jang kiơ\ pơkăp ăh jăl phôh tho\ng oei tơjruh. Nơ\r teh đak đe đơ\ng ho\k tro tam mă kơjung. Pơtho găh đon bơnôh, tơdrong vao lơ\m erih xa đơ\ng ho\k tro tam mă jơnei nhen pơkăp. Răm hloh noh găh đon kơche\ng, tơdrong erih ho\k tro phôh tho\ng lơ\m dôm xơnăm  tơje# âu ưh đei ‘lơ\ng. Teh tôn lơ\m hnam trưng [ôh ato\k. Kiơ\ dôm bơngai tang măt, dôm tơdrong tơjruh âu đei 3 tơdrong tơm đơ\ng bơngai pơtho, tơdrong ho\k, săch ho\k păng tơdrong vei hơlen pơtho pơhrăm.

Lan chih păng rapor