VOV4.Bahnar - Sơ năm 2018, Khul kơ dră te\h đak hơ nơ\ng tơ le\ch trong jang kho\m vei sơ đơ\ng mu\k drăm lơ\m te\h đak, tang găn kơ jă tơ mam to\k păng ako\m jơ hngâm ăn dôm tơ drong jang đunh păh lăp vă tơ iung tơ drong tơ plih ming trong jang to\k hơ dai hăm hơ met ming tơ drong jang mu\k drăm. Lăp đon păng lui kiơ\ dôm tơ drong hơ găt đơ\ng Khul kơ dră te\h đak tơ le\ch, mă lei dôm bơ ngai tang măt Kuo#k ho#i ku\m đei lơ nơ\r oei tơ tăm.

Sơ năm 2018, Khul kơ dră te\h đak vă jang hơ to\k mu\k drăm lơ\m te\h đak (GDP) to\k đơ\ng 6,5 truh 6,7%. Kiơ\ bơ ngai tang măt Mai Thị Ánh Tuyết, khul An Giang, ‘ngoăih tơ drong hơ găt jang to\k mu\k drăm, 1 tơ drong hơ găt tôch g^t kăl gơ\h hơ to\k tơ drong ‘lơ\ng ăn tơ drong jang mu\k drăm ‘no\h j^ tơ drong, chă tơ drong jang păng sek tơ lang ‘lơ\ng tơ drong ưh đei tơ drong jang xa:

“Inh tơ che\ng vă mu\k drăm năm tro\ trong tơ le\ch, mu\k drăm to\k sơ đơ\ng ‘lơ\ng lơ\m te\h đak ‘no\h athei tơ mât tơ drong hơ găt găh bơ ngai ưh đei tơ drong jang păng chă tơ drong jang lơ\m tơ drong hơ găt tơm vă khul kơ dră te\h đak gơ\h đei trong jang hrơ\ch ‘lơ\ng, sek tơ lang ‘lơ\ng đơ\ng blu\ng.”

Dôm bơ ngai tang măt oei akhan, tơ drong hơ găt đơ\ng Khul kơ dră te\h đak tơ roi ăn Kuo#k ho#i ‘măng mă âu đei lơ tơ drong kơ đe\h [iơ\ pơ têng hăm sơ năm 2017 nhen te\ch tơ mam hăm te\h đak đe sơ năm 2017 ‘no\h 14,4%, lơ\m sơ năm 2018 lăp đơ\ng 7 - 8%; tơ drong hơ găt tơ le\ch jên jang kơ te\h đak sơ năm 2017 ‘no\h 3,5%, sơ năm 2018 ‘no\h 3,7%... Bơ ngai tang măt Đỗ Văn Sinh, khul Quảng Trị akhan, Khul kơ dră te\h đak athei tơ blang mă rơ đăh vă gơ\h [ôh, bơ\n oei năm truh tơ drong hơ nhăk mu\k drăm jang xa kơ jăp ‘lơ\ng ‘no\h athei tơ jur [iơ\ dôm tơ drong hơ găt:

“Lơ\m sơ năm 2017 mă bơ\n jang to\k ‘lơ\ng mơ\n ră, mă lei inh tơ che\ng sư gan kơ jăp ‘lơ\ng. Đ^ đăng rim tơ drong, bơ\n ‘nao lăp hơ met pơ ‘lơ\ng ming đe\ch, mă đơ\ng GDP bơ\n kơ jung mă lei kơ jă tơ pă đơ\ng Việt Nam ưh đei dôm yơ. Kơ lih thoi no\h vă mu\k drăm jang to\k pran kơ jăp, bơ\n athei ato\k tơ iung an^h jang, te\ch mơ dro lơ\m te\h đak bơ\n păng bơ\n tơ le\ch jên jang xa tơ\ te\h đak đe. Vă akhan jên bơ ngai Việt nam, tơ ‘ngla j^ bơ ngai Việt Nam, hơ nhăk tơ drong đei yoa ‘nao ăn bơ ngai Việt Nam, ‘no\h j^ trong jang to\k pran kơ jăp.”

Đei đon tơ che\ng lei lăi thoi âu mơ\n, bơ ngai tang măt Phạm Văn Hòa – khul Đồng Tháp akhan, jên tơ mât jang đơ\ng te\h đak hrei ‘nâu tôch lơ. Tơ drong nai ‘no\h, hăm dôm tơ drong jang xa lôh đunh kăl đei trong sek tơ lang, chih hơ dăh bơ ngai athei pu\ hai. Bơ ngai tang măt âu đei nơ\r pơ ma:

“M^nh tơ drong đei tơ le\ch ăn tơ drong jang ato\k tơ iung mu\k drăm tơ pôl sơ năm 2018 inh tôch tơ re\k ‘no\h j^ tơ mât jên jang hơ doi lơ\m dôm an^h te\ch mơ dro. Khei ‘năr âu ki, tơ drong tơ mât jên jang hơ doi tôch hiơ\, oei đei lơ hla ar mă bơ\n tam gơ\h sek, hơ met pơ ‘lơ\ng. Đei lơ an^h te\ch mơ dro hrei ‘nâu jang xa lôh, ‘no\h j^ đơ\ng an^h te\ch mơ dro kơ te\h đak, mưh bơ\n tơ mât jên jang hơ doi ‘lơ\ng tơ\ dôm an^h te\ch mơ dro âu ‘no\h jên tơ le\ch jang đơ\ng te\h đak ăn dôm an^h âu ưh pă đei bơih, bơ\n gơ\h io\k hơ lơ\k dơ\ng kơ so# jên ku\m tôch lơ vă ako\m tơ mât ăn tơ drong jang nai dơ\ng.”

Dôm tơ drong mơ mat tat oei đei lơ\m sơ năm 2017 ku\m kăl đei dôm bơ ngai tang măt tơ blang mă rơ đăh, vă gơ\h tơ le\ch đei tơ drong vă jang, trong jang ato\k tơ iung mu\k drăm lơ\m sơ năm 2018 lăp hăm tơ drong đei [ôh tơ\ yăn âu kơ te\h đak.

Dơ\ng: Tơ blơ\