VOV4.Bahnar - Dang ei, vă đ^ đăng rim ko\ng ti jang găh bri ‘long lơ\m tơ ring Tây Nguyên hlôi tơ pl^h jing Ko\ng ti trách nhiệm hữu hạn bri ‘long.đei ko\ng ti yua đơ\ng te\h đak che\p vei 100% jên jang, đei ko\ng ti yua đơ\ng gru\p jang, kơ d^h che\p vei 1 puăt jên jang. Tơ drong đei [o#h tơ\ lơ ko\ng ti, ‘no\h j^ tơ drong pơ v^nh pơ vănh yua đơ\ng tam mă hơ len lanưg hơ dăh trong oei đai, hơ to\k tơ iung. {ơ\t lăp đei ko\ng ti huo\ng lơ\m tơ drong mơ du\k mơ dăk, ư\h kơ lăp băl lơ\m tơ doă, păng hre đom hơ grôn hơ gran; tơ drong ar^h sa kơ ko\ng nhân, bơ ngai jang tơ [ơ\p mơ mat tat yua đơ\ng ư\h kơ măh tơ drong jang păng đei hre jên khei hơ nơ\ng. ‘Nâu ku\m jing 1 lơ\m dôm tơ drong tơm le# bri hơ nơ\ng đei  tơ dar io\k.

{ai mă 2 hơ năn “Rim ko\ng ti jang găh cbri ‘long tơ pl^h: pơ v^h pơ vănh’ đơ\ng lơ [ai “Tây Nguyên: bri oei tam mă sơ đơ\ng” yua đơ\ng gru\p ch^h kơ tơ\ng ang kơ An^h rađiô nơ\r pơ ma Việt Nam tơ\ Tây Nguyên ch^h tơ roi.

Tơdăh ‘me\h lăng [ai blu\ng ch^h găh tơdrong ‘nau le\i plôih lăng tơ\ hơla au

          http://vov4.vov.vn/Bana/chuyen-muc/tay-nguyen-bri-duh-tam-ma-xodong-c1376-167448.aspx

Vă đ^ đăng rim ko\ng ti jang găh bri ‘long lơ\m tơ ring Tây Nguyên hlôi jang kiơ\ tơ drong tơ pl^h jing rim ko\ng ti trách nhiệm hữu hạn, bơ\ jang pơm tơ le\ch te\ch mơ dro, jang jo# hơ len, ch^h io\k kơ d^h kiơ\ Luơ\t an^h jang mơ dro sa. Krao ‘no\h j^ an^h jang mơ dro sa, mă lei mă tơ pă rim ko\ng ti âu bơ\ jang ư\h pha kiơ khu\l vei lăng bri yua đơ\ng jên hu vă kơ đei pơ mơ\ng lơ\m pơ đ^ đơ\ng kla jên vei lăng bri. {ok Dương Thanh Bình, Kơ dră vei lăng ko\ng ti trách nhiệm hữu hạn bri ‘long Kang Nak (apu\ng K Bang, de#h char Gia Lai) akhan: Tơ drong mơ mat hlo\h hăm ko\ng ti jang găh bri ‘long hrei ‘nâu ‘no\h j^ rơ\ih tơ drong jang te\ch mơ dro păng jên vă bơ\ jang. 

“Hơ năm krao ‘no\h ư\h kơ kăl, mă tơ drong ‘no\h ^nh [o#h Ko\ng ti trách nhiệm hữu hạn ‘no\h dang ei đei 2 tơ drong jang hơ dăh: Tơ drong mă mônh ‘no\h j^ vei lăng bri ‘no\h pơm kiơ\ tơ drong jang đei yua atu\m ăn te\h đak pơ kă io\’k tơ mam hơ drol păng pơ jao trong tơ le\ch jang. ‘Ngoăih kơ ‘no\h ‘no\h đei tơ drong jang te\ch mơ dro, tơ dăh đei tơ ma, đei jên ‘no\h te\ch mơ dro ‘no\h ^nh [o#h ku\m lăp. Rim ko\ng ti lơ\m tơ ring ‘no\h mơ mat tat ‘no\h rơ\ih tơ drong jang te\ch mơ dro ‘no\h tôch mơ mat, sư pơ mơ\ng lơ tơ drong: tơ ring, jên, te\ch.”

De#h char Kon Tum đei 7 ko\ng ti jang bri ‘long, vei lăng hlo\h 222 rơ bâu hec tar bri. Rim ko\ng ti âu hlôi tơ pl^h jing ko\ng ti trách nhiệm hữu hạn bri ‘long. Đ^ đăng rim ko\ng ti âu adoi pơ v^nh pơ vănh hăm tơ drong pơm tơ le\ch te\ch mơ dro. Hơ dro# nhen Ko\ng ti trách nhiệm hữu hạn bri ‘long Ia H’Drai, (tơ\ apu\ng Ia H’Drai), ‘ngoăih tơ drong vei lăng 34 rơ bâu hec tar bri, oei đei tơ drong jang te\ch mơ dro tơ\ lơ tơ drong nhen: te\ch mơ dro tơ mam drăm bri ‘long, tơ mam drăm ming man, pơ tăm ‘long kơ su, che\h phe, ‘long pơ gang... Đ^ 2 sơ năm mă lei dang ei ko\ng ti tam mă pơ gơ\r đei 1 tơ drong jang hơ yơ lơ\m tơ drong jang te\ch mơ dro. Jên io\k kăl hlo\h đơ\ng ko\ng ti oei mơ\ng lơ\m trong jang tơ gu\m kla jên vei lăng cham char bri. Mơ mat pơ tăl mơ mat, hre so pơ tăl hre ‘nao. Kơ na đơ\ng blu\ng sơ năm tru\h dang ei, Ko\ng ti ‘nao lăp tôm jên io\k hơ drol ăn kơ ko\ng nhân [lep 1 khei jên jang.  

Ko\ng ti trách nhiệm hữu hạn bri ‘long Đak Tô (tơ\ apu\ng Đak Tô, de#h char Kon Tum) ‘no\h j^ an^h jang đei tơ drong hiôk vă hơ to\k tơ iung mu\k drăm, mă lei dang ei to\k bo\k tơ hlăk tơ hl^n yua đơ\ng trong jang. Ko\ng ti bri ‘long Đăk Tô dang ei đei 16.200 hec tar bri brăh đei vei lăng kơ jăp ( hơ găt ‘lơ\ng FSC). ‘Nâu j^ an^h jang lăp 1 dro# đe\ch tơ\ Tây Nguyên  jang ‘lơ\ng vei lăng bri kơ jăp FSC. {ok Nguyễn Thành Chung, kơ dră vei lăng Ko\ng ti trách nhiệm hữu hạn bri ‘long Đăk Tô tơ roi tơ băt: Lơ\m 2 sơ năm 2013 păng 2014, an^h jang hlôi jang hơ dai hăm kon pơ lei kon kông lơ\m tơ drong pơ tăm đei 1.300 hec tar bri lơ\m trong tơ le\ch jang pơ tăm 3.000 hec tar. Mă lei dang ei tơ drong pơ tăm ‘nao hơ ngo hlôi đei pơ dơ\h le# yua đơ\ng io\k jang bri kiơ\ trong vei lăng bri kơ jăp đei pơ joăl. {ok Chung pơ ma hơ dăh tơ drong io\k jang bri kiơ\ trong vei lăng bri kơ jăp gô [ơm ‘lơ\ng tru\h hơ to\k tơ iung bri. Jang kiơ\ trong ‘nâu, te\h đak gô ư\h pă tơ le\ch jên vă tơ gu\m, kla ăn tơ drong vei lăng bri.

“Tơ drong io\k jang đei trong vei lăng bri kơ jăp ‘no\h j^ trong jang pơm ăn br ‘long ‘lơ\ng hlo\h hăm bri. ‘Nâu j^ 1 tơ drong đei kơ d^h păng khoa ho\k. Io\k jang tơ\ âu ư\h kơ s^ io\k jang lu\h lăh. {ơ\t pơ jing trong jang âu hlôi jo# hơ len răk kơ so# to\k rim sơ năm đơ\ng bri. Kiơ\ lơ\m io\k kơ so# sơ đơ\ng, pơ t^h gia to\k 10 khối, oei le# dơ\ng to\k thim 7 khối. Kơ na mư\h io\k jang đei [ơm to\ se\t ‘no\h trong jang pơm ăn ‘long bri brăh vă kơ bri bru\h jing hơ to\, lơ, hơ dai hăm ‘no\h pơ jing ‘long to\k hre\nh pơ têng hăm ư\h kơ đei io\k jang.”  

Hăm dôm tơ drong [o#h kơ năl ‘lơ\ng âu, An^h vei lăng găh cho\h jang sa păng hơ to\k tơ iung tơ ring tơ rang, An^h vei lăng kon pơ lei de#h char Kon Tum hlôi pơ tru\h nơ\r ap^nh đơ\ng Ko\ng ti trách nhiệm hữu hạn bri ‘long Đăk Tô ăn kơ An^h tơm vei lăng găh cho\h jang sa păng hơ to\k tơ iung tơ ring tơ rang păng ăn kơ Khu\l kơ dră te\h đak. Mă lei tru\h dang ei oei tam mă đei kơ dră kơ pal tơl tơ v^h.

Dang ei tơ\ Dak Nông, 5 ko\ng ti bri ‘long tơ klăh, 1 ko\ng ti bri ‘long tơ pl^h jing an^h vei lăng bri, păng 6 ko\ng ti tơ pl^h jing ko\ng ti trách nhiệm hữu hạn bri ‘long . Mă tơ pă 6 ko\ng ti bri ‘long hlôi tơ pl^h jing ko\ng ti trách nhiệm hữu hạn bri ‘long kơ de#h char Dak Nông bơ\ jang ư\h kơ pha kiơ rim an^h jang vei lăng bri. Yua kơ đ^ đăng 6 ko\ng ti adoi ư\h kơ đei pơm tơ le\ch, te\ch mơ dro mă lăp jang tơ drong jang vei lăng bri đe\ch. Đei pha ro\ lăng ‘no\h j^ rim an^h jang âu đei to\k thim 1 kơ dră vei lăng ko\ng ti, yua đơ\ng An^h vei lăng kon pơ lei de#h char ăn năm jang. {ok Đinh Văn Quý, Kơ dră ko\ng ti trách nhiệm hữu hạn bri ‘long Quảng Sơn (apu\ng Dak Glong, de#h char Dak Nông) akhan: Thim 1 kơ chư\k kơ dră lơ\m ko\ng ti bơ\ jang đei yua ăn tơ pôl, lăp đei 2,3 j^t ‘nu bơ ngai jang ‘no\h j^ 1 tơ drong brăh brư bơ ngai jang, jên hu; hơ dai ‘no\h đei [o#h tơ drong tơ gar băl tơ drong che\p kơ\l pơm ăn lơ\m tơ doă roi tơ su\l tơ săl, pơ v^h pơ vănh.

“Hrei ‘nâu trong jang tơ gu\m jên hu đơ\ng an^h jang mơ dro sa ‘long bri ‘no\h ư\h kơ rơ đăh. An^h jang hành chính tơ drong jang ư\h kơ le\ch an^h jang hành chính tơ drong jang, mă an^h jang mơ dro sa ku\m ư\h kơ le\ch an^h jang mơ dro sa mơ\n. Vă khan ‘no\h j^ tơ drong jang đơ\ng ko\ng ti ‘no\h yua đơ\ng te\h đak hơ găt, pơ hoach ‘no\h ư\h kơ gơ\h hoach hlo\h kơ so# hơ găt đơ\ng an^h jang  hành chính tơ drong jang. Lơ lo\h ‘no\h ro\ đei kơ chăng  đei ăn an^h jang mơ dro sa. Vă khan trong jang tơ gu\m jên hu đơ\ng ko\ng ti bri ‘long dang ei ư\h kơ băt sư ‘no\h kơ loăi um rup kiơ dơ\ng, no\ng le# pơ v^nh lo\h”. 

Lơ\m ‘măng ap^nh hăm bơ ngai ch^h kơ tơ\ng ang an^h rađiô nơ\r pơ ma Việt Nam, [ok Trương Thanh Tùng, pho\ kơ dră An^h vei lăng kon pơ lei de#h char Dak Nông pơ ma hơ dăh: Tơ\ tơ ring âu hlôi oei đei lơ bơ ngai tơ gar io\k, te\ch te\h bri glăi, dôm bơ ngai pơ ve\r tơm păng mă loi ‘no\h j^ kang [o#, bơ ngai jang kơ te\h đak tơ\ rim tơ ring, rim an^h jang tơ ‘ngla bri đei pơm glăi pơm pơ hơi lơ\m vei lăng, ôn băl, tơ gu\m ăn phă bri, tơ gar io\k te\h, mă loi ‘no\h j^ bri đei pơ jao ăn an^h jang mơ dro sa kơ d^h. {ok Tùng ku\m akhan: 41 an^h jang mơ dro sa kơ d^h đei an^h vei lăng kon pơ lei de#h char Dak Nông pơ jao, ăn thuê te\h păng bri vă tơ mơ\t jên jang cho\h jang sa, bri ‘long ‘no\h j^ yua đơ\ng tơ drong đei đơ\ng bơ ngai pơ gơ\r jang hơ drol sơ\ bơ\ih:

“Tơ drong jang đơ\ng de#h char ‘no\h j^ athei ako\m sek phak kơ hret rim bơ ngai tơ gar te\h bri glăi. Mă loi ‘no\h j^ athei sek phak tơ păt dôm kang [o# mă đei tơ drong ôn băl, tơ gu\m ăn tơ drong phă bri, tơ gar io\k te\h bri. Hơ dai hăm ‘no\h io\k pơ dreo te\h đei tơ gar io\k, yua glăi”.

Tơ je# âu hlo\h, lơ\m khei 10 sơ năm 2017 âu, An^h jang Đảng de#h char, an^h vei lăng kon pơ lei de#h char Dak Nông tơ le\ch dôm tơ drong hơ găt găh tơ drong pơm kiơ\ ki luơ\t hăm [ok Phạm Đức Thắng, Kơ dră vei lăng Ko\ng ti trách nhiệm hữu hạn Nam Nung hăm trong tơ le\ch Đảng, ăn le\ch pơm kơ dră vei lăng Ko\ng ti trách nhiệm hữu hạn Nam Nung yua kơ pơm pơ hơi vei lăng, pôm [ơ\r đon, ôn ăn tơ drong glăi phă bri.

Tơ\ Tây Nguyên rim ko\ng ti bri ‘long to\k bo\k vei lăng hlo\h 850.000 hec tar bri, đei vă je# 30% hơ găt bri kơ tơ ring. Đơ\ng blu\ng sơ năm tru\h dang ei Tây Nguyên hơ nơ\ng đei hiong vă je# 1000 hec tar bri, lơ hơ găt lơ\m kơ so# âu ‘no\h te\h rim ko\ng ti bri ‘long. Rim ko\ng ti pơ v^nh trong hơ to\k tơ iung, lơ\m tơ doă  hơ re\h băl, păng hre hơ grôn hơ gran; tơ drong ar^h sa kơ bơ ngai jang mơ mat tat yua đơ\ng ư\h kơ măh tơ drong jang, đei hre jên khei hơ nơ\ng... Bri Tây Nguyên oei tam mă gơ\h sơ đơ\ng.

Thuem tơ blơ\