VOV4.Bahnar - Lơ\m 2 năr âu ki, tơ\ pơ lei tơm Buôn Ma Thuột, de#h char Dak Lak, Khu\l che\p pơ gơ\r Trung ương Khu\l hơ dru\h tơ dăm cộng sản Hồ Chí Minh pơ gơ\r Hop ako\m hơ len lăng păng pơ hrăm ăn rim bơ ngai jang lơ\m tơ drong jang gru\p jang hơ dai, Hơp tak xăh hơ dru\h tơ dăm tơ ring Tây nguyên. Tơ ring Tây Nguyên dang ei đei 31 hơp tak xăh hơ dru\h tơ dăm păng 49 gru\p jang hơ dai hơ dru\h tơ dăm hăm 863 ‘nu bơ ngai. Rim gru\p jang hơ dai, hơp tak xăh hơ dru\h tơ dăm găh lơ jang sa, te\ch mơ dro lơ\m cho\h jang sa nhen: pơ tăm pơ kao, pơ tăm ‘nhot rơ go\h, pơ tru\h pơ v^h pơ văn cho\h jang sa...

Găh lơ rim hơp tak xăh tơ\ Tây Nguyên đei bơ\ jang ie\, hăm jên tơ gop đơ\ng 60 tru\h 300 triệu hlak jên; pơm tơ le\ch, te\ch mơ dro oei pơ ‘mơ\ng đơ\ng an^h te\ch mơ dro, io\k yua ư\h kơ sơ đơ\ng; tam mă đei hlo#h vao vei lăng, tơ mơ\t yua khoa ho\k kơ măy kơ mo\k, pơ jing hơ năn tơ mam ‘lơ\ng vă hơ to\k io\k yua pơm tơ le\ch te\ch mơ dro... Vă tơ gu\m hơ dru\h tơ dăm hơ to\k tơ iung mu\k drăm đei yua, hop ako\m hlôi tơ roi tơ băt, pơ tho hơ dăh găh Luơ\t hơp tak xăh, pơ ma dơ nu\h găh dôm tơ drong mơ mat tat, ư\h kơ ‘lơ\ng, tơ roi băl tơ drong hlo#h vao lơ\m hơ to\k tơ iung tơ drong jang mu\k drăm tơ pôl, păng dôm trong jang vă hơ to\k jang hơ dai hơ to\k tơ iung mu\k drăm lơ\m hơ dru\h tơ dăm.

Thuem tơ blơ\