VOV4.Bahnar - Lơ\m dôm năr tơje# têt Mậu Tuất 2018, tơdrong chơ te\ch tơtông tơmam drăm ka#m tơ\ dôm jăl trong tih tơ\ Tây Nguyên đei [ôh lơ păng tơnap kơ hơlen băt.

Kiơ\ Anih jang Kanh sat hơlen trong nơnăm ko\ng ang dêh char Dak Lak, đơ\ng tong ane# khei 12 xơnăm 2017 truh dang ei, khul kanh sat hơlen trong nơnăm kơ ko\ng ang dêh char hlôi [ôh rôp vei 17 tong gre chơ tơmoi io\k chơ je# 700 k^ 'nhe\m ôm, 7,4m3 tơ\ glăi, je# 5.000 kơdu\ng hơ\t hla păng hloh 700 k^ kơmlăi lơ kơloăi.

Dôm tơdrong adoi đei [ôh băt kiơ\ jăl trong 14, 26 păng 27 pơtoi Tây Nguyên hăm dôm dêh char tơter đak dơx^ to\k bo\k. Dôm bơngai chơ tơmam glăi âu hơnơ\ng đei 'nu\ng hlơp 'măn lơ\m dôm kơthu\ng cát tông, kơthu\ng xôp, lu\k lơ\k hăm tơmam drăm nai vă khul kơpal ưh kơ băt. Ăh [ôh băt noh, dôm bơngai vơ\r gre hơnơ\ng chă trong kơdâu klenh, dăh mă ăh tro\ rôp vei noh hơnơ\ng tơroi akhan chơ tơmam ăn đe nai ưh juăt vă io\k jên đe\ch.

Trung tá Nguyễn Quang Vịnh, Kơdră Anih jang Kanh sat hơlen trong nơnăm ko\ng ang dêh char Dak Lak ăn tơbăt: "Hơno\ng noh dôm bơngai te\ch tơtông tơmam drăm gơih ăn dôm anih jang gre kơdâu, đang kơ noh 'măn atu\m hăm tơmam kon pơlei vih vơ\t hao lơ\m gre noh tơnap kơ băt. Mă lei, đơ\ng tơdrong juăt jang, păng dôm tơdrong tơroi tơbăt đơ\ng kon pơlei noh nhôn hlôi [ôh băt rôp đei dôm tơdrong pơm glăi âu păng rôp vei"

Oei kiơ\ kơ Thượng tá Hoàng Văn Yến, Pho\ kơdră Anih jang Kanh sat hơlen trong nơnăm Ko\ng ang dêh char Kon Tum, lơ\m hloh tong ane# khei, đơ\ng je# đ^ khei 12 xơnăm 2017 truh blu\ng khei 1 xơnăm 2018, anih jang hlôi hơlen [ôh rôp je# 10 tong gre chơ tơmam te\ch tơtông, lơ\m noh hơdăh jing 3 'măng chơ kơmlăi glăi lơ\m gre  taxi păng gre chơ tơmoi.

Dôm 'măng chơ kơmlăi tơtông duh nhen dôm tơdrong chơ nai noh lu\k lơ\k hăm tơmam drăm nai, păng ăh [ôh băt noh đe xư vơ\r gre renh kơdâu klenh, bơngai vơ\r gre tơroi noh chơ ăn kơ đe vă io\k jên...: “Lơ\m khei năr âu ki, Anih jang Kanh sat hơlen trong nơnăm duh [ôh rôp 3 'măng chơ glăi kơmlăi rok trong. Dôm bơngai chơ kơmlăi hăm gre vih vơ\t kiơ\ trong nơnăm noh hli hlơt tơpă. Mă 2 dơ\ng noh, dôm bơngai âu hơnơ\ng kơdâu klenh păng khul kanh sat hơlen trong nơnăm athei kiơ\ druh tơ\ trong noh pơtơm rôp đei, yuơ noh hăp pơm hiơ\r jơhngơ\m hăm bơngai vih vơ\t kiơ\ trong nơnăm”.

Dang ei, dôm tơmam drăm nhen kơmlăi, hơ\t hla, tơdrô teh đak đe tơ\ dôm 'măng xơlam Bờ Y, dêh char Kon Tum, Bu Prăng, dêh char Dak Nông păng Lệ Thanh, dêh char Gia Lai chă răt noh [ônh [o\ hloh.

Yuơ noh, lơ bơngai 'meh đei lơi noh mă băt ră pơm glăi kơluơ\t pơkăp, mă lei duh chă ako\m te\ch răt tơtông. Tơdrong chơ 'nhăk tơmam drăm vih dôm dêh char Tây Nguyên te\ch mă lơ noh hăm trong teh. Nguyễn Thị Thắm, 34 xơnăm, oei tơ\ plei tơm Kon Tum đơ\ng ro\ng [ơm rôp vei tơ\ Anih jang Kanh sat Krông Buk, Dak Lak ăh blu\ng [lon âu ki tơroi tơbang: "{ôh te\ch tơtông kơmlăi glăi noh đei lơi noh pơmai oh xo# băl tơgop jên vă răt kơmlăi vih te\ch, rim kơhôp kơmlăi răt tơ\ 'măng xơlam Bờ Y noh kơjă 180 rơbâu hlak jên, [ơ\t 'nhăk vih te\ch tơ\ Buôn Ma Thuột noh te\ch truh 350 rơbâu hlak jên"

Vă tang găn dôm tơmam te\ch tơtông, tơmam yăh, tơmam ưh 'lơ\ng lang xă lơ\m tơring ăh khei têt âu, khul kơpal kơ dôm dêh char Tây Nguyên oei pơtoi hơlen kơjăp tơ\ dôm 'măng xơlam, dôm anih gre dơ\ng, tơring tơje# hăm dôm dêh char tơter đak dơx^ to\k bo\k păng hle\ch pơbăh.

Lan chih păng rapor