VOV4.Bahnar - Gơ măng ‘năr 11/2 (j^ gơ măng ‘năr 26 khei 12), tơ\ plei Tăng, xăh Ia O, apu\ng Ia Grai, dêh char Gia Lai, Binh đoàn 15 (An^h tơm vei lăng khul linh te\h đak) pơ gơ\r “Năr [e\ng chưng – Ngôi pơ chơt têt hơ dai đơ\ng linh hăm kon pơ lei”. ‘Nâu j^ m^nh lơ\m dôm tơ drong jang pơ gơ\r têt tơ\ tơ ring đơ\ng Binh đoàn 15 [ât Têt Mậu Tuất 2018 âu.

Kơ sơ\ ‘năr 26 khei 12, sân [o\ng lo\ng xăh Ia O, apu\ng Ia Grai sơng xa têt tôch chơt hơ iă ‘nă hal. Kon pơ lei dôm hơ dre\ch kon kông tơ\ tơ ring ku\m hăm đe kăn [o#, linh păng công nhân, bơ ngai jang đơ\ng Binh đoàn 15 vang pơ gơ\r Têt hơ dai. Kră pơ lei Ksor Thin, tơ\ plei Kom 1, xăh Ia O, ăn tơ băt, hăm kon pơ lei tơ\ âu, [e\ng chưng pă đei chrih kiơ bơih, mă lei [e\ng chưng năr Têt ‘no\h hui bơ ngai gơ\h pơm. Truh ngôi pơ chơt têt, [ô đo# hơ met đang tôm tơ mam vă pơm [e\ng chưng. Đe linh pơm [e\ng tôch hre\nh, đang kơ ‘no\h pơm hiơ hiơ\ dơ\ng vă pơ tho ăn kon pơ lei lơ\m tơ ring pơm kiơ\, roi tơ băt tơ drong juăt pơm [e\ng chưng vă kon pơ lei hlôh vao tơ drong g^t kăl đơ\ng năr Têt.

Hăm [ok kră pơ lei Ksor Thin ku\m nhen mih ma duch nă tơ\ tơ ring sơ lam Ia O, Têt thoi no\h roi hơ iă, roi ‘mêm băt băl hlo\h dơ\ng: “Inh tôch hơ iă mưh đei truh hăm năr [e\ng chưng hăm [ô đo#i Binh đoàn 15. Truh tơ\ âu, inh păng mih ma duch nă đei ho\k trong pơm [e\ng chưng, đei ngôi pơ chơt têt hăm [ô đo#i. Têt thoi âu tôch hơ iă. Inh vă adrin krao hơ vơn kon pơ lei tơ guăt pôm [ơ\r đon, tơ gu\m băl jang to\k mu\k drăm, vă tơ ring sơ lam âu roi đunh roi to\k pơ dro\ng.”

Tơ drong [ô đo#i vang sơng xa têt hăm kon pơ lei tơ\ tơ ring hlôi jing m^nh tơ drong juăt tơ\ xăh sơ lam Ia O. Đe linh jang mu\k drăm hơ dai hăm vei sơ đơ\ng te\h đak tơ\ tơ ring sơ lam âu hơ nơ\ng pơ gơ\r pơm thoi yơ vă rim pơ yan têt kon pơ lei roi ph^ tơ to\ dơ no\ ‘lơ\ng. Hơ dro#\ Năr “{e\ng chưng – Ngôi pơ chơt Têt hơ dai đơ\ng linh hăm kon pơ lei” yoa Binh đoàn 15 pơ gơ\r đei lơ tơ drong nhen: thi pơm păng rơ\ [e\ng chưng, pơm têt; thi pơm kơ trăi, thi pơm ngôi kră sơ\, pơ gơ\r hơ ri hơ xoang, gơ măng pơm trăi “Tơ\k hơ dăh đon hơ pơi”, păh [o\ng lo\ng, pơ gơ\r năm ngôi, hơ păh tơ mam ăn kon pơ lei đei tơ drong arih xa mơ mat tat tơ\ tơ ring.

Thiếu tá Nguyễn Ngọc Đức, Yo\ng vei lăng Khul 18, Công ty 715, Binh đoàn 15, ăn tơ băt, ‘nho\ng đei truh 20 sơ năm oei hơ dai hăm kon pơ lei tơ\ tơ ring sơ lam Tây Nguyên. Hlo\h đơ\ng dôm ‘măng têt chơt hơ iă, dơ no\ ‘lơ\ng ‘no\h, tơ drong pơ vei đơ\ng linh hăm kon pơ lei roi kơ jăp hlo\h dơ\ng: “Inh đei hlo\h 20 sơ năm oei tơ\ tơ ring sơ lam âu, vang sơng xa têt hăm kon pơ lei. Inh [ôh oei hơ dai hăm kon pơ lei nhen thoi 1 u\nh hnam, kiơ\ đơ\ng dôm ‘măng Têt đei pơ gơ\r thoi âu ‘no\h tôch hơ iă, tôch g^t kăl.”

Tơ drong pơ gơ\r xa têt đơ\ng kăn [o#, linh hăm kon pơ lei tơ\ dôm xăh tơ ter tơ ring sơ lam tơ\ Tây Nguyên hơ nơ\ng đei kon pơ lei krao akhan “Têt pôm [ơ\r đon tơ\ pơ lei pơ la”. Hăm Binh đoàn 15, Tết Mậu Tuất 2018 âu, tơ\ đ^ đăng khul linh, an^h jang găh sư, to\k bo\k bơ\ jang mu\k drăm hơ dai hăm vei kơ jăp tơ drong sơ đơ\ng tơ\ tơ ring sơ lam kơ dôm dêh char Tây Nguyên đei pơ gơ\r têt hơ dai hăm kon pơ lei ngăl. ‘Nâu j^ tơ drong jang krao hơ vơn kon pơ lei tôch hơ iă, tơ [ôh hơ dăh jơ hngâm đon ‘mêm băt băl đơ\ng linh hăm kon pơ lei.

Trung tá Hà Trọng Bảo, Kơ dră che\p kơ\l Công ty 715, Binh đoàn 15 ăn tơ băt, kiơ\ khei ‘năr dăr sơ năm, dôm ‘măng têt thoi âu sư pơm pơ ‘lơ\ng hlo\h dơ\ng tơ drong pơ vei đơ\ng linh hăm kon pơ lei, ku\m hăm băl vang pơ jing tơ ring sơ lam sơ đơ\ng păng to\k pơ dro\ng: “Kiơ\ đơ\ng dôm tơ drong jang thoi âu, nhôn hơ pơi ‘me\h hơ nơ\ng io\k đei tơ drong tơ gu\m đơ\ng khul kơ dră tơ ring ku\m nhen kon pơ lei kon kông tơ\ apu\ng. Vă đơ\ng no\h, tơ drong pơ vei băl đơ\ng khul linh hăm kon pơ lei tơ\ tơ ring roi ‘lơ\ng hlo\h dơ\ng. Mă loi j^ pơ jing mu\k drăm roi đunh roi to\k, tơ drong sơ đơ\ng chinh tr^ roi năr roi kơ jăp. {lep [ât blu\ng sơ năm ‘nao Mậu Tuất, tang măt ăn Khul jang Đảng, Khul kơ dră che\p kơ\l Công ty, ap^nh pơ truh ăn kon pơ lei dôm hơ dre\ch hơ drung tơ\ tơ ring công ty oei đei jơ hngâm pran jăng, grăng hơ kâu, hmach thơ thâu ăn mih ma duch nă sơ năm ‘nao tơ [âp lơ tơ drong pu\n ai, u\nh hnam hiôk chơt, hơ nu\k hơ noa.”

Tơ\ tơ ring sơ lam kơ Tây Nguyên, Pơ yan Puih mak Mậu Tuất 2018 to\k bo\k truh hăm rim u\nh hnam, pơ lei pơ la. Tơ\ âu, tơ drong tơ guăt pôm [ơ\r đon, ‘mêm băt băl đơ\ng linh hăm kon pơ lei roi đunh roi kơ jăp, tơ gu\m ăn mu\k drăm, tơ pôl roi đunh roi to\k pran, tơ drong sơ đơ\ng đei vei lăng roi ‘lơ\ng. Păng dôm ‘măng Têt hơ dai đơ\ng linh hăm kon pơ lei roi pơm pơ ‘lơ\ng hlo\h dơ\ng năr Têt ăn tơ ring tơ\ jih găh Pơ mât kơ te\h đak âu.

Công Bắc: Chih

Dơ\ng: Tơ blơ\