VOV4.Bahnar - An^h jang kơ Khul kơ dră te\h đak ‘nao roi tơ băt nơ\r pơ ma đơ\ng Thủ tướng Nguyễn Xuân Phúc lơ\m hop ako\m mă 70 kơ Jơ nu\m pơ jei – Pôk hơ păh Trung ương. Lơ\m 6 khei blu\ng sơ năm, hăm tơ drong pơ gơ\r jang kơ tang, tơ plih ‘nao đơ\ng Khul kơ dră te\h đak, tơ drong vang jang tơ năp păng tơ guăt pôm [ơ\r đon, tơ drong adrin đơ\ng rim an^h jang, tơ ring tơ rang păng kon pơ lei, dôm tơ drong jang ato\k tơ iung mu\k drăm tơ pôl io\k đei lơ tơ drong jơ nei ‘lơ\ng:

GDP to\k dang 7,08%, jing kơ so# to\k lơ hlo\h đơ\ng sơ năm 2011, dôm tơ drong jo\h ayo\ kơ do\ xoang, pơ tho pơ hrăm, jang pơ gang păng vei sơ đơ\ng tơ drong arih xa tơ pôl đei bơ\ jang ‘lơ\ng, tơ drong sơ đơ\ng chinh tr^ đei vei kơ jăp, tơ drong jang tơ bôl, mât jang hơ doi hăm te\h đak đe roi to\k. Thủ tướng te\h đak athei tơ drong pơ jei băl lơ\m 6 khei hơ tuch sơ năm athei ‘moi kiơ\ tơ drong jang chinh tr^, vang tơ gop bơ\ jang ‘lơ\ng dôm trong jang đei tơ le\ch lơ\m rim tơ drong jang.

Dơ\ng: Tơ blơ\