VOV4.Bahnar - Kơ sơ\ 14/10, Thủ tướng Nguyễn Xuân Phúc păng hơ kăn [ok ku\m hăm khul tang măt ăn Việt Nam truh tơ\ Vienna, pơ tơm năm hơ pong tơ\ te\h đak Austria. Gơ măng hei, Thủ tướng Nguyễn Xuân Phúc păng hơ kăn [ok ku\m hăm Khul tang măt ăn Việt Nam tơ [âp, pơ ma nuh hăm kăn [o#, bơ ngai jang tơ\ An^h jang tang măt, khul tơ pôl bơ ngai Việt tơ\ Austria păng m^nh [ar te\h đak Châu Âu.

Thủ tướng pơ ma hơ dăh, tơ pôl bơ ngai Việt Nam tơ\ te\h đak đe j^ 1 khul ưh gơ\h tơ klăh hăm hơ dre\ch hơ drung. Đảng, Te\h đak hơ nơ\ng tơ re\k truh tơ\ kon pơ lei bơ\n oei xa tơ\ te\h đak đe. {lep [ât ‘măng mă âu, Thủ tướng Nguyễn Xuân Phúc tơ roi ăn tơ pôl bơ ngai Việt Nam tơ\ Châu Âu găh tơ drong tơ plih, jang to\k pran đơ\ng te\h đak bơ\n, jo# hloi găh mu\k drăm, tơ pôl, khul linh, vei sơ đơ\ng, jang tơ bôl… Chih răk nơ\r tơ gop đơ\ng kon pơ lei găh tơ drong che\p vei hla ar quốc tịch Việt Nam, Thủ tướng ăn tơ băt, vă pơ jao ăn an^h jang kơ pal set hơ len kiơ\ jơ hngâm đon pơ jing tơ drong ‘lơ\ng hlo\h ăn kon pơ lei.

Dơ\ng: Tơ blơ\