VOV4.Bahnar - Thủ tướng te\h đak Lào Thongloun Sisoulith che\p kơ\l Gru\p tang măt ăn Khul kơ dră te\h đak Lào năm hơ pong tơ\ Việt Nam đơ\ng ‘năr 2-6/10/2017. Đơ\ng ro\ng kơ lêh sơng, Thủ tướng Thongloun Sisoulith păng Khul tang măt ăn te\h đak Lào hlôi pơ ma đam hăm Thủ tướng Nguyễn Xuân Phúc. 

{ar păh drơ\ng nơ\r hơ nơ\ng hơ to\k tơ drong pơ ma nuh, pơ gơ\r lơ ‘măng năm hơ pong tơ\ băl đơ\ng kơ dră che\p kơ\l 2 te\h đak; vang tơ le\ch jang ‘lơ\ng dôm tơ drong drơ\ng nơ\r hlôi k^ pơ kăp, ako\m jơ hngâm tơ le\ch jang dôm tơ drong jang g^t kăl nhen tơ drong jang man Hnam Kuo#k ho#i Lào, tơ drong jang pơm trong gre kơ dâu hre\nh Hà Nội – Vientaine;

Dôm tơ drong jang găh u\nh hơ yuh păng gre chơ chue\n tơ mam, hơ to\k jên te\ch mơ dro xa đơ\ng 2 te\h đak, pơ jing tơ drong ‘lơ\ng ăn dôm an^h te\ch mơ dro Việt Nam tơ mât jên jang tơ\ Lào; hơ to\k tơ drong jang hơ doi găh khul linh, vei sơ đơ\ng te\h đak, pơ tho pơ hrăm păng dôm tơ drong nai hai.

Dơ\ng: Tơ blơ\