VOV4.Bahnar - Tơ\ anih jang kơ Jơnu\m pơgơ\r teh đak, Thủ tướng Nguyễn Xuân Phúc xơng Bộ trưởng Jang tơbôl kơ teh đak Hàn Quốc, yă Kang Kyung-wha.  Thủ tướng bơnê kơ tơdrong mă Hàn Quốc jang kiơ\ pơkăp tơre\k jang găh tơring pơbăh hăm tơchơ\t rơngei hiôk hian, xơđơ\ng, hơto\k tơ ing păng lăng Việt Nam jing teh đak jang dơnơm lơ\m pơkăp noh.  

Thủ tướng pơkăl 2 păh hơto\k tơbôl lui ngeh pơtoi che\p vei tơdrong ako\m khul kơpal păng ‘meh vă pơtoi dru\t kơtang tơdrong jang mu\k drăm, te\ch pơdro, axong jang kiơ\ hơyak hơto\ hơnơ\ng, đei jơnei, pơyua ăn 2 păh. Thủ tướng duh pơkăl 2 păh đei trong jang vă jơnei kiơ\ pơkăp 2 păh 100 tih đôlar ăh xơnăm 2020. Atu\m hăm noh dru\t kơtang tơdrong pơm hơto\ te\ch pơdro, pơklaih tơnap tap găh hơlen vă pơm trong hiôk ăn dôm tơmam choh jang – jang bri – ka hơdang, plei ‘long Việt Nam gơh te\ch tơ\ teh đak Hàn Quốc lơ\m xơnăm 2018. Găh Hàn Quốc duh ‘meh vă tơmam te\ch răt kơ 2 păh đei jơnei 100 tih đôlar ăh xơnăm 2020. Hàn Quốc duh adrin pơtoi jing anih axong jang đơ\ng teh đak đe dơ\ng jơgơ\l tơ\ Việt Nam.

Lan chih păng rapor