VOV4.Bahnar - Tôch hop ako\m mă 3 Kuo#k ho#i jăl 14, lơ bơ ngai tang măt Kuo#k ho#i akhan, hop ako\m hlôi mơ\ng, chih răk, tơ iung dôm tơ drong ‘lơ\ng păng hơ met pơ ‘lơ\ng tơ drong tam mă lăp đơ\ng hop ako\m adrol ki. M^nh hop ako\m pơih blu\ng ăn dôm tơ drong tơ plih ‘nao đơ\ng Kuo#k ho#i, tơ [ôh hơ dăh hơ yak to\k ‘lơ\ng đơ\ng Kuo#k ho#i chih tơ blang jing Kuo#k ho#i pơ ma pơ jăh.

Hăm đon tơ plih ‘nao, dôm tơ drong kăl lơ\m hop ako\m đei hơ met lăp ‘lơ\ng vă gơ\h jang ke\h tơ drong đei tơ le\ch. Lơ\m tơ drong ap^nh jet păng tơl nơ\r ap^nh jet, bơ ngai ap^nh păng bơ ngai tơl adoi tơ che\ng hơ len lơ tơ drong, chă rơih tơ drong kăl vă ap^nh. Bơ ngai tang măt Dương Trung Quốc, khul Đồng Nai tơ che\ng akhan:

“Roi đunh roi athei io\k đei tơ drong ‘lơ\ng [iơ\ oei jơ năr hôp ‘no\h roi to\ se\t. ‘No\h j^ trong to\k ‘lơ\ng. Mă 2 j^ năm truh dôm tơ drong kăl găh ki thuơ\t bơ\ jang. Kơ na bơ\n [ôh dôm trong dăr lăng nhen ap^nh đei tơ plih roi ‘lơ\ng, [ôh đei jơ lơ [iơ\, đei đon pơ jăh kơ tă hloi. Tơ drong iung pơ ma ‘lơ\ng [iơ\, rơ đăh [iơ\ đơ\ng đe [ok Kơ dră mưh [ôh tơ drong glăi, tơ drong ưh tam mă pran.”

Kiơ\ bơ ngai tang măt Cao Đình Thưởng, khul Phú Thọ ‘no\h trong pơ gơ\r đơ\ng Kơ dră che\p kơ\l lơ\m rim jơ hôp ku\m đei lơ tơ drong ‘nao; vă gơ\h pơ gơ\r ‘lơ\ng hop ako\m hai, hơ met tôm jơ ăn dôm bơ ngai tang măt pơ ma nuh găh dôm tơ dỏng oei đei lơ nơ\r pha ra băl hai:

“Trong pơ gơ\r đơ\ng Kơ dră che\p kơ\l hop ako\m, ‘no\h j^ 1 tơ drong hơ iă. Vă akhan dôm nơ\r pơ ma găh dôm tơ drong tih oei đei lơ nơ\r pha ra băl ‘no\h đei kơ dră pơ gơ\r tôch tơ re\k. Ưh lăp pơ ma nuh tơ\ hnam hôp đe\ch mă oei pơ ma nuh lơ\m năr 6 hai (Pơ tih gia nhen tơ drong tơ gop nơ\r ăn Khôi luơ\t sek phak (oei chih hơ met), đang kơ ‘no\h pơ ma nuh găh tơ drong jang ato\k tơ iung mu\k drăm tơ pôl oei đei lơ nơ\r tơ gop kơ na hop ako\m pơ dui thim 1 jơ 1 puăt dơ\ng, klep truh 6 jơ 1 puăt kơ sơ\. Inh tơ che\ng trong pơ gơ\r thoi no\h tôch ‘lơ\ng.”

Bơ ngai tang măt Lưu Bình Nhưỡng khul Bến Tre akhan, hơ iă hlo\h lơ\m hop ako\m âu j^ jơ hngâm đon tơ păt đơ\ng dôm bơ ngai tang măt lơ\m 3 năr ap^nh jet. Tơ drong tơ che\ng hơ len vă rơih io\k dôm tơ drong kăl vă ap^nh jet, vă pơ jăh băl păng ap^nh jet truh tôch, truh ke\h 1 tơ drong kiơ ‘no\h hlôi pơm hơ dăh đei lơ tơ drong kăl to\k bo\k đei bơ ngai tăh hla păng kon pơ lei lơ\m te\h đak tơ re\k truh:

“Gơ\h pơ ma kiơ\ đon tơ che\ng đơ\ng kơ dih inh j^ 1 ‘măng ap^nh jet ‘lơ\ng hlo\h đơ\ng sơ\ truh dang ei, sư tơ [ôh lơ tơ drong, dôm bơ ngai tang măt đei đon jang tơ năp mưh hơ met ăn dôm tơ drong vă ap^nh jet hăm Khul kơ dră te\h đak, păng kơ dih kâu dôm bơ ngai tang măt oei ap^nh băl hloi vă chă đei trong jang ‘lơ\ng hlo\h ăn dôm tơ drong tih. Tơ drong pơ gơ\r tôch kơ lăp, gơ\h hơ gei, pơ jing đei jơ hngâm đon hiôk rơ hăo đơ\ng bơ ngai pơ gơ\r.”

Kiơ\ bơ ngai tang măt Lê Thanh Vân, khul Cà Mau, tơ drong tơ iung jơ hngâm đon pơ jăh băl lơ\m hop ako\m j^ 1 tơ drong ‘lơ\ng vă tơ plih đơ\ng Kuo#k ho#i chih tơ blang jing Kuo#k ho#i pơ ma pơ jăh, pơm rơ đăh păng jăh chă đei trong jang ‘lơ\ng hlo\h ăn dôm tơ drong kăl đei tơ le\ch:

“Jăl 13 hlôi đei 1, 2 tơ drong tơ plih ‘lơ\ng, đơ\ng ‘măng hop ako\m adrol kơ An^h che\p kơ\l pơ gơ\r hlôi tơ roi ăn Kuo#k ho#i găh tơ drong hơ met ming trong pơ gơ\r ‘no\h j^ pơ ma pơ jaă băl. Hop ako\m âu hơ nơ\ng pơ gơ\r pơ ma pơ jăh ‘no\h, ‘no\h j^ tơ drong tôch hơ iă lơ\m hnam hôp, yoa lăp pôm pơ jăh băl đ\e\ch gơ\h [ôh đ^ đon tơ che\ng, dôm đon tơ che\ng tơ [ưh băl ‘no\h tơ drong tro\ gơ\h truh.”  

Tơ che\ng atu\m găh tơ drong ‘lơ\ng đơ\ng dôm ‘măng ap^nh jet păng ‘măng hop ako\m âu, Tổng Thư ký Kuo#k ho#i Nguyễn Hạnh Phúc akhan, dôm bơ ngai tang măt Kuo#k ho#i jăl 14 ap^nh jet rơ dơ\, mă lei tôch hơ iă, ap^nh tro\ tơ drong, roi tơ [ôh tôm tơ drong ‘me\h vă đơ\ng kon pơ lei ku\m nhen dôm tơ drong oei pơm tơ to\ đon lơ\m tơ drong erih xa tơ pôl.

Nguyên Nhung: Chih

Dơ\ng: Tơ blơ\