VOV4.Bahnar - Xơnăm 2016, mă răm kơtang yuơ đơ\ng to# phang, Anih mong jên vei lăng păng Hơto\k bri dêh char Kon Tum duh oei đei yua hloh 100 tih hlak jên, io\k klă jên tơgu\m kon pơlei đei jên vei lăng hloh 360 rơbâu ha bri. Tơdrong jang bri hlôi jing minh trong jang kăp g^t lang xă pran păng tơguăt hăm kon pơlei Kon Tum, mă hăt noh tơ\ dôm tơring ataih yaih, tơring kon pơlei kon kông.

          Xơnăm 2016 âu ki,  Kon Tum duh nhen dôm dêh char lơ\m tơring Tây Nguyên [ơm răn kơtang yuơ đơ\ng hơyuh El Nino. Đak krong, đak glung, dơnâu mong tơjur kơđeh hloh lơ\m dôm j^t xơnăm. To# phang pơđang đunh năr pơm ăn kơ rơbâu ha ‘long pơtăm lôch kro ưh kơ đei yua, răm truh kơ rơbâu tih hlak jên. Lơ\m tơdrong đei [ôh atu\m âu, rim hnam kơmăi pơm tơle\ch unh hơyuh lơ\m dêh char Kon Tum yuơ ưh kơ măh đak noh unh hơyuh đei pơm tơle\ch ưh kơ đei [lep pơkăp. Yuơ noh xơnăm 2016 Anih mong jên Vei lăng păng Hơto\k bri dêh char Kon Tum pơtơm đei yua hloh 102 tih hlak jên, adro# đei hloh 66% pơtêng hăm tơdrong pơkăp jang. Mă lei kiơ\ kơ [ok Hồ Thanh Hoàng, Kơdră Anih mong jên Vei lăng păng Hơto\k bri dêh char Kon Tum, ưh kơ jo# tơdrong tơ\ ‘nguaih pơm ăn tơdrong pơyua ưh kơ đei nhen pơkăp, noh dôm tơdrong jang nai đơ\ng Jên mong adoi đei jơnei tơgăl kơ pôk bơnê: “Xơnăm 2016, rim anih jang io\k jang kiơ\ pơkăp klă jên vei lăng bri păng kon pơlei lơ\m tơring kơ dêh char hlôi jang kiơ\ tơdrong pơkăp âu tơnăp hloh, hơgăt bri đei pơtăm kiơ\ pơkăp noh 360.244 ha. Jên mong vei lăng păng hơto\k bri dêh char Kon Tum hlôi jang tơnăp xơnong jang mă Anih vei lăng kon pơlei dêh char pơjao, nhen thu io\k, klă jên vei hơlen bri yuơ Anih mong jên vei lăng păng hơto\k bri dêh char Kon Tum kơtă io\k jang hlôi hloh kơ pơkăp jang”    

Vă tơdrong klă jên vei hơlen bri roi năr roi đei jơnei tơnăp lơ\m vei lăng, hơto\k bri păng hơto\k tơdrong erih ăn kon pơlei, lơ\m xơnăm kơ âu, tơ\ 37 xăh lơ\m dêh char, Jên mong Vei lăng păng Hơto\k bri dêh char Kon Tum hlôi pơgơ\r hop ako\m tơroi tơbăt găh trong pơkăp klă jên vei hơlen bri; in tơle\ch tơdrong kăl tơroi lơ\m hla bar păng axong ăn ho\k tro; jang atu\m hăm Anih choh jang xa păng Hơto\k tơring pơxe\l, Anih jang găh jên hu chă hơlen tơdrong vei lăng, io\k yua jên axong vei hơlen bri hăm rim anih jang, jơnu\m pơgơ\r xăh, apu\ng... Gơnơm dôm tơdrong âu, tơdrong hlôh vao găh pơkăp păng jang đei jơnei dôm tơdrong pơkăp klă jên vei hơlen bri ăn dôm anih jang, tơ ’ngla jang lơ\m dêh char đei hơto\k. {ok Nguyễn Duy Hoàn, Pho\ kơdră Anih jang găh bri Đak Glei ăn tơbăt: “Jang kiơ\ pơkăp klă jên vei hơlen bri, Anih jang hlôi đei yua vă kơdih io\k jên klă ăn dôm tơdrong jang vei hơlen păng hơto\k bri. Hơdăh nhen hlôi pơjao vei hơlen rim xơnăm noh 2.364ha ăn 99 unh hnam erih păng pơm jang tơje# bri. ‘Nâu jing anih io\k yua xơđơ\ng ăn dôm unh hnam âu. Atu\m hăm noh Anih jang adoi đei io\k yua vă axong ăn tơdrong pơtăm bri mu\k drăm. Kiơ\ pơkăp klă jên vei hơlen bri mă tơdrong erih kang [o# bơngai jang tơ\ anih jang, mă kăl noh khul vei hơlen bri đei hơto\k [ôh hơdăh. Anih jang đei jên vă răt tơmam kăl pơm jang, k^ pơkăp pơm jang hăm dôm anih jang kăl nai, nhen khul vei hơlen tơ\ xăh, ko\ng ang vă jang đei jơnei tơdrong vei hơlen păng hơto\k bri ”    

Hơ iă hloh noh truh dang ei tơdrong klă jên veu hơlen bri hlôi jing minh trong jang kăp g^t lang xă pran hloh păng tơguăt hăm kon pơlei Kon Tum, mă hăt noh tơ\ dôm tơring ataih yaih, tơring kon pơlei kon kông. Dang ei ja#p dêh char Kon Tum hlôi đei 175 pơlei, 160 khul unh hnam păng hloh 5.000 unh hnam, tơ ’ngla io\k vei hơlen bri xơđơ\ng đunh khei năr hăm hơgăt xă je# 154.000 ha. Io\k yua rim xơnăm kơ rim unh hnam io\k vei hơlen bri pơhlom 5 triu hlak jên, rim pơlei pơla pơhlom 88 triu hlak jên păng rim khul unh hnam pơhlom 37 triu hlak jên. Tơpă ăn [ôh, gơnơm tơguăt hăm bri păng đei yua đơ\ng bri noh kon pơlei hlôi vei lăng bri tơnăp hloh. ’Nho\ng A Tiên, oei tơ\ pơlei Pêng Siêl, xăh Đak Pét, apu\ng Đak Glei ăn tơbăt: “Pơlei io\k vei hơlen bri đơ\ng xơnăm 2014. Kon pơlei io\k vei bri jang tơnăp tôch dêh. Lơ\m pơlei đei 2 khul vei hơlen, rim khul đei 3 ‘nu jang. Lơ\m 2 khul noh hơlen minh gie\ng. Đei minh [ar pơlei tơje# choh jang lơ\m hơgăt bri kơ pơlei vei lăng noh khul hơlen bri tơtom băt păng tang găn, tơkan hrôih ưh kơ axong pơlei tơje# chă muih roh choh bri pơm mir ” .   

Lan chih păng rapor