VOV4.Bahnar - Tơ\ tơring Ea Lê, apu\ng Ea Su\p, dêh char Dak Lăk ‘nao jang hơdoi hăm rim khu\l bơ\ jang tơring păng kon pơlei tơ iung pơ jing, jang keh đang tơdrong jang “Tơgoăt tơgoăl d^h băl [o# đo#i kon pơlei” ‘no\h đe\i hơboong thoong đak păng trong man. Tơdrong jang đe\i jang keh đang tơgu\m chu\n na kơ hre\ng u\nh hnam kon pơlei tơring Ea Lê đe\i đak chă pơro, tơgop lơ\m ato\k tơ iung mu\k drăm – tơpôl kơ tơring cho\h jang sa apu\ng sơlam te\h đak. Hlo\h đơ\ng tơdrong au, tơdrong tơgoăt tơgoăl d^h băl [ar păh [o# đo#i kon pơlei roi năr roi tơ klep kơ jăp hlo\h dơ\ng păng um rup {o# đo#i {ok Hô lơ\m jơhngơ\m đon kon pơlei ling lang ‘lơ\ng lie\m.

To\k bo\k ‘năr to\ hơ hle\ng dang u\nh chhông tơ\ tơring sơlam te\h đak, chu\n na [a đak  vă je# 150ha kơ thôn 2 tơring Ea Lê, apu\ng Ea Su\p jing ‘lơ\ng [l^k [la\k. Tơ\ trong tơpăt thơ thu\r đơ\ng an^h kơdrơ\m tơring Ea Lê yak tru\h tơ\ tơring sơlam te\h đak, dôm hơboong thoong đak đe\i đak măh mai chă pơro ăn chu\n na. Yă Khổng Thị Hương, Jơnu\m kon pơlei cho\h jang sa tơring Ea Lê tơbăt, đơ\ng năr tơdrong jang “tơgoăt tơgoăl [o# đo#i kon pơlei", đe\i trong man păng hơboong thoong đak kơ yuơ [o# đo#i tơgu\m ăn kon pơlei iung jang keh đang tru\h dang e\i, tơdrong chă yơ yak, chơ tơmam drăm [ônh [o\ hlo\h, hiôk hian hlo\h, chu\n na kơ hre\ng u\nh hnam kon pơlei đe\i măh mai đak chă pơro ăn, pă đe\i tơtăm tơdrong bơ\n iung jang tag găn phang pơđang nhen sơ\ bơih.

Yă Khổng Thị Hương tơroi: “ Mư\h đe ‘nho\ng vang jang pơlăp đe\i jơhngơ\m đon  tơgoăt tơgoăl kơ jăp kon pơlei – [o# đo#i, rim khu\l bơ\ jang nhen khu\l dro\ kăn, khu\l hơdru\h tơdăm, kon pơlei cho\h jang sa, hăm jơhngơ\m đon păng sơnong jang kơ po, atu\m hăm rim đe nho\ng vang iung jang dôm tơdrong jang kơ tơring. Hăm khu\l dro\ kăn ‘no\h hlôi đe\i chă hơvơn, đơ\ng no\h chă ăn ka măn [o\h vă tơgu\m ăn đe ‘nho\ng đe\i tơdrong so\ng sa ‘lơ\ng hơ iă kơ ‘năr. Ro\ năng vă chă pơma găh tơdrong jang, jơhngơ\m đon ‘mêm kơ eng d^h băl ư\h kơ ke\ vă chă tơroi tôm ôh, jơhngơ\m đon tơgoăt tơgoăl [o# đo#i kon pơlei tôch kơ jăp [lep hăm jơhngơ\m đon {o# đo#i {ok Hô…”

{ok Hoàng Ngọc Khánh, Kơ ie\ng Kơdră che\p pơgơ\r Dơno\ an^h ve\i lăng kon pơlei tơring Ea Lê, apu\ng Ea Su\p tơbăt, hăm tơdrong oe\i tơnap tap, tru\h dang e\i Ea Lê ‘nao jang keh đang 8 lơ\m 19 trong tơle\ch jang tơring tơrang ‘nao. Lơ\m dôm tơdrong jang t^h ie\ me\ kon kơ tơring, đơ\ng tơ iung pơ jing hnam trương, pơm trong nơnăm, pơnơ\t đak … tru\h tơ iung pơ jing rim tơdrong jang tơgu\m ăn kon pơlei jang sa, dăh mă tơgu\m ăn kon pơlei lơ\m tơdrong to\ ‘mi kial pơra\m je\i đe\i đe ‘nho\ng kang [o#, [o# đo#i tơring vang iung jang. Nhen m^nh [ar tơdrong jang “tơgoăt tơgoăl [o# đo#i kon pơlei” ‘nao au, [o# đo#i hlôi vang iung jang kơ hre\ng năr jang atu\m hăm kon pơlei tơ iung pơ jing ming man.

{ok Hoàng Ngọc Khánh pơma: “ Khei năr au ki, [o# đo#i kon pơlei apu\ng Ea Su\p hlôi pơ jing rơvơn tơgu\m ăn kon pơlei tơring man trong nơnăm, adoi vang tơgu\m ăn kon pơlei ke\ch yoă [a lơ\m pơyan ‘mi kial, pơm hơboong thoong đak dang 2 kây kơso# … Hlo\h đơ\ng tơdrong jang lơlau, nhôn, kon pơlei tôch chhôk hơ iă ‘nă hal kơ yuơ khu\l [o# đo#i hlôi pơ jing rơvơn tơgu\m ăn kon pơlei, ‘ngoăih kơ ‘no\h, pơ jing rơvơn tơ pl^h ‘nao ‘lơ\ng hơ iă ăn tơring, hơpơi ‘me\h vă đe ‘nho\ng tơgu\m djru păng pơ jing rơvơn ăn tơring lơ hlo\h dơ\ng”.

Tơgu\m djru kon jên dăh mă vang iung jang tơ iung pơ jing ming man trong lơ\m pơlei, koeng [ôt, an^h pơnơ\t đak lăp m^nh lơ\m lơ tơdrong jang tơgu\m ăn kon pơlei lơ\m bơ\ jang pơro# pơ rôp kon pơlei đơ\ng kang [o#, [o# đo#i Dơno\ an^h {o# đo#i apu\ng Ea Su\p. Thượng tá Nguyễn Trãi, Kơdră jang Ch^nh tr^ Dơno\ an^h {o# đo#i apu\ng Ea Su\p dêh char Dak Lăk sơkơ\t hơdăh, ‘nau tơdrong jang hơnơ\ng păng ling lang đe\i Khu\l {o# đo#i iung jang kơtang hlo\h.

Thượng tá Nguyễn Trãi pơma: “ Lơ\m khe\i năr iung jang tơdrong bơ\ jang, nhôn hlôi sơkơ\t hơdăh, tơdrong tơgoăt tơgoăl d^h băl [o# đo#i hăm kon pơlei tôch kơ jăp, kơ yuơ khu\l [o# đo#i je\i đơ\ng kon pơlei mă đe\i. Kơ yuơ lơ lo\h mư\h io\k tơdrong jang ‘no\h jang tơnăp păng jang đ^ jơhngơ\m, mư\h tơgu\m kon pơlei ‘no\h jang đ^ jơhngơ\m, sơkơ\t hơdăh tơgu\m ăn kon pơlei ‘no\h dôm tơdrong kiơ ke\ jang bơ\n iung jang hloi…”

Dôm trong jang ‘lơ\ng, trong jang hơ iă, tơpă lơ\m bơ\ jang pơro# pơ rôp kon pơlei, tơgu\m kon pơlei đơ\ng khu\l kang [o#, [o# đo#i Dơno\ an^h {o# đo#i apu\ng Ea Su\p păng dôm tơdrong hơdrin đơ\ng rim an^h bơ\ jang tơpôl, kon pơlei tơring Ea Lê, apu\ng Ea Su\p sa roi pơm ăn tơdrong tơgoăt tơgoăl d^h băl [ar păh [o# đo#i hăm kon pơlei kơ jăp hlo\h dơ\ng, ‘lơ\ng hơ iă hlo\h dơ\ng.        

Bơngai ch^h: Thế Thắng

Tơblơ\ nơ\r: Amazư\t