Hăm hơnăn “Sơng iŏk Đà Nẵng 2025 - Lơ trong jang”, tơdrong pơgơ̆r ou tơƀôh tơbăt rim năr lêh tih ‘lơ̆ng hơ iă păng rim trong tơgŭm djru ‘lơ̆ng hơ iă ăn tơmoi tơmang pơhiơ̆ mưh năm truh tơ̆ Đà Nẵng lơ̆m sơnăm ou. Lơ̆m ou akŏm lơ̆m 2 tơdrong pơgơ̆r kăl, tơmoi gô sơng iŏk đei tơdrong tơgŭm djru năm mơ̆t tơmang lăng đĕch ưh kơ răt vĕ tơ̆ mĭnh ƀar hơnih tơmang pơgiơ̆; tơjur truh 1 poăt kon jên hnam tep pơdơ̆h, hơnih pơchơt pơhiơ̆ tơ̆ mĭnh ƀar hơnih tơmang pơhiơ̆ kơ rim hơnih vang jang kiơ̆ pơtrŭt tơmang pơhiơ̆. Ƀok Tán Văn Vương, Kơ iĕng Kơdră chĕp pơgơ̆r Hơnih jang tơmang pơhiơ̆ Đà Nẵng tơbăt, Tơring Tŏk bŏk-Tây Nguyên ‘noh mĭnh lơ̆m 3 hơnih tơm mă Đà Nẵng lăng truh lơ̆m rim ‘măng pơtrŭt tơmang pơhiơ̆ lơ̆m sơnăm ou.