Lơ tơdrong et soi joăt joe nhen soi Tắc-bạt, tơhum Phật, jô̆ brai tơ̆ kơ kŏng ti, pơ pôi chuơh hơlôk, kơsăy đak apĭnh đei pŭn ai đei pơm tơƀôh dơ̆ng, tơƀôh jơhngơ̆m hơpơi ‘meh sơđơ̆ng hiôk, pŭn ai. Tơmoi oei lăng hơsoang Lăm Vông, soi iŏk Nang Sangkhane, tơdrong jang tơmang lăng rơhâu hiôk hăm rôih păng tơmam sa kơ dôm hơdrĕch hơdrŭng.

Buôn Đôn dang ei đei 15 hơdrĕch hơdrŭng vang hơrih sa, lơ̆m noh hloh 400 ‘nu bơngai Lào. Tơdrong pơvei Tết Bunpimay ưh khan pơm lăp ‘meh vă joh ayŏ jơhngơ̆m đon mă oei tơgop chĕp vei tơdrong ‘lơ̆ng hơiă, hơtŏk loi dơ̆ng tơgoăt tơgoăl tơpôl, pơtrŭt hơtŏk tơiung tơmang lăng păng mŭk drăm - tơpôl tơring.