Hăm hơnăn "drŏ kăn Đắk Lắk pran jăng – guăng ‘lơ̆ng – hơđơ̆ng jơhngâm yak tŏk lơ̆m chăl ‘nao" tơdrong ‘nâu sơng đei hlŏh 800 ‘nu drŏ kăn vang akŏm. Đe mŏ oh vang hrŭk pơrŏ ao tai Việt Nam yak kiơ̆ boa ƀai hơri “cánh chim phượng hoàng”. Hrŭk pơrŏ 3 blăh ao tai tanh, ao tai čhơ̆ rup pơkao sen păng um rup pơlei pơla. Yak jơ̆ng năm klĕch lơ jăl trong Lê Duẩn, Nguyễn Tất Thành păng yak dăr ƀât Rup man tơblăh jơnei Buôn Ma Thuột.

Ƀlep ƀât ‘măng mă âu, Khul drŏ kăn Việt Nam dêh char oei tơlĕch tơdrong thi “Pơjing bơngai drŏ kăn Đắk Lắk lơ̆m chăl ‘nao” hơdai hăm hŏk pơhrăm păng jang kiơ̆ jơhngâm đon ‘lơ̆ng đơ̆ng Ƀok Hô. Pơjao lơ tơmam hơpăh, gre tang vang, hŏk ƀŏng ăn đe drŏ kăn păng đe hơiŏh tơnuh tơ̆ pơlei tơm Buôn Ma Thuột. ‘Nâu jĭ tơdrong jang tôch hơiă đơ̆ng đe drŏ kăn lơ̆m dêh char vă tơbăt dôm năr lêh tih kơ dêh char, kơ teh đak, jang kiơ̆ “Giĕng Ao tai” sơnăm 2025 păng hơtŏk tơdrong jang drŏ kăn Đắk Lắk pơtâp pơhrăm hơkâu jăn, pran jăng.