Kiơ̆ kơ noh, Lêh akŏm kaphê 'măng mă 9 gô đei 34 tơdrong pơkăp tour tơmang pơhiơ̆ hăm lơ trong jang nhen: Rafting vơ̆r thŏng găn chơkơi đak, Hơlen băt gah tơdrong jang kaphê, Tơmang truh Buôn Đôn – tơring teh gru grua, Chôt vih hăm bri kông Tây Nguyên, Hơlen băt gah rôih hăm bơngai Mnông, Akŏm pơlong vơ̆r plŭng apŭng Lăk.

Kiơ̆ kơ yă Nguyễn Thụy Phương Hiếu, Phŏ Kơdră Anih Joh ayŏ, Tơplŏng kơdâu păng Tơmang pơhiơ̆ Đăk Lăk, dêh char hlôi in tơlĕch 3.000 kơsơ̆p hla bar hơnăn “Tơdrong chă tơmang” akŏm hăm tơroi tơbăt gah dôm tơdrong jang lơ̆m Lêh akŏm kaphê adoi nhen pơkăp kơjă, anih truh tơmang, et xa, răt tơmam drăm... Atŭm hăm noh, pơjing kơsô̆ pơkăp QR-Code vă tơmoi ƀônh hiôk hloh hơlen băt kiơ̆ kơmăi kơmŏk kơsô̆, rơih tơdrong akŏm tơmang pơhiơ̆ trŏ ƀlep hăm kơdih po.