Mă hlôi đei lơ tơgop kăp gĭt lơ̆m tơdrong pơ-'lơ̆ng tơdrong hơrih ăn tơpôl rôih rong, mă lei pơtơm jang tơmang lăng rôih tơguăt 'lơ̆ng tơ̆ Đăk Lăk adoi oei ƀơm lơ tơnap tap kăl kơ hơmet vă vei sơđơ̆ng ăn tơdrong hơtŏk tơ-iung kơjăp sơđơ̆ng. Tơdrong mă ou hlôi đei rim bơngai tang măt pơma đam hăt hot lơ̆m 'măng Pơma đam hơnăn "Tơdrong tơroi kơ Rôih", pơgơ̆r ah 'năr brei (7/3) tơ̆ pơlei tơm Buôn Ma Thuột, dêh char Đăk Lăk. Lơ̆m pơma đam, bơngai tang măt atŭm sơkơ̆t tơdrong jang đei jơnei đơ̆ng rŏng pơm kiơ̆ pơkăp tơmang lăng tơguăt 'lơ̆ng hăm rôih.

Đơ̆ng rŏng 2 sơnăm pơm jang hlôi hơtŏk grăng hăm jơhngơ̆m jăn, tơdrong hơrih ăn kơ rôih păng pơjing đei tơdrong jang ăn kon pơlei tơ̆ tơring. Mă lei tơpă hrei ou, tơdrong jang tơguăt 'lơ̆ng hăm rôih tŏk bŏk oei pơm hiong tơdrong pơyua. Rim bơngai tang măt tơlĕch lơ trong jang hơdah vă vei lăng păng pơchêk tơpôl rôih, hơtŏk pơ-'lơ̆ng tơdrong jang tơmang lăng tơguăt 'lơ̆ng hăm rôih.