M^nh to\ pơlei kơ kon pơlei tơ\ hla kak ‘no\h j^ oe\i akhan te\h bri

VOV4.Bahnar - Tơ\ anăp tơdrong tơnap tap găh tơm a la chă găh te\h tơ\ rim tơring đe\i bri, Kuo#k ho#i hlôi tơle\ch Tơdrong tơchơ\t kơso# 112 sơnăm 2015; Thủ tướng je\i hlôi tơle\ch nơ\r athe\i jang kiơ\ Tơdrong tơchơ\t 112 đơ\ng Kuo#k ho#i, athe\i pơm hơdăh rim kơ loăi te\h, pơ jao te\h cho\h jang sa ăn tơring, kon pơlei. Trong tơle\ch jang tôch kơ lăp au, đe\i hloi kon pơlei, tơngla bri păng khu\l kơdră tơring tơgu\m kơ yuơ tơgu\m xek tơlang ‘lơ\ng hơ iă jơhngơ\m đon tơtăm đunh đai tai sơnăm au ki.

U|nh hnam [ok Năh, bơngai Bahnar, hlo\h dôm jơhnơr cho\h jang sa tơ\ pơlei Đak O| 2, tơring Kông Chêng, apu\ng mang Yang. Mă đơ\ng jang sa sơđơ\ng đơ\ng lơ sơnăm, mă le\i tơ\ hla kak, hơgăt te\h mir kơ u\nh hnam [ok Năh găh lơ\m pơ pro\ jang te\h bri, oe\i jing te\h kơ Mir đak lar Kông Chêng, dang e\i ‘no\h Ko\ng ty mir đak lar Kông Chêng. ‘nao au, mư\h kang [o# apu\ng, mir đak lar năm chă hơgăt păng tơbăt gô pơm hla bơar [rê ăn te\h mir chu\n na, u\nh hnam [ok Năh chhôk hơ iă tôch kơ dêh.

{ok Năh pơma: “Chu\n au đơ\ng me\ [a\ yă [ok jang sa đơ\ng sơ\ bơih, dơnơm pơ o\ to ‘no\h đơ\ng đe [ok yă pơtăm sơ\ văi. Tru\h au kơnh ^nh je\i hơdrin pơm hla bơar vă jang sa sơđơ\ng. U|nh hnam bơ\n lăp đe\i m^nh hlak mir au chă jang sa đe\ch”.

Chu\n na cho\h jang sa đunh sơnăm kơ u\nh hnam [ok Năh

Tơ\ apu\ng Mang Yang, Ko\ng ty mir đak lar Kông Chêng ‘no\h an^h tơngla bri đe\i hơgăt te\h să hlo\h hăm 15.700ha. Lơ\m au, đe\i hlo\h 2.000ha ‘no\h hơgăt te\h oe\i sa păng cho\h jang sa sơđơ\ng, đơ\ng đunh đai tai sơnăm kơ 5 pơlei kơ kon pơlei kơtă tơ\ au. Kiơ\ đơ\ng ‘nho\ng Nguyễn Thanh Bình, Kơ ie\ng Kơdră che\p pơgơ\r Ko\ng ty mir đak lar Kông Chêng, trong jang dăr lăng, pơ jao hlo\h 2.000ha te\h au ăn kơ tơring ve\i lăng, [ơk hla bơar pơm tơngla te\h ăn kon pơlei ‘no\h tôch kơ [lep, ve\h ver tơdrong chă tơgar d^h băl te\h [ar păh Ko\ng ty hăm kon pơle\i.

{ok Nguyễn Thanh Bình, tơroi tơbăt: “ Đ^ đăng hơgăt te\h pơ jao dơ\ng ăn tơring pơ đ^ te\h cho\h jang sa păng te\h oe\i ‘no\h dang 2.003ha. Mă tơpă, hơgăt te\h au, kon pơlei hlôi cho\h jang sa đơ\ng sơ\ bơih, lơ\m au đe\i hloi chu\n na [a đak, mir ‘long tơ [a\r. Kon pơlei je\i hơpơi ‘me\h vă chă che\ng ăn vă đe sư gơ\h pơm tơngla, đơ\ng sơ\ nhôn lăp ve\i lăng lơ\m hla bơar đe\ch, găh tơdrong chă cho\h jang sa ‘no\h j^ oe\i lơ\m kon pơlei ngăl.”

Găh kiơ\ kơ [ok Đinh Ngui, Kơdră che\p pơgơ\r tơring Kông Chêng, apu\ng Mang Yang, Kuo#k ho#i tơle\ch Tơdrong tơchơ\t 112 sơnăm 2015 găh ato\k kơtang ve\i lăng groi te\h đe\i tơm a la chă đơ\ng cho\h jang sa, mir đak lar jang sa hăm kơdră che\p pơgơ\r tơring gô jing m^nh tơdrong tơ pl^h tôch ‘lơ\ng hơ iă tru\h bơ\ jang ve\i lăng te\h adoi nhen pơm sơđơ\ng te\h cho\h jang sa, te\h oe\i ăn kon pơlei.

{ok Đinh Ngui pơma: “Lơ\m khe\i năr kơnh, nhôn gô jang hơdoi hăm Ko\ng ty păng rim an^h bơ\ jang kơ apu\ng năm chă hơgăt hơmet, dăr lăng mă hơdăh, hơlen hơdăh rim kơ loăi te\h. Pơ t^h gia nhen te\h ayơ lơ\m găh te\h cho\h jang sa, te\h ayơ ‘no\h jing te\h bri. Đơ\ng no\h, tơring pơ pro\, ap^nh kơdră kơpal, [ơ\t yơ te\h cho\h jang sa ‘no\h tơ pl^h ăn kon pơlei, đơ\ng ro\ng au [ơk hla bơar pơm tơngla te\h vă kon pơlei cho\h jang sa sơđơ\ng.”

Lơ\m trong anai, mư\h dăr lăng hơlen dơ\ng rim hơgăt te\h cho\h jang sa – te\h bri, lơ hơgăt te\h mir oe\i lơ\m pơ pro\ 3 kơ loăi bri kơ yuơ lơ\m găh tơring kăl hlo\h. Hăm hơgăt te\h au, kiơ\ kơ [ok Lê Trọng, Kơ ie\ng Kơdră che\p pơgơ\r Dơno\ an^h ve\i lăng kon pơlei apu\ng Mang Yang, kăl đe\i trong jang tơgu\m djru vă tơgu\m ăn kon pơlei pơtăm dơ\ng ‘long bri. Tơdrong mă au [lep hăm trong jang ato\k tơ iung bri, adoi sơđơ\ng hoe\i đe\i tơdrong ư\h kơ lăp đon hăm kon pơlei.

{ok Lê Trọng, athe\i: “Hăm hơgăt te\h ‘măng mă au pơ pro\ 3 kơ loăi bri mă kon pơlei to\k bo\k cho\h jang sa lơ\m pơ pro\ 3 kơloăi bri ‘no\h ^nh chă athe\i lơ lau, kăl pơ jao ăn kơ đe sư ‘moi kiơ\ rim trong bơ\ jang: Tơdrong tơchơ\t 75 sơnăm 2015 đơ\ng Thủ tướng Te\h đak, mă ư\h ‘no\h Tơdrong tơchơ\t 38 sơnăm 2016 đơ\ng Khu\l kơdră Te\h đak păng tơdrong jang 135. Vă pơ jao te\h ăn đe sư pơtăm ‘long bri mă ư\h ‘no\h pơ jao te\h bri ăn kơ đe sư pơtăm ‘long lơ\m hơgăt te\h đe sư jang sa hloi.”

Hre\i au, dêh char Gia Lai đe\i 11 Ko\ng ty mir đak lar păng 4 An^h ve\i lăng bri đe\i pơ jing đơ\ng 15 mir đak lar jang sa sơ\, ako\p hơgăt te\h dang 212.000ha. Tơ\ rim an^h au, je\i đe\i tơdrong hla kak păng hla bơar ve\i lăng groi te\h ư\h kơ [lep, ư\h kơ đe\i chă ming hơmet tơtom, ư\h kơ tơroi tơbăt rơhăo găh ve\i lăng, io\k yua te\h dôm yơ; tơdrong sơkơ\t hơdăh hơdrar, hơtơ\p hơdrơ\ng sơlam păng pơm hla bơar pơto\ hơgăt groi te\h ‘nao lăp ch^h lơ\m hla bơar, tim mă sơkơ\t hơdăh, tim mă chă năm pơto\ hơgăt tơpă tơ\ groi te\h hloi. Đơ\ng no\h, pơm ăn tru\h đe\i mơ j^t rơbau hek tar te\h hlôi đe\i kon pơlei cho\h jang sa đơ\ng lơ sơnăm mă le\i lơ\m hla kak oe\i jing te\h bri, te\h mir đak lar bri ‘long.

Hơmet pơ ‘lơ\ng, tơ pl^h ‘nao păng ato\k kơtang ve\i lăng groi te\h tơ\ rim mir đak lar jing trong jang tôch kơ [lep, tôch kơ lăp đơ\ng Trung ương Đảng, Kuo#k ho#i păng Khu\l kơdră Te\h đak. Đơ\ng no\h, gô hơmet pơ ‘lơ\ng dôm tơdrong jang tim mă ‘lơ\ng hơ iă adoi nhen dôm tơdrong đe\i dơ\ng lơ\m bơ\ jang ve\i lăng, io\k yua groi te\h tơ\ rim tơring. Vă hơnơ\ng jang kiơ\ ‘lơ\ng rim trong tơle\ch jang au, khe\i năr kơnh, kăl đe\i iung jang kơtang hlo\h dơ\ng đơ\ng rim An^h tơm, an^h bơ\ jang [ơm tru\h păng khu\l kơdră che\p pơgơ\r rim tơring.

Bơngai ch^h: Công Bắc

Tơblơ\ nơ\r: Amazư\t