VOV4.Bahnar - Đơ̆ng blŭng sơ năm truh dang ei, Anih mong jên vei lăng păng hơ tŏk tơ iung bri dêh char Kon Tum hlôi iŏk đei vă jê̆ 220 ti hlak jên iŏk yua cham char bri. Kiơ̆ kơ Anih mong jên vei lăng păng hơ tŏk tơ iung bri dêh char Kon Tum, lơ̆m akŏp jên iŏk đei vă jê̆ 220 ti hlak jên iŏk yua yua cham char bri, đei vă jê̆ 156 ti hlak jên yua đơ̆ng Anih mong jên vei lăng păng hơ tŏk tơ iung bri Việt Nam iŏk đơ̆ng 16 anih jang iŏk yua vei lăng cham char bri kơ dêh char; hloh 63 ti hlak jên đei Anih mong jên vei lăng păng hơ tŏk tơ iung bri dêh char Kon Tum iŏk đơ̆ng 59 anih jang iŏk yua vei lăng cham char bri lơ̆m dêh char.

Kon pơ lei vang jang vei lăng bri

Tơ drong chă iŏk, hơ vơn tôch ai jên iŏk yua cham char bri hlôi kơ chăng jên hu ăn dôm anih jang tơ ‘ngla bri vă tơ mơ̆t jên jang vei lăng păng hơ tŏk tơ iung bri.

Thuem: Tơ blơ̆