VOV4.Bahnar - Năr 1/7 tang măt ăn Dơnŏ anĭh tơm Chĭnh trĭ, ƀok Võ Văn Thưởng Kơdră jang lơ̆m Dơnŏ anĭh tơm Chĭnh trĭ, Kơdră jang lơ̆m Ban Bí thư kĭ tơlĕch Nơ̆r athei jang kiơ̆ 14 đơ̆ng Dơnŏ anĭh tơm Chĭnh trĭ găh hơnơ̆ng atŏk kơtang tơdrong chĕp pơgơ̆r đơ̆ng Đảng hăm Khŭl Luật gia Việt Nam lơ̆m chăl hle. Vă hơnơ̆ng atŏk kơtang tơdrong chĕp pơgơ̆r đơ̆ng Đảng, atŏk kơtang hlŏh dơ̆ng hơnăp jang kơ Khŭl Luật gia Việt Nam lơ̆m chăl hle, Dơnŏ anĭh tơm Chĭnh trĭ athei: Khŭl kơdră chĕp pơgơ̆r Đảng, hơnĭh Đảng tơlĕch jang kơtang, atŏk jơhngơ̆m đon hlô̆h vao kơtang găh hơnăp jang, sơnong jang kơ Khŭl luơ̆t gia Việt Nam-khŭl jang chĭnh trĭ-tơpôl-tơdrong jang; Hơnơ̆ng hơmet pơ ‘lơ̆ng, tơlĕch jang kơtang, tơ iung pơjing Khŭl Luơ̆t gia Việt Nam roi năr roi pran kơtang kơ hơnĭh jang; Tơplĭh ‘nao trong jang kơ Khŭl; Atŏk kơtang hơnăp jang kơ Khul Luơ̆t gia lơ̆m bơ̆ jang pơma sa hăm kon pơlei; hơnơ̆ng pơih să tơgoăt jang hơdoi hăm rim hơnĭh jang păng rim bơngai gơ̆h hơgei lơ̆m tơring păng apŭng plĕnh tĕh; atŏk kơtang vei lăng trong bơ̆ jang đơ̆ng Đảng; Khŭl kơdră bơ̆ jang đảng Khŭl kơdră chĕp pơgơ̆r tĕh đak pơrô̆ athei Khŭl kơdră tĕh đak hrôih tơlĕch jang kiơ̆ kơ jăp Nơ̆r athei jang kiơ̆ au; pơrô̆ athei rim hơnĭh tơm, hơnĭh bơ̆ jang păng tơring pơjing rơvơn ăn tơdrong jang kơ Khŭl Luơ̆t gia kiơ̆ tơdrong tơchơ̆t đơ̆ng khôi luơ̆t tĕh đak.

Tơblơ̆ nơ̆r: Amazưt