Mĭnh pôm hnam đei tơgŭm 70 triu hlak jên, ƀô̆ đô̆i tơgop thim tơmam păng năr  jang, vei sơđơ̆ng man hnam kơjăp ‘lơ̆ng ƀiơ̆. Đại tá Trần Tiến Hải, Kơdră pơgơ̆r Ƀô̆ đô̆i vei lăng tơring sơlam dêh char Gia Lai ăn tơbăt tơdrong sut pơđĭ hnam pơgia, hnam hiah hiok ưh khan lăp tơgŭm ăn kon pơlei đei hơnih oei kơjăp, sơđơ̆ng tơdrong hơrih sa đĕch mă oei tơgop pơjing tơdrong ‘mêm lĭnh hăm kon pơlei oei ‘lơ̆ng, vang vei lăng kơjăp tơdrong pơm tơm sơđơ̆ng tơring sơlam teh đak.