Khul hlôi năm ngôi, pôk tơmam drăm ăn 2 ŭnh hnam đei iŏk yoa ăn teh đak, đei ŭnh hnam yă Lương Thị Thân, hơdruh tơdăm năm iung jang sơ̆ dang ei đei ƀơm răm đơ̆ng ƀrơ̆m phao pơgang păng ŭnh hnam ƀok Mã Quang Vĩnh, ŭnh hnam ƀô̆ đô̆i lôch dŏng teh đak. Ƀok Nguyễn Thanh Nghị hlôi apĭnh jet gia pơma dơnuh găh jơhngơ̆m pran jăng grăng akou, tơdrong hơrih sa, pơma tơbăt jơhngơ̆m đon hôn bơnê kơtang dôm tơdrong tơgop đơ̆ng rim ŭnh hnam lơ̆m tơdrong jang iung tơjră pơm rơngei hơdrĕch hơdrung; hơlêm rim ŭnh hnam hơnơ̆ng hơrih sa hiôk chơt, pran jăng grăng akou, jang kiơ̆ ‘lơ̆ng tơdrong joăt joe kĕch mang. Adoi athei khul kơdră chĕp pơgơ̆r Đảng, kơdră tơring hơnơ̆ng lăng ba, jang kiơ̆ tôm tong, tơtom rim tơdrong tơgŭm djru hăm dôm bơngai đei iŏk yoa ăn teh đak, sơđơ̆ng tơdrong hơrih sa hiôk jơnap ăn rim ŭnh hnam đei iŏk yoa ăn teh đak lơ̆m tơring, tơgop tơ iung pơjing pơlei pơla roi năr roi atŏk tơ iung.