Tơ̆ jơ truh ngôi, hơpăh tơmam; Đại tướng Nguyễn Trọng Nghĩa pôk pơ ư dôm tơdrong jang đei đơ̆ng dêh char Khánh Hòa mưh mong akŏm jên, tơmam vă tơgŭm ăn unh hnam đei kŏng, bơngai đei kŏng hăm kăch mang, vang tơgop tưk tơiung tơdrong juăt ‘lơ̆ng “Nhă đak ƀlŏk kơtu”; athei Đảng ƀô̆, khul kơdră pơgơ̆r dêh char Khánh Hòa hơnơ̆ng adrin tơplih ‘nao păng pơm hơtŏk tơdrong đei yoa mưh vei lăng năng tông bơngai đei kŏng, năng ‘nâu jĭ tơdrong jang hơnơ̆ng đơ̆ng rim anih jang Chinh trĭ.

Atŭm hăm ‘nŏh, hơpơi ‘mĕh rim unh hnam hơnơ̆ng adrin yak hlŏh pơmat tat, hơtŏk tơdrong juăt jang kăch mang, mât 1 jơhngâm đon, adrin jang xa, dar deh pơm sơđơ̆ng tơdrong arih. Ƀlep ƀât ‘măng mă âu, Đại tướng Nguyễn Trọng Nghĩa păng khul jang đơ̆ng Trung ương hơpăh 300 tơpu tơmam ăn bơngai đei kŏng hăm kăch mang, unh hnam tơnuh păng công nhân bơngai jang đei tơdrong arih xa pơmat tat.