Phŏ Kơdră teh đak Võ Thị Ánh Xuân kŭm hăm khul jang đơ̆ng Trung ương pơjao kơƀang chih pơtrŏ 200 kơsuơ̆t jên hŏk ƀŏng đơ̆ng Anih mong jên tơgŭm ăn đe hơioh Việt Nam ‘măn ăn đe oh hŏk tro đei tơdrong arih xa pơmat tat tơ̆ dêh char; pơjao 90 tơpu tơmam ăn bơngai tang măt kơ dôm unh hnam đei kŏng, unh hnam tơnuh, công nhân bơngai jang păng 20 tơpu tơmam ăn đe hơioh đei tơdrong arih xa pơmat tat.

Găh tơdrong jang tơ̆ hơnăp kơnh, Phŏ Kơdră teh đak athei dêh char Vĩnh Long hơnơ̆ng hơtŏk tơdrong juăt jang kăch mang, tưk tơiung jơhngâm đon hơpơi ‘mĕh jang tŏk đơ̆ng rim anih jang chinh trĭ păng kon pơlei; iŏk đon pơhnŏng pơm hơtŏk tơdrong arih xa, hiôk chơt đơ̆ng kon pơlei pơm tơm.