Pơma pơgơ̆r tơ̆ hop akŏm, Kơdră khŭl Tơroi tơbăt păng Krao hơvơn kon pơlei Trung ương Nguyễn Trọng Nghĩa pơma hơdăh, khei ‘năr âu ki, Đảng, Teh đak tơlĕch ăn lơ trong jang, tơdrong tơgŭm găh tơdrong jang vei lăng hơdrĕch kon kông, lui khop. Rim kơdră đảng, khŭl jang đảng jang kiơ̆ ‘lơ̆ng dôm trong jang, tơdrong tơchơ̆t đơ̆ng Đảng găh tơdrong jang hơdrĕch kon kông, lui khop, vei sơđơ̆ng dôm hơdrĕch kon kông hơtŏ băl, 1 jơhngơ̆m đon, pơyom, tơgŭm băl vang hơtŏk tơiung.

Kơdră khŭl Tơroi tơbăt păng Krao hơvơn kon pơlei Trung ương Nguyễn Trọng Nghĩa athei tơ̆ hơnăp kơnh, jơhngơ̆m đon kon pơlei kon kông, kon pơlei kiơ̆ lui khop, mă loi ‘noh jĭ tơ̆ dôm tơring hơtăih hơtŏ, tơring sơlam, đak dơsĭ, achon đak dơsĭ, tơring mơmat tat dêh hloh; vei răk, tơƀăk mong dôm kơjă kăp gĭt joh ayŏ joăt joe ‘lơ̆ng hơiă kơ kon pơlei dôm hơdrĕch kon kông.