‘Nâu jĭ tơdrong jang đei lơ̆m tơdrong “Tơroi tơbăt, pơtho tơƀôh, krao hơvơn, tơgŭm ăn drŏ kăn vang sek tơlang 1,2 tơdrong lơ̆m tơpôl ƀơm truh tơ̆ đe drŏ kăn đơ̆ng 2017-2027”. 

Hlŏh 7 sơnăm tơlĕch tơdrong jang, tơ̆ Đắk Lắk đĭ đei hlŏh 1,2 triu ‘nu drŏ kăn păng đe mĕ ƀă đei kon hơla kơ 16 sơnăm đei pơtho tơƀôh găh tơdrong athei băt vei lăng păng pơtâp pơhrăm, hơmet jơhngâm đon, pơm kiơ̆ ‘lơ̆ng khôi luơ̆t; pơtho tơƀôh trong pơm mĕ ƀă; hơnăp jang đơ̆ng đe drŏ kăn lơ̆m tơdrong vei sơđơ̆ng rơgŏh ‘lơ̆ng tơmam xa; tang găn teh dong lơm hnam tơnŏ.

Tơ̆ hop akŏm, dôm bơngai tang măt vang pơma nuh, roi tơƀôh dôm tơdrong kăl, trong jang hơiă, đei yoa đơ̆ng dôm khul grŭp lơ̆m tơdrong roi tơbăt, pơtho tơƀôh luơ̆t; kiơ̆ kơ ‘nŏh đei pơm tơƀôh hăm tông, roi tơƀôh dôm tơdrong đei tơ̆ yăn âu kiơ̆ lơ clip pơma 2 nơ̆r Yoăn hăm Rađe.