Kiơ̆ tơroi, dôm sơnăm kơ ou, dêh char Đăk Lăk đei lơ tơchơ̆t jang vă akŏm bơngai jang tơ̆ tơring hơbĕch hơbal gơh hơgei pơtrŏ kiơ̆ tơdrong kăl bơngai jang hơtŏk mŭk drăm tơm. Jăl sơnăm 2021-2024, dêh char hlôi asong hloh 28.000 tih hlj ăn pơtho bơngai jang hơgei, đei hloh 35% kơsô̆ jên mong kơ tơring. Truh dang ei, hloh 64% kang ƀô̆, bơngai jang hlôi đei pơhrăm pơm jang.

Tơ̆ jơ pơma jang, Anih jang vei lăng kon pơlei dêh char Đăk Lăk pơtruh nơ̆r hăm Anih tơm Nô̆i vŭ dah hrôih tơlĕch pơtho pơgơ̆r jang kiơ̆ pơkăp hăm bơngai rơgei lơ̆m anih jang kơ teh đak; pơjing anih chih 'măn yư lĭu teh đak gah bơngai rơgei Việt Nam. Atŭm hăm noh, rim anih jang tơm đei tơrĕk kăl chih akŏm tơchơ̆t vă dôm anih jang mŭk drăm tơnăp hloh lơ̆m tơdrong jang pơtho pơhrăm tơdrong pơm jang; tơchơ̆t hơvơn rim bơngai pơtho hơgei, bơngai juăt jang ki sư, bơngai jang kloh klĕch vang truh akŏm pơm kiơ̆ hơtŏk pơ-'lơ̆ng hơgei.