VOV4.Bahnar - Măng MơRai j^ 1 xăh sơ lam kơ apu\ng Sa Thầy, dêh char Kon Tum. Tơ\ tơ ring te\h âu, 20 sơ năm ‘nâu đe linh đơ\ng Công ty TNHH MTV 78, Binh đoàn 15 hơ nơ\ng adrin ku\m hăm kon pơ lei jang ato\k tơ iung mu\k drăm, vei sơ đơ\ng te\h đak. Xăh sơ lam tơ nuh hin to\k bo\k tơ plih ‘nao rim năr.

Plei Le, xăh sơ lam Măng MơRai, apu\ng Sa Thầy, dêh char Kon Tum, j^ an^h oei xa đơ\ng sơ\ kơ kon pơ lei bơ ngai R’Mâm, 1 lơ\m dôm hơ dre\ch to\ se\t bơ ngai hlo\h kơ te\h đak bơ\n. Plei hrei ‘nâu đei 100 u\nh hnam hăm dang 400 ‘nu bơ ngai. {ok pơ gơ\r pơ lei A Dói tơ roi, adrol sơ\, kon pơ lei tơ\ âu erih xa gơ nơm đơ\ng muih ro\h, so\h bri pơm mir, chơ mu\l [a, pơ tăm hơ [o păng chă hơ ngoang sem bri brăh, tơ drong erih xa tôch mơ mat tat, truh pơ yan [a hnông pơ ngot hơ nơ\ng.

Hlo\h 15 sơ năm vih tơ\ âu, io\k đơ\ng {ô đo#i Công ty 78, Binh đoàn 15 vih tơ\ xăh, kon pơ lei đei tơ plih ‘nao trong jang xa, erih xa. Lơ u\nh hnam vang pơ tăm ‘long cao su păng pơm ko\ng nhân lơ\m công ty, gơ nơm thoi no\h, tơ drong erih xa roi to\k, ưh pă hli pơ ngot nhen sơ\ bơih.

{ok pơ gơ\r pơ lei A Dói, pơ ma: “Đơ\ng đei [ô đo#i vih tơ\ âu, kon pơ lei tôch hơ iă, tơdrong erih xa to\k ‘lơ\ng. Dang ei kon pơ lei hlôh vao, băt trong jang xa, phe [a, hơ [o huei kơ ưh măh bơih, đang kơ ‘no\h pơ tăm bơ\n ‘long cao su hai. Kơ jă cao su dang ei re\h, mă lei inh hơ nơ\ng pơ lung kon pơ lei vei kơ jăp pơ gar ‘long gô kơ jă to\k, dôm bơ ngai pơm ko\ng nhân ‘no\h athei adrin jang hăm công ty.”

Ku\m hăm kon pơ lei kon kông kơ tă tơ\ âu, tơ drong erih xa kơ đe ko\ng nhân truh đơ\ng xăh sơ lam Măng MơRai kiơ\ trong jang ato\k tơ iung mu\k drăm tơ\ tơ ring sơ lam đơ\ng An^h tơm vei lăng khul linh te\h đak ku\m sơ đơ\ng bơih. ‘Nho\ng Lê Văn Lĩnh, ko\ng nhân khul jang kơ so# 5, Công ty 78 ăn tơ băt, u\nh hnam ‘nho\ng sơ\ tơ nuh hin mơ mat tat, mât jang ko\ng nhân tơ\ xăh sơ lam Măng MơRai đơ\ng dôm năr blu\ng pơ jing công ty, [ât ‘nao tơ\l 20 sơ năm păng tam đei u\nh om. Truh dang ei, ‘no\h đei u\nh om păng 1 ‘nu kon dro\ kăn ho\k đ^ lăm 4 bơih păng tơ drong erih xa sơ đơ\ng mơ\n:

“Inh mât pơm ko\ng nhân sơ năm 1999, bơ\ jang truh dang ei đei 16 sơ năm. Jang tơ\ công ty đei 16 sơ năm bơih, truh dang ei tơ drong erih xa hlôi sơ đơ\ng. Jang pơ tăm cao su, pơm ko\ng nhân chrek io\k kơ tăk athei kral tơ\ kơ măng, pơ ma atu\m ku\m mơ mat, gleh hrat ră mă lei jang đunh bơih, inh oei me\h jang tơ\ âu hơ nơ\ng truh ning mônh.”

Xăh sơ lam Măng MơRai j^ tơ ring kăn kư\ kăch mang lơ\m khei ‘năr tơ blăh Mi sơ\. Xăh đei 2 ‘măng pôk ăn anăn Khul linh tơ blăh nuih mơng kơ kon pơ lei. Tơ drong juăt jang kăch mang ‘no\h oei đei che\p vei hơ nơ\ng klep truh dang ei, dôm khul linh [ô đo#i, kon pơ lei lơ\m xăh hơ nơ\ng ako\m jơ hngâm bơ\ jang mu\k drăm hơ dai hăm vei sơ đơ\ng te\h đak.

Hăm tơ drong adrin ‘no\h ku\m hăm te\h, to\ ‘mi kial ‘lơ\ng, ‘long cao su lơ\m xăh Măng MơRai hơ nơ\ng jing ‘lơ\ng, đei kơ tăk lơ hlo\h tơ\ Tây Nguyên păng kơ tăk cao su đơ\ng Công ty 78 hơ nơ\ng lơ hlo\h tơ\ Binh đoàn 15. Dôm tơ drong jang xa, te\ch mơ dro đei năng kăl păng bơ\ jang ‘lơ\ng đơ\ng kơ dră che\p kơ\l công ty truh dôm khul jang xa păng ko\ng nhân.

Đại úy Hà Duy Trưởng, Bơ ngai vei lăng Khul jang kơ so# 5, Công ty TNHH MTV 78, ăn tơ băt: “Truh dang ei, an^h jang chrek io\k kơ tăk đei 10 sơ năm. Hlo\h 10 sơ năm chrek io\k, kơ tăk đơ\ng an^h jang jo# păh lăp hlo\h 2.100k^ kro 1ha 1 sơ năm. Vă gơ\h io\k đei lơ thoi no\h tơ drong kăl hlo\h ‘no\h j^ jang tro\ ki thuơ\t. Păng lơ\m tơ drong ki thuơ\t âu kăl loi j^ bơ ngai jang, chrek io\k kơ tăk rơ gei. Nhôn hơ nơ\ng pơ tho jang vă rim bơ ngai chrek io\k kơ tăk rơ gei ngăl. Bơ\ jang tro\ ki thuơ\t bơih athei jang tro\ pơ yan hai ‘no\h pơ gar ‘long gơ\h jing ‘lơ\ng.”

Xăh sơ lam nuih mơng Măng MơRai oei to\k bo\k tơ plih ‘nao rim năr. Lơ pơ gar ‘long kăp g^t jing ‘lơ\ng [lik tơ\ groi te\h tơ ring sơ lam păng tơ drong erih xa kơ dôm pơ lei pơ la roi đunh roi sơ đơ\ng ‘lơ\ng ro\.

Công Bắc: Chih

Dơ\ng: Tơ blơ\