VOV4.Bahnar - Jing tơring teh đei lơ hơdrun gkon kông erih atu\m dih băl noh Têt tơ\ pơlei Ea Mar, xăh xơlam teh Krông Na, apu\ng Buôn Đôn, dêh char Đak Lak  chơt hơ iă hăm lơ um ai đei pơjing đơ\ng tơdrong joh ayo\ kơ rim hơdrung kon kông to\k bo\k oei erih jang xa tơ\ âu. Jơnu\m pơgơ\r tơring păng rim anih jang ‘mêm bơnat hơnơ\ng tơre\k truh tơgu\m kon pơlei vă gơh đei Têt xo# xôn puih mak hơ iă.

            Ăh ‘long bri lơ\m pơyan hon hla ‘nao, groi ‘nhe\t dreng drut, pơkao [lang chôh brê chrê chra, noh jing ăh ‘năr mă pơlei Ea Mar, tơ\ xăh xơlam teh Krông Na, apu\ng Buôn Đôn, dêh char Dak Lak yak ăh pơyan puih mak. Pơyan puih mak xơnăm âu, hăm yă H’A Ly Ê’Ban, bơngai  Ê Đê, oei tơ\ pơlei Ea Mar noh [enh kơ tơdrong chơt hơ iă, kơlih đơ\ng ro\ng kơ lơ xơnăm jing unh hnam tơnap tap, dang ei unh hnam yă hlôi klaih đơ\ng hin dơnuh. Hăt hot pơkeh hnam man adrol kơ ‘năr Têt, yă H’A Ly tơroi: Jing unh hnam hin dơnuh, mă lei đei jơnu\m pơgơ\r tơring tơgu\m ăn 1 pôm rơmo yo\ng, [ô đo#i vei xơlam teh hơnơ\ng truh pơtho trong pơm jang ăn unh hnam da [iơ\ kơ tơnap tap. Têt xơnăm âu noh roi chơt hơ iă hloh dơ\ng yuơ unh hnam đei oei lơ\m bơbu\ng hnam ‘nao: “Xơnăm ‘nao, khei ‘nao, mă to\ xe\t dăh mă lơ duh athei đei Têt ăn unh hnam chơt hơ iă ăh blu\ng xơnăm. Lơ\m hnam răt to\ xe\t [anh ke\o, truh hơpong hnam ‘nho\ng oh kơtum kơto\ng, thơ thâu ăn xơnăm ‘nao grăng pran, jang xa đei yua lơ”.

Hăm unh hnam [ok Quyết Văn Khiêm, đơ\ng ro\ng hloh 30 xơnăm đơ\ng pơlei Phú Thọ truh oei tơring teh ‘nao jang xa, pơlei Ea Mar âu hlôi jing pơlei pơla mă 2. {ok Khiêm ăn tơbăt, kon hơ ioh adoi tih vơ\, đei bơngai jang tơ\ ataih noh ‘năr têt vih ako\m hăm unh hnam. Đơ\ng ro\ng 1 xơnăm jang hrat, ăh ‘năr mă hơtuch xơnăm, hnam đei pơ ‘nguaih rơgoh, tơm pơkao dur, pơkao đào đei pơro\ guăng ‘lơ\ng hăm unh pởchă kơmâu dreng brê atu\m hăm kơdu\ng li xi brê. Rim bơngai lơ\m unh hnam ako\m dih băl, bơngai noh ôp hla, ‘nhao phe vă ‘nu\ng [anh chưng, [anh têt. Mă ataih đơ\ng pơlei xo đunh bơih, mă lei têt tơ\ âu adoi oei đei unh hnam vei răk tơ\ tơring teh ‘nao: “Têt noh nhen tơ\ pơlei pơla đe\ch, kon hơ ioh vih ako\m tôm, bơngai jang tơ\ ataih duh vih hăm me\ [ă noh đe krao xa têt đe\ch. Tơ\ tơring noh đei lơ lêh et xa ăn kon pơlei truh ako\m. ‘Năr têt tơ\ tơring pơxe\l âu đei minh năr xơng têt nguyên đán, xa têt ako\m tôm hơ iă xo# xôn, ‘năr noh đe năm ako\m tơ\ hnam hơku\m tơpôl kơ pơlei, đe mih [ô đo#i vei xơlam teh păng anih pơm ‘nho\ng oh pơgơ\r têt ăn kon pơlei, xa têt đang noh pơgiơ\ng unh khơ\ng hri hơxuang”.

Ưh adro# hăm unh hnam yă H’A Ly dăh mă unh hnam Quyết Văn Khiêm, têt duh oei lang xă ja#p pơlei Ea Mar âu. {ok Phạm Thanh Bình, Kơdră pơlei Ea Mar ăn tơbăt, pơlei dang ei đei 215 unh hnam kon pơlei hăm je# 800 măt bơngai, mă lơ noh jang mir, pơtăm ‘long xa plei păng rong kon tơrong lơ\m unh hnam. Dôm xơnăm kơ âu, đei tơdrong tơgu\m đơ\ng Đảng, teh đak păng jơnu\m pơgơ\r tơring, kon pơlei kon kông pơ ‘nam pơm jang, hơto\k mu\k drăm. Mă kăl noh, lơ\m khei têt, kon pơlei hơnơ\ng đei tơdrong tơgu\m đơ\ng dôm anih jang ‘mêm bơnat păng khul linh vei xơlam teh tơ\ tơring: “Lơ\m khei Têt nguyên đán đei [ô đo#i vih ako\m xơng puih mak păng vei xơlam teh. Têt đei pơgơ\r tơ\ hnam hơku\m tơpôl, mă lơ noh pơlei pơla ako\m hơlêm dih băl vă pơchơt têt. Tơje# hăm noh đei lơ tơdrong pơgơ\r tơ\ tơring tơmăn păng dôm anih jang mu\k drăm ‘mêm bơnat axong tơmam ăn rim unh hnam hin dơnuh, kon hơ ioh unh hnam hin dơnuh, unh hnam tơnap tap”.

             Xơng têt nguyên đán, xa têt ako\m jing ‘măng vă dôm um ai joh ayo\ ‘lơ\ng ro\ kơ kon pơlei đei tơbang hơdăh. Yă Nguyễn Thị Hạnh, Bí thư chi bộ pơlei Ea Mar ăn tơbăt, lơ\m pơlei đei 6 hơdrung bơngai noh Mnông, Jarai, Ê Đê, Lào, Kinh păng Mường atu\m erih xa. Lơ\m rim ‘măng lêh têt, kon pơlei kon kông adoi vang ako\m tôm, đe xư hru\k kơdih hơbe\n ao kon kông po, atu\m vang ako\m tơpôl, pơjing he# tơdrong chơt hơ iă hloh: “Tơ\ pơlei Ea Mar âu đei lơ hơdrung kon pơlei păng dôm um ai joh ayo\ adoi đei răk vei, mă hăt noh tơdrong ako\m lêh Têt, ‘năr ako\m ching chêng kon kông dăh mă et xa nhen et xoi hơdra#m đak, brư\, et xo\ng [a ‘nao, lăng atu\m dôm ‘năr et xa noh rim hơdrung kon pơlei tơ\ tơring adoi vang ako\m tôm. Đe xư chơt hơ iă, hơdrung bơngai yơ hru\k kơdih hơbe\n ao kơ hơdrung mă noh, đe xư atu\m vang năm ako\m lêh hăm pơlei pơla”.

Ưh adro# vang jang vă hơto\k mu\k drăm, xơđơ\ng tơdrong erih, rim unh hnam kon pơlei kon kông đơ\ng tơring nai truh oei che\p ba hloi um ai joh ayo\ kơ hơdrung hơdre\ch po, tơring pơlei pơla oei răk vei păng hơto\k hăp tơ\ tơring teh ‘nao. Hăm tơdrong chơt hơ iă kơ pơyan puih mak, rim um ai joh ayo\ kon kông hrau atu\m dih băl pơjing um ru\p Puih mak guăng ‘lơ\ng tơ\ tơring xơlam teh Tây Nguyên.

Lan chih păng rapor