CHAM.VOV.VN: Ban raya Hồ Chí Minh hu peih pakak 12 sang bac di dom quan, huyen piah samu pabak ka thun bac 2024-2025 jaik tal. Dalam nan quận Bình Tân hu rilo abih lac 7 sang bac. Patui di nan lac dom sang bac rah tui dom quan huyen karei yau huyện Hóc Môn, Bình Chánh, Quận 12, 8, 6. Vũ Hường, urang vak di rayo sap ndem VN daok di TP. Hồ Chí Minh hu kadha vak ndem ka bruk ini:

CHAM.VOV.VN: Dom urang ruak pandiak tabiak darah pak tỉnh Đắk Lắk tagok samar drah dalam bilan 7 saong dom harei akaok bilan 8 ini, tui nan, dom urang ruak tagok tal labaih 1.325 urang, dalam nan hu rilo urang ruak trak. Dalam tuk nan, bruk pacang caga jit ruak pandiak tabiak darah di Đắk Lắk daok gaok rilo kan kandah, oh lac kurang pandap panda, jru tavao bo daok kurang gam bruk sangka caga dahlau di rahra. Nam Trang, urang vak di rayo sap ndem VN daok di bhum Tây Nguyên hu kadha vak ndem tal bruk ini:

CHAM.VOV.VN: Di puac bilan 8 ini, huyện Tân Phước, tỉnh Tiền Giang hu raok mek angan huyện Palei pala bahrau saong pahadar 30 thun padang tabiak. Mek hu njauk angan huyện Palei pala bahrau lac sa bruk kham merat di Đảng bộ, karja saong rahra puk palei hu ngak ka bhum Đồng Tháp Mười meng taneh njaom lakhun jeng baoh taneh siam phun hajao baoh jamen. Urang vak Nhật Trường hu kadha vak ka bruk salih bahrau di bhum taneh ini.

CHAM.VOV.VN: Ma tuy lac bruk pandik akaok, ba dom kanjak jhak ka dunya, daok dak harei dak njom tame yaok labik di rahra. Maong mboh dom kanjak jhak di “bruk metai mbong”, tỉnh Bình Dương hu ba tabiak rilo jalan ngak khang piah jhul kadun likuk bala ini. Min, ini lac “bruk mesruh” biak cuang kandah, caong hu bruk ba tangin rik prein tame di abih hệ thống chính trị saong abih rahra. Thiên Lý, urang vak di rayo sap ndom VN daok di TP.HCM hu kadha vak brei thau ka bruk ini:

CHAM.VOV.VN: Di tỉnh Lâm Đồng, jabat thú y di trung ương saong di tỉnh daok pataom abih prein tame taong ruak ka tapon limo. Min urak ini yaok harei, dom tapon li-mo ia tasau njauk aih traoh tabiak darah saong labuh metai dak harei dak rilo ngak ka rahra daok pak dua huyện Đơn Dương saong Đức Trọng di tỉnh Lâm Đồng biak haduh hatai. Quang Sáng, urang vak di rayo sap ndem Viet Nam daok di Tây Nguyên hu kadha vak brei thau ka bruk ini:

CHAM.VOV.VN: Thau lac bruk bangsa saong sangka raidiuk bhap bini bangsa takik lac bruk ngak praong, tukvak tapa, tỉnh Sóc Trăng hu pataom tame jhul khang bruk peih ngak dom danak dak praong, sit… Dalam Danak dak bruk ngak negar patagok kinh tế - xã hội bhum bhap bini bangsa takik saong bhum ceik, tukvak 2021 - 2030, dalam nan, hu bruk daong salih bruk ngak ka bhap bini bangsa takik, meng nan daong ka sang kathaot hu jalan ngak mbang, tagok jien tame, yam tagok tani tanat raidiuk. Kadha vak di urang vak Thạch Hồng brei thau ka bruk nan di xã Ngã Năm.

CHAM.VOV.VN: Dalam bruk pablei tabiak negar langiu kaya nong, kaya glai, kaya ikan 6 bilan akaok thun ini, Hoa Kỳ, Trung Quốc saong Japon daok lac 3 darak pasar blei kaya nong, kaya glai, kaya ikan praong abih di Việt Nam. Min dalam tukvak tapa, hu biak rilo kaya pandap mbuan njauk dang veik tuk pablei tapa dom taneh ia kan tame. Kadha vak di urang vak di rayo sap ndom Viet Nam

CHAM.VOV.VN: Page ini 16/8, UV Mentri Chinh trị, Thu tuong Rajaei Phạm Minh Chính, Akok Hoi dong Pakacah – Pok Meyom pakat negar dang akaok peih nyaom biai mbang 9, vaktu 2021 -2026.

CHAM.VOV.VN: Bình Dương daok peih ngak dom danak dak cakrok praong, piah padang ban thông minh, jeng labik njauk daok, duh ka bhap bini, duh ka kein laba di bol bhap rahra. Kadha vak di urang vak Thiên Lý hu ndom ka bruk nan:

CHAM.VOV.VN - Tukvak tapa, bruk siam mekre salamat jalan mbak di dom labik sang bac di Yên Bái hu siam veik, min jeng mbuan hu bala radaih ginuh paoh gauk. Tui nan, dom puk palei saong sang bac hu pambuak bruk haong gah công an ba tabiak rilo jalan ngak, dalam nan hu bruk padang “kapul eng drei khik caga salamat jalan mbak di pabah mbang sang bac".