CHAM.VOV.VN: Meng dom bruk ngak njauk lagaih, gam haong bruk khik apui saong brei apui di dom bhap bini, asal kadha khik ramik ilamo di dom mbon palei di tinh Dak Lak daok hu patui ngak, jeng tanut hadah brei ka bruk khik ramik saong patagok ilamo di bhum palei. H’Xíu, urang ngak bruk di Rayo Sap ndom Viet Nam hu kadha ndom ka bruk ini.

CHAM.VOV.VN - Nyaom roya lambaok vakil Ndang dalam negar mbang ka XIV kuhria rah tabiak meng harei 19 tal 25/1 anak tal, di ban ine Ha Noi. Ini lac danak dak politik praong di taneh ia nagar, hu makna pamaong tal dom sarak jalan kuhria ka jalan patagok bahrau. Gam haong urang jakar, urang ndang saong Rahra tinh Khanh Hoa, mikva Cam dalam bhum daok pamaong tal Nyaom roya hu rilo caong takre, payua hatai je tame dom jalan ngak, sarak bahrau, daong jhul tagok samar, karo kajap taneh ia negar dalam tukvak mai anak tal

CHAM.VOV.VN: Dom sarak ka pato megru brei ka bhum urang bangsa takik, bhum atah bayah hu ba mai dom siam lagaih tantu di tinh Gia Lai. Rilo anek saih hu daong mbang daok, jien bac megru, daong nao mai, daong brei ka bruk anek saih mbang bac tagok ralo, bruk klak bac takik. Rilo sarak lagaih brei ka kapul gru pato jeng daong ka gru pato sahnang hatai ngak bruk di drei. Meng di nan, bruk pato saong bac hu siam jang, asar pato megru hu paglaong siam. Urang ngak bruk di Rayo Sap ndom Viet Nam daok di Tay Nguyen hu kadha ndom ka bruk ini.

CHAM.VOV.VN: Vinh Long ieu lac sa tinh di dalam dom bhum palei hu rilo urang bangsa takik diuk rai, dalam nan rilo di nyu hu meng lac urang bangsa Khmer. Dom thun tapa, gam haong dom danak dak, sarak sangka bruk daok dang mbang ngui tui jalan di Ndang saong Karja, phun jien brei mesraiy tui sarak hu ngak saong daok jeng sa labik pambak hu makna, daong rilo baoh sang urang bangsa Khmer di dalam tinh patagok ngak mbang, tani tanat raidiuk saong dak harei dak uak drei tagok patruh kathaot karo kajap. Kadha di Thạch Trà Vinh, urang ngak bruk di Rayo Sap ndom Viet Nam hu kadha ndom ka bruk ini.

CHAM.VOV.VN: Di labik daok mbau simang mbau cur di baoh sang bahrau peih pakak di palei Phú Thuận, xa Hòa Mỹ, gah Pur tinh Dak Lak, tuk huak vaktu biar harei karei jang dut haong yaok harei. Oh lac sa harei huak uan ka sang daok bahrau, ini daok lac harei likau drei biak mboh suuh - sual damen di dom bol lin Sang bac Bol lin Quan khu 5 saong mikva bhum ia sua hadei jaik sa bilan tapa blaoh, ngak bruk, klah rabha haong gauk.

CHAM.VOV.VN: Oh padeih di dom bruk pagun sanya di angaok harak bi-ar, meng ini tal thun 2030, tinh Dong Nai daok peih ngak khang jalan padang labaih 65.000 baoh sang daok rahra. Meng bruk caik dahlau taneh riya jaik dom labik ngak kong saong khan tangin dui katut dom harak gal karja, tinh Dong Nai daok peih tabiak kein lagaih sang daok ka yaok rituh ribau urang ngak bruk, brei kein lagaih ka bruk patagok karo kajap.

CHAM.VOV.VN: Yaom lac hu UNESCO brei angan inem krung ilamo oh mboh di meta, min dang anak bruk cak rok patagok rai diuk jaman ini, labik dang ilamo kong chieng di Tay Nguyen saong dom labik karei jeng daok pandang mbaok haong bruk mbuan si lahik nao. Anak bruk yau nan, ngan haong hatai anit ragam saong hatai iek prong ngan haong dom yaom ilamo di bangsa drei, taha akaok palei K’Tiếu di xa Bao Thuan, tinh Lam Ndong yaom lac umo labaih 73 thun min jeng harei melam peih tal pato kong chieng ka rai rah dam dara. Kadha vak di kapul nyaom urang vak di Mbao saong Papar sap papar binguk Lam Ndong.

CHAM.VOV.VN: Harei roya Kong chieng Ndong Nam A thun 2025 bahrau hu peih ngak di dom harei puac thun di tinh Lam Ndong, bhum taneh ceik – glai – tasik. Rapaneh Lê Minh Sơn, Tong ndao dien pan akaok pesta harei nyaom hu mbang klah rabha ndom ka dom ragu ragam di bhum glaong. Kadha di Diệp Quỳnh di angaok harak Lam Ndong Online.

CHAM.VOV.VN - Mbang akaok meti, HĐ Bhap bini Ban raya Ho Chi Minh brei tapa sarak daong patagok jirah rivang MICE, brei mboh jirah rivang pambuak nyaom pataom, biai gauk, danak dak lac akaok mbram meraik bahrau. Hu 4 kapul daong hu makna, sarak hu caong takre ngak jeng bruk dui pachreih rilo dom tuai damuai MICE biak praong, tagok jien buh tabiak saong kein lagaih kinh te – jitvu ka ban raya. Kadha vak di urang ngak bruk di Rayo Sap ndom Viet Nam.

CHAM.VOV.VN - Dalam bruk taong abih dalam negar pamaong tal Nyaom roya lambaok vakil mbang ka XIV di Ndang, bruk politit praong prang, hu makna haong bruk di taneh ia dalam tukvak bahrau. Di dom phum, srok bhum urang bangsa Khmer, hatai jie saong caong takre daok pambak tabiak praong dalam. Ngọc Tươi, urang ngak bruk daok di Bhum Taneran kraong Cuu Long hu kadha ndom ka bruk ini: