CHAM.VOV.VN - Panduan salih taka so hu peih pambak prong prang saong hu bhap bani pandar ngak tui, hu jeng bruk ngak bhian randap yaok harei di rilo kaga palei pala di tinh Ba Ria - Vung Tau. Meng bruk duah thau ka harak gar karja tal bruk duah thau khaw tin tapa Zalo, bhap bani daok dak harei dak pandar lek taka so, diuk rai dalam rai rah taka so. Kadha ini mai meng puk palei, mai meng urang jaka, urang đảng abih hatung hatai, harei melam truac hadah dalah apui, ba bhap bani panduan salih tui jalan bahrau. Urang vak Lưu Sơn hu kadha vak ndom mayai tal

CHAM.VOV.VN:Dalam tukvak padang palei ngak nong bahrau, bruk khik ramik saong cak rok patagok asal ilamo bangsa tuk halei jeng hu tinh Gia Lai ba abih hatai sangka. Di palei O Ngol, xa Ia Vê, huyen Chư Prông, sap gong chieng, panuac adaoh kadha daoh bhap bani saong dom adat cambat tanarakun meng kan daok patui khik saong pambak prong dalam bhap bani gam gam haong bruk cak rok patagok kinh te, paglaong raidiuk di bhap bani. O Ngol hu jeng thaik binguk palei pala bahrau dalam bhum urang bangsa takik, ngan haong bruk rik daong di taong abih bhap bani, dak padang puk palei dak harei dak kaya meda, ilamo saong ndam mbak asal ilamo bangsa.

CHAM.VOV.VN- Urang bhap bini dalam phum soc bak dom ilamo Khmer, di Sóc Trăng harei ini ngak hamu ngak apuh meng smartphone gam saong pandar “2 nong”, Ma QR salih ka “jien mbaok”... Salih lek taka so - saneng lac daok atah bayah – urak ini nyu mai tal yaok baoh sang mai tal hamu taneh blaoh. Daa mikva saong abih mikva saong abih gauk mai tal bhum soc Soc Trang – sa labik daok ngak tui kong nghe so tui jalan karei di mikva urang bangsa Khmer, biak tapa kadha di kapul nyom di Rayo Sap ndom Viet Nam patui di ini.

CHAM.VOV.VN - Ngak tui akaok mbram mek bhap bini, mek urang ngak mbang blei salih ngak pasak asal, tinh Long An daok jhul khang salih lek taka so, pandar ngak kong khau tin piah patagk bruk iek glang, hadah pandang dalam bruk ngak di karja nagar. Ini ieu lac sa kadha brei ka harak gar karja daong ka bhum palei jaman bahrau, ban raya jak dah, karo dan saong kein lagaih ka bhap bini. Kadha di Vinh Quang, urang VOV bau tal bruk pasalih khang bahrau ini

CHAM.VOV.VN: Kayua ngak siam dalam bruk ngak danak dak Jalan nagar, rilo baoh sang urang bangsa takik di Dak Nong hu blaoh sang danaok kajap, hu bruk ngak mbang karo piah truh kathaot karo. Oh sa janih pasiam raidiuk bhap bini rahra, dom sarak karja ralo janih daok daong jhul pakhang bruk padang palei ngak nong bahrau, dui panak jalan jaik gauk di bhum atah bhum dalam. Dak Nong hu dom yam ngak njauk di jalan patrun kathaot ralo janih gah. Ini khan brei thau di PV Tuấn Long urang daok di huyen Cư Jút, tinh Dak Nong.

CHAM.VOV.VN: Xa jat harat urang bangsa Cam di Phú Lạc, huyen Tuy Phong, tinh Binh Thuan, bhum taneh bak pandiak saong angin hu sa baoh sang harei harei “truac hadah” ka ilamo Cam. Dua hadiuk pasang nan dak harei dak rik daong yaok sap gi-nang, panuac daoh, ine akhar piah khik gilac ka rai rah harei hadei janih ilamo meng kan di ong akaok ong akei di drei. Dom urang dalam baoh sang nan hu mong yau “gilang mu-yim diuk” khik piah ilamo di bhap bani Cam labik ini. Ja Si, sa urang vak di Rayo Sap ndom Viet Nam hu kadha vak ndom ka ong Chế Quốc Minh saong amuk Qua Thị Hồng Loan.

CHAM.VOV.VN: Ong Quảng Văn Đại ieu lac sa urang ndom meyai brei panuac lagaih adat cambat tanarakun di Kapul nyaom Halau janeng Cam Ahier tinh Ninh Thuan; sa urang abih hu hatung hatai gom haong bruk roh duah adat cambat, tanarakun saong duah thau ka inem krung ilamo Cam dalam tinh Ninh Thuan. Ieu lac sa urang hu ilamu saong bruk rik daong oh thau padeih padei, ong hu mong yau kareih camin naih gheih, nan lac “ine lang diuk” baoh ine lang dalam bruk khik ramik saong cak rok patagok ilamo Cam. Kadha vak di Thái Sơn Ngọc angaok mbao ndien tu Bangsa saong Cak rok patagok.

CHAM.VOV.VN: Dalam jalan 100 thun padang saong patagok di harak katmang Viet Nam, harak tinh Ninh Thuan oh lac sa janih khik angan di drei dalam bruk pathau khan dom jalan di Ndang, sarak, hukum di karja, tapa harak bhum palei, dom yaom kaom ilamo siam gheih, njauk ndom mayai tal lac ilamo bangsa Cam saong Raglai hu yaih khan dil samu, gheih mekre, tapa di nan, daong khik ramik, pambak gak, patagok dom yaom kaom ilamo meng kal. Kadha di urang ba khau tin, urang pambuak bruk angan Minh Triều daok di Ninh Thuan.

CHAM.VOV.VN:Gam saong taong abih dalam negar, bruk pagam klau bhum palei tinh ban Can Tho, Soc Trang saong Hau Giang jeng ban raya Can Tho brei mboh sa bruk hu angan praong di jalan patagok bhum Taneran kraong Cuu Long. Pagam klau tinh ban bhum palei brei peih praong rilo labik piah patagok, pataom hu ginup dom asal kadha “langik siam, taneh lagaih, menuac gheih” hu njauk lagaih piah dui ba ka bhum Taneran kraong Cuu Long yam tagok. Kadha di urang Rayo Sap ndom Viet Nam daok di Bhum taneran kraong Cuu Long.

CHAM.VOV.VN- Gam tui yaom anek baoh kain di darak pasar tuk halei jeng karo tani tanat di tanut glaong, daong parilo jien mek tame, tani tanat raidiuk di rahra, nan huyen jhul khang bruk jak ba rahra salih taneh ngak padai, tangei oh kein lagaih ralo tapa raong kain piah patruh eik, patruh kathaot karo kajap… Quang Sáng, Urang ngak bruk di Rayo Sap ndom Viet Nam hu kadha ndom ka bruk ini: