CHAM.VOV.VN: Rahra di Trường Hòa, phuong Phước Thới, Ban Can Tho patagok hatai gul pataom, chreih chrai ngak tui dom bruk pakacah, dom bruk jak ba “Taong abih rahra jum pataom padang palei pala bahrau, ban medin hadah krah”. Tapa di nan, hu rilo bruk ngak mbang di baoh sang hu siam lagaih, raidiuk di rahra hu paglaong, daong jhul patagok kinh te di bhum palei. Kadha di urang ngak bruk di Rayo Sap ndom Viet Nam.

CHAM.VOV.VN: Hajan aia sua dui atah dalam dom harei tapa ngak pacang cakak jalan mbak nao mai, ngak khat lahik trak tal sang danaok, jalan mbak nao mai saong bruk ngak mbang pala drak di bhap bani mikva urang. Di xa Bac Ai Tay kayua canah jalan 707 hu ralo labik ceik jaleih patau paoh, ngak kan kandah ka manuac urang saong radaih lamo nao mai. Urang jakar daok pataom abih pren saong dom sruh radaih piah pasiam veik dom labik glut jaleih nan angaok jalan DT 707, taphia di nan peih ngak bruk daong ba saong pataom yaok dom khat lahik piah samar drah daong ka bhap bani. Kadha di CTV Minh Triều.

CHAM.VOV.VN: Jirah rivang tapen tasik gah Pur Ban raya Ho Chi Minh, dui atah meng phuong Vung Tau (Ban Vung Tau klak) tal Long Hải, Phước Hải, Hồ Tràm (daok dalam dom huyen Long Điền, Đất Đỏ, Xuyên Mộc, tinh Ba Ria – Vung Tau dahlau diah) daok hu rilo kein lagaih. Dalam labik bahrau, gam haong majam jalan mabak sang danaok ha tang pambuak dak harei dak samu gauk, dom labik ini hu caong takre brei salih drei khang kajap, patagok rilo abih kein lagaih hu dahlau piah patagok jirah rivang.

CHAM.VOV.VN: Ban raya Ho Chi Minh oh sa janih lac hu thau tal yau pasak jirah rivang siam lagaih di abih dalam negar, blaoh nyu daok ba drei nao dahlau dalam bruk peih kadha bahrau ka jirah rivang hu thau bruk di drei – labik yaok yam patagok jeng pagam haong sanya khik ramik alam langik, ilamo saong bhap bini rahra. Kadha hu ba tagok harak ndien tu Vietnamnet

CHAM.VOV.VN: Tay Ninh daok danei angan tagok yau labik jirah rivang rilo gah di bilan harei raya, pambuak hatai duh yang mebang, gah ngak nong saong ba drei tame sinh thai. Tuai damuai hu rivang me-in glai tràm chanh, bein phun li-u huu co, hu mbaok tame workshop ngak ahar bhap bini, check-in danao caraih – ndien ndien tui bilan, pandar dom ndap nda jirah rivang karei gam me-in me-eic gam pagam saong ilamo di bhum.

CHAM.VOV.VN: Bhum taneran kraong Cuu Long daok peih tabiak Danak dak 1 trieu ha padai asar siam, tathuak nerak biar saong ngak bruk njauk tui sanya Net Zero di thun 2050. Bruk pasang iek pong hu brei mboh lac sa di dalam dom gang hu makna di bruk salih hacih hijao dalam gah padai brah, pamaong tal jalan patakik tathuak nerak saong paglaong yaom kaom majam gah ndap nda kaya dalam tukvak meng anak mai tal. Kadha vak di urang ngak Bruk di Rayo Sap ndom Viet Nam.

CHAM.VOV.VN - Hadei di pagam pambuak, tinh Dong Nai hu 37 bangsa takik. Piah dong ka mikva uak drei tagok, tinh peih ralo sarak karja kuhria ka urang bangsa takik, daong jalan brei mikva urang bangsa takik ngak mbang patagok kinh te jeng ye karo dalam bruk daok dang. Kadha di urang VOV

CHAM.VOV.VN: Dom thun blaoh tapa, gam saong bruk khik kajap karo taneh ia di tapen nagar, Bol lin di Bien phong tinh Gia Lai pagam saong dom gah karja daong bhap bini rahra patagok bruk ngak mbang, truh kathaot karo kajap. Dalam nan hadah di nyu hu bruk " Yaok sa adit daong hu sa baoh sang kathaot di bhum tapen nagar ". Kadha di harak Bangsa song patagok.

CHAM.VOV.VN- Dalam raidiuk di pabah jalan tapen negar Mỹ Quý Tây, tinh Tay Ninh, Dai uy Đoàn Nguyên Khang – Akaok Balai Bien phong – pacang khik, cakak yaok bruk pablei dauk, jru aphil, phao karaong. Hatai thau bruk, naih gheih dalam bruk ngak gam haong bruk pambuak khang haong dom kapul hu daong sa-ai saong ayut cuai sahabat khik salamat bhum tapen negar. Kadha di urang ngak bruk di Rayo Sap ndom Viet Nam.

CHAM.VOV.VN - Di rilo bhum palei, bhum ceik glaong, bhum mikva urang bangsa takik daok di tinh Khanh Hoa, bruk brei mesraiy jien tui sarak karja jeng hu ngak saong daok jeng “mbaik gal vah” daong brei ka rilo baoh sang kathaot, jaik kathaot hu kein lagaih salih raidiuk. Phun jien daok daong piah ka rahra buh jien tame ngak mbang suai atah, parilo jien mek tame. Kadha di Urang pambuak bruk rayo angan Minh Triều hu ngak di Maraong Khanh Hoa, labik hu rilo urang ngak nong pandar siam lagaih phun jien piah uak drei tagok patruh kathaot karo kajap